ظلم بين الجزء الأول

صممنا تقعد معانا لغاية ماتفوق من الولاده وتسافر وقالت بسرها استغفر الله العظيم سامحني يارب عالكدب
نغم بلئم _ اومال فين زوجها هو كمان مسافر
رد مالك _زوجها ټوفي قبل الولاده بكام شهر
نغم بتصنع الحزن _ ياحرام عشان كده شكلك حزينه الله يرحمه
كانت نغم تحب مالك ولكن هو لم يعيرها اي اهتمام وكان طول الجلسه غاضب من نظرات سليم ابن خالته لرؤي واخذ سليم وقال _ يلا نطلع فوق يا سليم
سليم _ لا خلينا هنا شويه الجو حلو اوي انتو معندكمش غدا ولا ايه
ام مالك _ لا جوز خالتك في الطريق هقوم احضر الاكل تعالي معايا يا نغم 
واخذت رؤي طفلتها وقالت _ وانا هنيم حلم بعد اذنكم
سليم بعد ما اصبحا بمفردهما هو ومالك قال _ حلوه اوي رؤي ماشفتش بنت جمالها هادي ومريح كده
مالك اشتاط ڠضبا وقالك _ ما عيب عليك يا اخي في ايه دي ضيفه عندنا
سليم _ انا بقول بيني وبينك انت شفتني عكستها
_ ايه عمال تبصلها احرجتها عيب عليك 
ودخل لامه المطبخ وقال _ ماما دخلي الاكل لرؤي الغرفه هي محتاجه راحه مينفعش تاكل معانا وكمان ممكن تتكسف
ام مالك _ حاضر يابني
ڠضبت نغم من اهتمام مالك برؤي وشكت بأمرهما وبتصرفات مالك واحست بغيرته عليها وجاء ابو مالك واتغدو وانصرف ابناء خالته
ابو مالك _ طيب مش هتنادي رؤي اتعرف عليها ولا نامت 
مالك _ ثواني اخبط عليها عشان ماما مش فاضيه بالمطبخ
خبط عليها فتحت الباب له نظر في الارض عندما شعر باحساس غريب اتجاهها وقال _ بابا كان عايز يتعرف عليكي يا رؤي بس قبلها عايز اسألك سؤال
ردت _ اتفضل
الاب _ انتي ليه مش لابسه الحجاب مش عارفه انه الحجاب فرض وانتي مطالبه به
رؤي _ هو انا عمري ما حد كلمني عليه بس بفكر البسه بدال فرض
الاب _ معقول مكنتيش تعرفي انه فرض
رؤي _ لا عندنا الستات الكبار بس اللي بيلبسه حجاب 
الاب_ لا يا رؤي البنت لازم تغطي جمالها مايظهرش غير لزوجها او محارمها انا بس حبيت انصحك وانتي براحتك طبعا
رؤي _ حاضر اديني دقايق واجي وراك واتعرف علي والدك
ذهبت رؤي لأم مالك المطبخ وطلبت منها حجاب واعطتها وفرحت بها كثيرا وعندما خرجت لمالك فرح بها وقال في نفسه وبعدين بقا ده انتي كده بقيتي اجمل صبرني يارب
وتعرفت علي ابيه واعجبت به وبطيبة قلب هذه العائله الطيبه وتمنت ان كانت تحظي بمثل هذه العائله وفي المساء ذهب مالك لعمله بالمشفي ورفع رأسه بطريقه لا اراديه لينظر علي شباك الغرفه الموجوده بها رؤي ليفاجئ برؤي تنظر منها تراقبه وهو ذاهب لعمله خجلت رؤي عندما شاهدها تراقب خروجه لعمله ودخلت بسرعه
اما بالجانب الاخر عند مالك دق قلبه عندما شعر بأهتمامها به وقال في نفسه اكيد صدفه متوهمش نفسك بقا وعزم ان يذهب بعد العمل بعنوان القصر الكائن به وليد والد حلم ليجبره علي الاعتراف بها وعندما ذهب مالك القصر وطلب ان يقابل وليد واعطي الكارت المدون به اسمه وعمله للخادم وقال قولو انا عايزه في شي مهم وضروري
دق الخادم باب وليد ودخل عندما اذن له
وليد _ ايه بتصحوني بدري ليه جتكم الهم
الخادم _ الشخص ده قال عايزك في شي مهم يا فندم واعطاه الكارت
عندما رأي الكارت اندهش وقال _دكتور مالك عايز مني ايه ده لما انزله
نزل وليد ليقابل مالك 
وليد بتكبر _اهلا هو في سابق معرفه بيني وبينك عشان تطلب مقابلتي بدري كده
مالك _رغم اننا الضهر بس بعتزر للازعاج هو مفيش سابق معرفه بيني وبينك بس انا عندي شي يخصك
وليد _ يخصني انا شكلك غلطان بالاسم ايه اللي هيخصني عندك
مالك _ بنتك
وليد پصدمه _ نعم بقولك غلطان في العنوان انا معنديش بنات ولا ولاد ولا متجوز اصلا اتفضل من غير مطرود
مالك _ لا عندك بنت اسمها حلم بنت رؤي اللي انت خدعتها بمأذون مزيف وغشتها وبعد كده رمتها بالشارع افتكرت ولا افكرك اكتر
وليد _ اطلع بره انت مچنون حلم ايه ورؤي ايه اه فعلا شكلك بتحلم معرفش حد بالأسم ده خليها ترمي بلاها بعيد عني احسن لها و احسن لك
مالك _ لا انت تعرفها كويس و عارف ان سهل تثبت ان البنت بنتك فمن غير اي مشاكل تعال اكتب بنتك بأسمك واعترف بيها واكتب علي رؤي علي الورق بس رسمي وطلقها عشان سمعة البنت بس لكن رؤي مش عيزاك
وليد _ انت بتحلم جابتك منين انت قولها اي دوشه هأذيها وخليها تبعد احسن
مالك _ ده عنواني هي عايشه مع امي هستناك تفكر اسبوع وتتصل عليا وتيجي ارقامي بالكارت اللي معاك لو مجتش بعدها هتصرف
وليد _ اطلع برره
ڠضب وليد من زيارة مالك واخذ يفكر ماذ يفعل بهذا الطبيب الذي تحتمي به رؤي هي الان اصبحت معها من يساندها ويقويها لم تعد البنت اليتمه التي لا حول لها
ولا قوة من الضروري ان ينهي موضوعها بأي شكل ثم خطرت له فكره شيطانيه وذهب لعمها بحديقه القصر لينفذها
وليد _عم صابر عامل ايه و ايه اخبار الورد الحلو بتاعك
صابر _ اهلا وسهلا يابيه الحمد لله كله تمام
وليد _ بقولك يا عم صابر في موضوع كده عايز اقولهولك ومتردد
صابر _ قول يابيه علي راسي
وليد _ سمعت ان بنت اخوك هربت وانت بدور عليها
صابر _ اه يا بيه منها لله جبتلي العاړ بس لو الاقيها اشرب من ډمها
وليد _ شفت انا خاېف اقولك تتهور وتضيع نفسك عايزك تحل الموضوع بحكمه عارف انك فلاح ودمك حامي وهي البت بهدلت سمعتك الصراحه
صابر _ انت تعرفها يابيه تعرف مكانها
وليد _ انا الصراحه شفتها معاك كام مره فاول ماشفتها عرفتها علطول
صابر _ شفتها فين قولي ابوس ايدك
وليد _ بس مكنتش تحلف مكنتش ناوي اقولك هي عايشه مع دكتور في شقته لوحدهم استغفر الله عايشه معه بالحرام وباين خلفت منه كمان انا لما شفتهم مشيت وراهم وجبتلك العنوان قلت عم صابر راجل طيب وما يستاهلش راسه تبقي في الطين كده خد العنوان اهو بس اوعدني مضيعش نفسك
صابر ده انا هشرب من دمهم الاتنين
وليد _ ليه بس كده يا عم صابر صراحه انا لو منك هعمل اكتر من كد
وبعد ان نفذ وليد خطته الشيطانيه وبخ السم في عقل عم صابر عم رؤي واقنعه انها تعيش مع طبيب بمفردهم وانها عشيقة هذا الطبيب حتي اصبح عم صابر لم يري امامه الا ان يأخذ بثأرو من الطبيب الذي استحل شرفه ومن رؤي حتي يغسل عار ها واخذ العنوان وقرر ان يذهب العنوان الذي اعطاه له وليد 
يتبع