دفعت الثمن الجزء الثاني بقلم صفاء

وخرجت واشتريت الفيلا إللى الصدفة خلتك تمشي من جنبها واقابلك ..
حنان بصوت واطى كان يوم اسود والله
مازن علي فكرة انا سمعتك
حنان بخجل سمعت اي هو انا قلت حاجة
مازن حتى لو يوم اسود بالنسبه ليكى بس هو يوم سعادة
حنان مش مستريحة لنظرة مازن متغير في حاجة غريبة ليه عاوز يوصلى أنه معجب بيا ولا بيمثل عليا
مازن اي روحتى فين
حنان هه لا ولا حاجة طيب امتى بدأت تشك في مرات ابوك او مۏت أمك مش طبيعي .
مازن طيب هنتكلم واحنا واقفين تعالي نقعد في مكان نحتفل بمناسبة نجاحك وبعد كدة اكملك ..
حنان بتفكير طيب بس منتأخرش..
مازن أكيد اتفضلي معايا ويفتح العربية ..
حنان پصدمة اتفضل فين ...
مازن في العربية يعنى هنروح ازاى....
حنان ليه انت هتوديني فين
مازن هخطفك واغتصبك استريحتي
حنان نعم يا بابا فوق لنفسك
مازن تصدقى انا غبي انى واقف اتكلم معاكى
حنان ما انت ل تتكلم بعقل ل بلاش منه مفهوم
مازن كنت هأروح علي نادى انا مشترك فيه استريحتي
حنان ليه يعنى هنروح علي الكافية إللي في المول إللى روحنا عليه قبل كدة بعد اذنك ...
مازن بنظرة إعجاب حاضر ...
حنان انا اسبقك وانت حصلنى
مازن ليه إنشاء الله
حنان علشان انا هروح بالميكروباص وانت هتيجي بالعربية
مازن أمرى الي الله بس انا شايف انك معقداها جدا هو انتى عندك عقدة من الشباب
حنان خلاص أنسي انا مروحة
مازن اهدى كدة يا عصبية انا موافق
وفعلا سبقته علي المول استغرقت نصف ساعة
وهو لحقها بالسيارة
وركن السيارة وانتظرها لحتى ما وصلت ...
مازن طب ليه الغلب دا مش كنتي ركبتي معايا ..
حنان ولو حد شافني يقول إيه وأنت مش قريبي أو جارى أو حتى أخ ..
مازن طب ينفع أكون صديقك الأنتيم ..
حنان لأ طبعا لأن مفيش صداقة ما بين الولد والبنت وغالبا الصداقة بتتحول لحب ...
مازن طب وفيها إيه 
حنان معلش بتقول حاجة ...
مازن أقصد مفيش زملا ما إنتى جامعية وأكيد عندك زملا شباب ...
حنان أكيد لكن جوا المدرج بس ومفيش كلام معهم لكن برا لأ..
مازن طب يا ستي محلوله ابقى جوزك إيه رأيك...
حنان ههههه والله أنت دمك خفيف..
مازن   ليه بقي المسخرة دى هو انا قلت نكتة علشان تضحكى كدة ...
حنان لأنك من عالم وأنا من عالم تاني خالص ...
مازن مش فاهم تقصدى اي
حنان فكك انا بس فضولي اعرف حصل ليها اي خلانى وافقت أجي معاك
مازن كتر خيرك والله طب محلوله أكون مديرك ودا مفيهوش جدال لأنك ماضيه علي عقد تعينك من سنين. 
حنان نعم إزاى دا 
مازن أهوه لو مش مصدقاني أكيد انتى ډخلتي عقل أمي لدرجة أنها كتبت العقد ومضتك عليه بدون ما تحسي.
حنان بحزن الله يرحمها ..
مازن أمين يارب العالمين قلتي إيه ..
حنان أصل انا كنت قدمت ل شركتين وهاروح أشوف اتقبلت والا لا
مازن اتقبلتى فيهم
حنان مش فاهمة هو حضرتك عرفت ازاى ولو اتقبلت يبقي مش هينفع اشتغل معاك
مازن لا هتنفعي لأن نفس الشركتين هما من مجموعة شركات ممدوح للانشاءت
حنان نعم مش غريبة دى
مازن مفيش كلام بعد كدة الا لم ناكل انا واقع من الجوع انتى مش جعانة ..
حنان عاوز الحق و الا ابن عمه
مازن الإثنين
حنان جعانة بس مش ينفع اكل
مازن ليه بقي صايمة
حنان لا بس بابا مش بيعرف يأكل من غيرى
مازن ليه بقي مش مامتك معها
حنان لا أمى ماټت وانا في اولى ثانوي
حنانكوكتيل ب الأيس كريم ممكن
الجرسون اكيد وحضرتك
مازن زيها ودقائق يجي المطلوب
مع تسريع الأحداث ...
وافقت حنان تشتغل وفضلت 6 شهور وللأسف.. خفة دم مازن وابتسامته إللى مش بتفارقه وقعت حنان في حبه بدون ما تشعر وهو كمان اتعلق بيها وفي دوامة العمل نسي نهلة إللى كانت تراقبهم وتشبه علي حنان بس مش متأكده ...نهلة فكرت تلعب على مازن ولأن ليه حصة في الشركة بعد مناقصة كبيرة قررت تحتفل ...
نهلة بمناسبة أن الكل متجمع قررت أعمل حفلة علشان الإتفاقية....
مازن فكرة حلوة...
ممدوح أكيد فكرة تجنن يا قلبي ..
حنان اعفوني مش هقدر أجي علشان بابا ...
مازن طبعا لا انتى لولا فضلك كانت ضاعت المناقصة عمي يجي معاكي ...
حنان لسه هتتكلم
نهلة ما خلاص بقي متبقيش رخمه مازن حلها واضح أنه بيعزك اوي ...
مازن أكيد أنا بعشقها..
حنان بخجل ميصحش يا أستاذ مازن المواضيع دى مفيهاش هزار ...
مازن جذبها نحوه تعالي معايا ..
وخرجوا من القاعة وراحو علي مكان هادئ في مطعم راقي ..
مازن علي فكرة أنا بتكلم بجد..
حنان قلبها دق وسكتت شوية...
حنان تقصد إيه...
مازن أقصد بحبك وبموت فيكي وعايز اتجوزك ومتقوليش إنك طبقة فقيره وانا طبقة غنيه والكلام دا..
حنان طيب اقول أيه..
مازن تقولي زى ما قلتها سهلة بحبك بحبك يا حنان انتى كمان بحبك يا مازن ..
حنان بضحك دا بعدك أجيب ۏجع الراس لنفسي ليه ...
مازن ۏجع راس إيه انتى لسانك. طويل حتى في الرومانسي بقولك بحبك تردي تقولي بحبك سهلة أهيه ..
حنان بعينك وسع كدة ..
ومشيت..وقتها مازن