اڼتقام الندى الجزء الثاني. بقلم دعاء

هو شعره ابيض خلاص يبقى يليق عليه الغامق صح
ندا_لا ماتقولش كده تانى على نفسك شعرك الابيض ده هو احلى حاجه بتدى للراجل هيبه
صادق_ بجد يا ندا انتى بتحبى الشعر الابيض
ندا_ جدا جدا
صادق اقترب منها بشده ندا_ بارتباك انا اتأخرت اوووي بعد اذنك بقى يا صادق
صادق_ طيب ايه رايك تتعشى معايا النهارده 
ندا_ انهارده صعب ممكن بكره
صادق_ اعتبره وعد
ندا_ اعتبره وعد استأذن انا باااى
وغادرت ندى فى انتصار والابتسامة الماكرة تعلو وجهها انها بدات فى تنفيذ خطتها بنجاح
وظل صادق معلقا نظره بندى حتى اختفت من امامه
وصلت ندى الى الفيلا فى الخامسة مساءا فاستقبلتها عمتها بقلق قائلة_اتاخرتى ليه ماقولتيش انك هتتأخري كده
ندى _ اسفة يا عمتو بس كنت مع صاحبتى واشترينا هدوم وقولت اعدى على اونكل صادق اشكره على الهدايا
سوسن باستغراب_ ندا انتى سخنه مش قولتى امبارح انك هترجعيهم لصاحبهم
ندا_حسيت انى هبقى قليلة الذوق لو عملت كده فرحت شكرته
سوسن_ طيب ربنا يكملك بعقلك يا بنت اخويا
ندا_ هههه ليه هو انا مجنونه ده انا عاقله جدا
سوسن_ اخيرا ضحكتى روحى غيرى وتعالى اقعدي معايا شويه
ندا_ من عينى ثوانى وهكون عندك
بدلت ندا ثيابها ورجعت فوجدت عمتها تتحدث عبر الهاتف سوسن بفرح_ وائل انت وحشنى اووي امتى هتيجى
وائل_ وانتى وحشانى ومصر كلها وحشانى بس انتى عارفه مقدرش اقعد في مصر بتخنق من كل حاجه فيها
سوسن_ يابنى انسي بقى وارجع ده موضوع عدى عليه كتير اووى يا بنى انا خاېفه اموت ومشفكش
وائل_ امى اوعى تقولى كده تانى انتى حياتى واكتر واحده مصبرانى ع سنين الغربة
سوسن_ طيب لو بجد بتحب امك تعالى خلينى اشوفك حرام عليك انا بقالى خمس سنين مشفتكش
وائل_ بطلى بكش الامهات ده ما انتى بتشوفينى كل يوم على النت
سوسن_ يا بنى نفسي المسک ابوسك اخدك في حضنى
وائل _ حاضر يا امى في اقرب فرصه هنزل مصر
سوسن بفرحه_ بجد يعنى خلاص هاخدك في حضنى سكتت ندا وهى تسمع المكالمة وبدا عليها التأثر
وائل_ بجد .
سوسن_ حبيبي معاك بنت خالك عزيها
وائل_ امى لا امى امى
ندا بصوت برئ وحزين_ الو
وائل _......
ندا باستغراب_الو
وائل بضيق ويتكلم بسرعه_البقاء لله يا انسه وبعد اذنك باي عندى شغل مهم
واقفل الخط
ندا باستغراب_ هو ماله ده وهو في حد بيجري واره
سوسن بحزن_ ربنا يهديك يا بنى لسه برده اللى في دماغك زي ما هوا معلش تسأل هو ماله وايه السبب اللى مش مخليه يرجع مصرولكنها لا تحب التدخل في حياة احد ثم تقول بمرح ولا يهمك عمتو تعالى افرجك اشتريت ايه
سوسن_ واااو ايه الحاجات الحلوه دي كلها
ندا_ سمعت كلامك واشتريت هدوم ملونه
سوسن_ شاطره يا ندا اوعي تخلى حزنك في يوم يكسرك انتى قويه جدا
ندا بدموع_ انا بحاول اسمع كلامك بس عمري ما هنسى بابا وماما الله يرحمهم
سوسن امسكت وجه ندا و اخدت تمسح دموعها_ محدش قال انسي لازم يبقى ذكرى دايما جواكى بس الذكرى دي تدفعنا دايما لقدام متخليناش مكسورين ضعاف لازم الدنيا تمشي
ندا_ انا بحبك اوى يا عمتو انا مش عارفه من غيرك كنت هعمل ايه
واحتضنتها
في بيت مايسة عصر نفس اليوم دخلت مايسة بالاكياس امام عمتها التى كانت غير منتبهة وتشاهد مسلسل فى التلفاز فقالت مايسة فى مرح_ ماما تعالى افرجك اشتريت ايه النهارده
انتبهت الام لها فاغلقت التلفاز ووضعت الريموت بجانبها وقالت_ فرحينى جبتى ايه ويارب تكون حاجه تشبه البنات عشان الجيل بتاعكم كله البنات ماسكه في البناطيل كأن مافيش حاجه اسمها فساتين
مايسة _ ههههه يا ماما انسى جو السبعينات ده احنا في٢٠١٨ ولسه بتقولى فساتين
ام مايسة _ سبعينات هو انتى تعرفي ايه عن السبعينات اتنيلى خليكى في البناطيل المقطعه والتشيرت اللى مش ليه وش من قفا
مايسة _ هههههههه طيب اهدي بس كده وانا عملالك مفاجأه
ام مايسة _ يا خوفى من مفاجآتك فرجيني
فتحت مايسة اول حقيبة وجدت فيها بنطلون جينز رجالي مرقع
ام مايسة _ يالهووووى هى دي المفاجأه كمان مش شبه الرجاله ده بناطيلهم كمان
مايسة باستغراب_اهدي بس هو ايه اللى جاب ده معايا 
فتحت حقيبة اخرى وجدت بوكسر رجالى وبدات تفتح في كل الحقائب وجدت كلها ملابس رجالى كاجول وكان بها طقم كلاسيك ام مايسة امسكت الزحاف _ تصدقى فاجئتينى امشي من هنا لاجيبك من شعرك ده
مايسة_ انا عارفه لو فضلت احلفلك من هنا لبكره مش هتصدقى ان دول مش بتوعى
ام مايسة _ اصدق ولا مصدقش انا هروح انام شويه وارتاح من هبلك تبقى تحضري الفرح بقى بالبوكسر ده
كادت مايسة تصاب بالجنون مما وجدته فى الحقائب وانتابها الذهول اتصلت بالمحل _ الو لو سمحت انا جه معايا هدوم رجالى وانا كنت مشتريه فستان سهره وكام فستان قطن وبلوزات
عامل بالمحل_اكيد حصل غلط يا فندم واحنا في اقرب فرصه هنوصل لحضرتك هدومك ان شاء الله
مايسة پغضب _ازاي يعنى انا عندى فرح انهارده اعمل ايه دلوقتى
عامل بالمحل_طيب هنشوف الغلط فين