برئ جزء تاني واخير

الشاويش يدخل من غير ما يخبط وباين على وشه الخۏف 
معتز انت ازاي يا حمار تدخل من غير ما تخبط 
الشاويش السجين بتاع قضيه الأغتصاب إللي أنت حطيته في الأنفرادي قطع شرايينه 
معتز مستني ايه ابعته المستشفى بسرعه 
الشاويش حاضر يافندم 
معتز يجري هو والشاويش على حسام ويلاقي رساله جمبه بس ميقرأهاش لأنه عايز يلحق حسام 
عند علي في المستشفى 
صفيه حمد لله على السلامه ياحج 
علي حج انا بقيت حج ربنا يسامحك 
صفيه خد البنات واطلعوا بره يامعتز 
ريم بضحك عايزه تقولي أيه لبابا يا صفيه 
صفيه بنبره حاده اسمعي الكلام 
معتز والبنات يطلعوا 
صفيه طول عمري عارفه إنك بتحبها بس مخبيه الموضوع عشان خاطر العيله متتدمرش 
علي بحب مين ياصفيه انا مبحبش غيرك 
صفيه كداب طول عمرك كداب دخلت عليك وانت نائم لقيتك بتردد اسمها ماجده 
علي والله العظيم ما حبيت غيرك 
صفيه طلقني طلقني ياعلي 
علي كل ده عشان مره نطقت أسمها وانا نايم انتي أول مره تطلبي الطلاق
صفيه مش مره كتير ببقا جمبك نائمه وانت تنطق اسمها  انت السبب في كل ذنوبي في الدنيا 
علي بعدم فهم انتي بتقولي ايه 
صفيه خلتني أكره بنت ملهاش أي ذنب غير أنها شبه امها وطبعا عشان السبب ده كنت بتفضلها على بناتك وكنت بتحبها حب جنون انا مش عارفه انت بتعمل فيا كده ليه 
علي لأ يا صفيه انا بحبك يمكن فعلا حبيت ماجده بس من بعد ما اخويا أجوزها لا من بعد ما أخويا فكر فيها وانا بعدت ولقيتك انتي أم عيالي وحبيبتي وعشرة العمر انا ماجده كانت في بالي عشان شفت سعاد
سعاد بتفكرني بيها عشان كده بفتكرها ولكن وعهد الأيام إللي بينا أنا ما بحب قدك إنتي طول عمرك بتحبيني وانا بحبك متدخليش الشيطان ما بينا وإذا كان على ذنبك مع سعاد انتي ممكن تصالحيها وترجعوا زي الأول وانتي عارفه إن سعاد بتحبك 
صفيه انا ظلمتها ومش ناويه اظلم نفسي ولا أظلم اي حد بعد كده انا لو فضلت معاك هخسر نفسي احنا هنطلق بعد ما تقوم بالسلامه وقضية حسام تخلص من ساعتها لغاية دلوقتي لسانك ميخطيش لساني 
وتقوم وتيجي تمشي تلاقي علي مسك إيديها 
علي انا مقدرش اعيش من غيرك 
صفيه وهيا عنيها متفجره من الدموع انت تقدر تعيش من غير اي حد
بره ياسين وريم قاعدين يتكلموا سوى ومي واقفه بعيد عنهم 
ياسين هو انا هفضل اكلم وانتي مترديشش
ريم مش قادره اكلم هو انت مش ملاحظ إللي احنا فيه 
ياسين مالو إللي انتو فيه أبوكي وبقا زي الفل واخوكي وهطلعه براءه انتي بقا مش راضيه تكلمي معايا ليه
ريم معرفش أسأل سعاد روح اكلم معاها 
ياسين يضحك انتي غيرانه عليا من سعاد 
ريم بعصبيه لا طبعا اغير عليك ليه 
ياسين كنت عارف إن الموقف هيحتاج فلوس عرفتها أن حسابها في البنك فيه فلوس والحج كان مديني الفيزا بتاعتها اديتهالها وطلبت منها تدفع حساب المستشفى لأن محدش فيكم معاه فلوس 
ريم طيب 
يس طيب ايه يابت 
ريم بت أما تبتك 
يجي اتصال ل ياسين من معتز 
صفيه تطلع من الأوضة معيطه تجري عليها مي وريم 
ريم بټعيطي ليه ياماما 
صفيه ملكوش دعوه 
ياسينيا جماعه حسام اڼتحر وراح مستشفى الشرطه لازم نلحقه 
عند شمس وسعاد 
شمس مالك يا سعاد شكلك مصفر كده 
سعاد مفيش تعبانه شويه من الخضه على عمي 
شمس انتي بتخبي عني ليه 
سعاد فيه حاجات لازم تستخبى خصوصا ومتكملش كلامها 
شمس مش مهم ياستي طلاما مش عايزه تكلمي هو انتي قررتي يوم كتب الكتاب ترفعي القضيه ولا قبلها 
سعاد مقررتش اصلا وتحكي لها إللي حصل من مي 
شمس البنت مي دي بتكرهك اوي 
سعاد زي ما انا كنت بكرهك لغاية أما وقفتي جمبي 
شمس يعني ايه 
سعاد فاكره زمان لما انا وحسام كان كل الحاره عارفه أننا بنحب بعض فجأة لقيت حسام بيتقدم لك ولقيتك جايه لي بتقولي أنك بتحبيه ولازم اسامحك لأن الحب مش في إيدينا وهو حبك ومحبنيش 
شمس وده ماله ومال كره مي