دفعت الثمن الجزء الاخير بقلم صفاء

دفعت الثمن الجزء الاخير بقلم صفاء
سارة بسم الله ماشاء الله أيه البطل بتاعنا دا إسمك أيه !
الطفل أسمى أسر....
سارة عاشت الأسامى وأنا أسمى سارة وابقى صديقة بابا ...
اسر بفرحة بجد إنتى كنتي مسافرة مع بابا 
سارة آه ورجعت أنا وهو علشان نشوفك...
اسر بفرحة طب هو فين 
إسلام هو زعلان من أسر علشان رمى نفسه قدام العربية ...

أسر بحزن هو ليه الكل مش بيحبنى وزعلان منى 
حنان مين قال كدا يا أسر مش أنا بحبك 
اسر لا إنتى مش بتحبيني خالص ...
حنان ليه كدا يا أسر أنا عمرى رفضت ليك طلب 
اسر إنتى مش عايزة بابا يعيش معانا في البيت ليه وكمان عايزة تطلقي منه...
حنان مين قال لك الكلام دا 
اسر بابا هو إللي قاللي الكلام دا إنك انتى إللي مش عايزة بابا يعيش معانا علي طول ...
حنان أيه الكلام الفارغ دا وتفتح الباب وتنادى علي مازن ...
مازن كان واقف علي الباب ايه اشتاقتيلي بالسرعة دى ...
حنان بعصبية أيه الكلام الفارغ إللي قلته ل أسر دا مش أنا طلبت منك متفتحش أي موضوع معاه لحد ما الدكتور يحدد دا ...
مازن كلام أيه وإمتى دخلت عنده مش كنا واقفين دلوقتي مع بعض ...
إسلام تعالى إتفضل يا أستاذ مازن بعد إذنك...
مازن يدخل وعلى وجه ترسم علامه إستفهام إسلام يوجه كلامه لأسر
إسلام يعنى أنت عايز بابا يعيش معاك...
أسر آه وعايز ماما متطلقشي منه أنا ما صدقت إنه رجع ليا ...
إسلام خلاص إللي أنت عايزه هنعمله..
أسر بجد وعد يا ماما!!!
حنان لا تفهم شئ لكن تجارى أسر
حنان وعد يا أسر...
أسر يا بابا تعالى ماما وافقت إنك تفضل عايش معانا علي طول أنا وأنت وأخواتي...
مازن يجى يقترب من ناحية أسر فجأة يجد أسر في حضن نور ...
مازن وحنان في صدمة...
نور يبتسم بخبث مش قلت لك أن ماما بتحبك وهتسمع كلامك ...
أسر آه وأنا كمان بحب ماما وبحبك انت كمان يا بابا...
حنان تفوق من الصدمة أنت كنت تقصد بالكلام دا اونكل نور 
اسر دا مش أونكل دا بابا هو قالي كدا أنه بابا وأنا مكتوب بإسمه...
إسلام يقف بحيره ينظر لحنان وهي تتكلم وسكت ..
إسلام تمام يا بطل خد العلاج وأسمع كلام الدكتورة سارة علشان تخف وترجع مع بابا علي البيت ...
اسر حاضر ...
الدكتور إسلام ممكن الجميع يخرج برا....
الكل خرج ونور قرب من اسر وقبله وقال... انا مستنى برا ومش همشي إلا لما تخف علشان أنا بحبك أوى..
اسر يحضنه وأنا كمان بحبك أوى يا بابا...
مازن كان حزين ولا يفهم شئ لكنه رأى نظرة نور له كلها خبث وانتصار ويتذكر نور عندما قصت له أمه ..
فلاش باك ...قام وقف مكانه...نور أنا مش هاسيب حنان مفهوم .....
الام أنت ليه مش عايز تفهمنى أنت دورك إنتهى بالنسبة لحنان مع ظهور مازن ...
نور مازن مين دا اللي ياخد كل حاجة منى مش أمه زمان حرمتك وحرمتنى من ابويا النهاردة انا هحرم مازن من ابنه ومراته وسبحان الله حقك أنا هرجعه...
ام نور حق ايه أصحاب الحق ماتوا وأنا حكت لك علشان متقفش قدام أخوك أما دلوقتي أنت فهمت كلامى غلط ...
نور أنا مش معترف من الاساس أنه أخويا وكل الماضي اللي يشرف دا مليش دعوة بيه أنا أهم حاجة عندى مراتى فاهمة وأنا مش لعبه في إيدك تقوليلي إتجوز حنان أقول حاضر تقولي إبعد عن حنان أقول حاضر مع السلامه يا أمى ...
ويرجع علي المستشفي ويترك ياسمين وهى مخڼوقة يا ترى انا غلطت اني قولت له كل حاجة بس أنا محسيتش أنه إتفاجئ بحاجة وكان ماسك نفسه ومتعصبش او ثار..
نور وهو راكب العربية انتى فاكرة أن مكنتش أعرف سرك أكيد عرفته من زمان واتصاحبت علي مازن مخصوص علشان أوصل للحقيقة واتعينت في شركة ابويا واستغليت المديرة المالية إللي هناك ولعبت عليها وإتجوزتها وبقي معايا الچنسية وكل أسرار الشركة إنتى فاكره يا أمى أن عدم رجوعه دا مش كان مدبر فيها لا طبعا مدبر أنا لما عرفت حكاية حنان اتقصيت عنها وعرفت كل حاجة حصلت معاها بالتفصيل كنت في البداية فرحان في مازن لكن لما شوفت حنان قلبي اتعلق بيها وواحدة واحدة بدأت اخليها تثق في وسببت الحاډثة لمازن علشان عرفت أنه راجع وطبعا أسر هو الحفيد وهو الوريث ووالدي المصون لما عرف كتب معظم فلوسه لحفيده ومبقاش عندي حل اللي احبب أسر في وحنان تقبل تكون مراتى وبكدا كل حقي يرجع بس لسوء الحظ رجع المحروس تانى في وشها بعد ما هى وافقت انها نكون أسرة واحدة ومراتى بخ واحد لعب بيها وهربت معاه وطبعا أنا كنت عارف كل حاجة واستغليت الفرصة وهددتها واخدت بناتى يعنى دلوقتي البنات واسر هما اللي يقربوا ما بيني وبين حنان وانت بخ بس أعمل ايه آه جاتلي فكرة...
يصل علي المستشفى وأثناء ما كانت حنان