رواية حور الراعد الجزء الاخير بقلم رؤى محمد

أنت هتبات عندى يلا اركب وانا حلفت خلاص
معتصم باستسلام امرى لله يلا
حور بفرحة هيه مروة هتيجى معانا يلا تعالى اركبى
مروة بهمس لحور والله يا حور هتعبوا نفسكوا
ضړبتها حور بخفة في كتفها بس يا هبلة ما تقوليش كدة تانى هزعل منك
مروة بمرح لا مايرضينيش زعل القمر دة يلا
و ركبوا كلهم ووصلوا الفيلا أو القصر لان الفيلا كبيرة لحد كبير وتشبه القصر فعلا
و طلع كل واحد لاوضته بس البنات اتجمعوا في اوضة سما وقعدوا يجهزوا الحاجات مع بعض الفستان. الطرحة. الأحذية وهكذا
تسريع للاحداث جه تانى يوم وهو اليوم الموعود يوم الزفاف في القصر في اوضة كبيرة جدا كانوا البنات قاعدين ومعاعم ميكب ارتيست ومساعدة علشان تعملهم طرحة الفستان وتساعدهم ومشغلين أغاني وعمالين يغنوا وفرحانين أو بالاصح سما بس اللى عمالة تغنى
لكن الرجالة كان الوضع مختلف كل واحد في اوضته بيجهز مع نفسه وعقله مشغول بأميرته
البنات مشغلة أغاني رومانسية هادية بس سما هي اللى كانت طالبة كدة على عكس حور كانت عايزة تشغل مهرجانات
حور بتذمر وهي جالسة على المقعد امام الميكب ارتيست سما بذمتك في واحدة تشغل يوم فرحها أغاني هادية زى دى
كانت سما سرحانة وبتردد مع ألاغانى بصوتها الجميل
حور بصړيخ سمااااا ردى
سما بفزع ايه في ايه
حور پغضب وهي تلتفت لها وتقول للميكب ارتيست معلش يا اختشى لحظة كدةبعدها نظرت إلى سما وقالت بعصبية 
سرحانة في ياختى بنادى عليكى من الصبح
سما معلش ادينى اتزفت اهو عايزة ايه بقى
حور بعصبية اطفى ألاغانى الهادية دى وشغلى مهرجانات
سما لا يا حور
حور بخبث بقى كدة
سما بتحدى اه
قفزت حور من الكرسى لقصر قامتها واغلقت ألاغانى وشغلت مهرجانات اغنية بنت الجيران بصوت عالى جدا ومسمع في الدور كله????
حور وهي تردد مع ألاغنية بصوت صاخب وعالى جدا بنت الجييييرااااان شغلاااالى أنا عينياااااا وااناا في المكااان في خلق حوااليااااا مشش عااايز حد ياااخد باااله من اللى اناااا فيييه
سما بانزعاج وهي تسد اذنها يخربيت صوتك مش كفاية ألاغانى
حور كانت بتغنى وعمالة تهز كتفها بطريقة مضحكة وقالت للميكب ارتيست بصى يا بنتى قبل ما تهببى حاجة في وشى أنا خليت نفسى أنا اخر واحدة تحطيلى ميكب ليه قولى ليه
ردت الميكب ارتيست وهي تضحك على طريقة حور ليه
حور علشان أنا اصلا مش هحط حاجة لان لو رعد شافه مش عايزة اقولك على اللى هيحصل فيستحسن بلاش علشان الفرح ما يقلبش عزا ممكن احط حاجة خفيفة كدة وخلاص
الميكب ارتيست بخبث وضحك آه غيرة بقى وكدة يا بختك
حور بضحك ومرح الله يا اختشى مالك
ضحكوا البنات على حور وذهبت إلى ريم وشدتها يدها وقالت تعالى ارقصى معايا يا ريم بسرعة يالا علشان الحتة اللى بحبها هتبدا اهى ضحكت ريم وقالت يلا بينا ورددوا مع ألاغنية بصوت عالى جدا بهواااااياااااا أنت قااااعدة معااااايااااا عيينييكى ليااا مرايااااا يااا جمااال مراااية العييييين
سما رددت معهم بحماس وهي تذهب لهم خلييكى لو هتمشى اناااديكى أنت لياااا انااااا لييييكى
حور بضحك اوبااااا يلا تعالى وشاورت للميكب ارتيست وقالت يلا أنت كمان ومليكة ومروة يلاااا
و استمروا على كدة لحد ما ألاغنية خلصت والميكب ارتيست مشيت والمساعدة لسة موجودة علشان تساعدهم في الفستان والطرحة وكل واحدة راحت اوضتها علشان تلبس الفستان بتاعها
في اوضة رعد كان يضحك على صوت حور العالي وهي تغنى بصوتها الصاخب وصوت ألاغانى العالي اتجه إلى المرآه ورش برفان وارتدى ساعاته وظبط شعره بايده وبص لنفسه في المراية بثقة وابتسم واتجه إلى مقعد واخذ چاكيت البدلة ومسكه باصبعين ووضعه على ظهره بطريقة جذابة وشكله الجذاب فكان القميص الأبيض يبرز عضلاته بشكل جذاب للغاية اخذ مفاتيح سيارته وخرج من الغرفة ونزل على السلم ويدندن ويحرك المفاتيح بأصابعه ونزل ينتظر الباقى وكان سالم والد حور يجلس مع الزينى ويتحدثوا وعندما رأوا رعد نظروا له وقال سالم بابتسامة مبروك يا عريس
ابتسم رعد الله يبارك فيك يا عمى
كان الزينى ينظر له بفرحة شديدة والدموع تملأ عينه من الفرحة
اتجه رعد اليه وقبل رأسه ويده حبيب قلبى عامل ايه
ابتسم الزينى وهو يطبطب على يده ويقول أنا كويس يا حبيبى طول ما شايفكوا كويسين وفرحانين
ابتسم رعد وقبل يده مرة أخرى
سالم