اڼتقام الندى الجزء الثاني. بقلم دعاء
مع حد ولا من امتى بتدخلى في حياة حد
_ لا بس عمتو صعبانه عليه ازاي يحرمها منه خمس سنين بحالهم
وظلت تفكر حتى خلدت للنوم
في بيت صادق منتصف الليل غرفة سما
زياد_ بت انتى انا مش هخدك معايا في حته تانى
سما_ وانا عملتلك ايه هو انت عايز تتخانق وخلاص
زياد يقلد صوتها ويقول بميوعة_بكلم البنت تروحى قايلالى يالا يازياد هتفضل متنح كتير كده اسفخس عليكى
زياد_ طيب روحى على اوضتك بقى كده عشان انا جبت اخرى منك وممكن اقټلك دلوقتى
سما_ طيب يالا يا بابا من هنا دي اوضتى اتفضل اطلع بره
زياد ينظر حوله _ انتى هتجنى اهلى ليه دي اوضتى انا غورى يالا من هنا
وجذبها من ثيابها واخرجها من غرفته واقفل الباب
بعد اسبوعين فى التاسعة صباحا فى فيلا ندى
سوسن_ صباح الفل يا حبيبة عمتو
ندا_ شكلك حلو اووى وانتى بتسقي الورد
سوسن_ عارفه يا ندا لو مافيش في البيت ورد بحس انى مخنوقه الورد هو حياتى
سوسن اتتها رسالة عبر الهاتف فتحت سوسن الرساله _ مش معقول اكيد بحلم دماغى الحقينى يا ندا
ندا_ عمتو فوقى اشربى طيب بق مايه
ندا_ طيب كويس مبروك يا عمتو
سوسن_هايجى انهارده انا عايزه اروح السوق اشتري اكل
ندا_تنزلى ليه يا عمتو وتتعبى نفسك عندك عم فوزى قوليلو كل طلباتك وهو هيجبلك كل اللى انتى عايزاه
سوسن_ فوزى ده مين هو فوزى هينقى الخضار زيي فاشر ده الغالى جاي لازم كل حاجه تبقى من ايدى انا
سوسن_ ۏجع قلب انتو تفهمو ايه يابنات اليومين دول على ۏجع القلب ده ابنى ضنايه يعنى اعمل اكتر من كده وهبقى مبسوطه
ندا_ههههه ربنا يسعد قلبك يا عمتو الحق كليتى وعندك عم فوزى خديه معاكى احسن تتوهى
سوسن_ ماشى يا ندا ده وانا في سنك لفيت مصر دي كلها
ندا_ههه ماشي يا عمتو استأذن انا
سوسن _ربنا يوفقك ي حبيبتى عقبال ماازفك لعريسك ان شاء الله
سوسن _خلى بالك من نفسك وابقى طمنينى اول ماتطلعى م اللجنة
ندى بابتسامة_ حاضر يا عمتى لا اله الا الله
سوسن _محمد رسول الله
وقبلت ندى يد عمتها فاحتضتها سوسن بحنان ندى _سلام بقى وارسلت لها قبله فى الهواء
سوسن _مع السلامه يا قلب عمتك
ودعت ندى عمتها متوجهة الى الجامعة لاداء امتحانات اخر العام فى السنة النهائية وفى الجامعة دخلت ندى لجنتها وبدأت تحل الاسئلة وبعد مرور ساعتين ونصف من الوقت همت ندى بالقيام من مقعدها بعد ان سلمت الورقة الخاصة بها الى الملاحظ قبل الوقت بنصف ساعه ووقعت فى دفتر الانصراف وخرجت من اللجنة واثناء خروجها قابلت صديقتها التى سلمت عليها ثم دعتها للجلوس فى مكان هادىء
ندى _ بابتسامة عابسة بعض الشى ء ماشى
جلس الاثنتان على الكرسى العريض نظرت مايسة فى وجه صديقتها قائله_ شكلك مش مطمننى فيه ايه
ندى بضيق_ مفيش انا كويسة
مايسة بابتسامة _قلقة شكلك ميدلش انك كويسة ها ي بنتى عملتى ايه طمنينى
ندى بضيق _ والله معرف كتبت ايه ف الورقة انا ف دوامة والف حاجة تعبانى السنة دى لو عديت مقبول يبقى الف حمد وشكر لله
مايسة بحزم _لا يا ندى ماتعودتش اشوفك ضعيفة كده انتى قوية ومحنتك لازم تقويكى
ندى بحزن _ اقوى لمين اللى كنت بقوى علشانهم خلاص راحوا وسابونى لوحدى ومهما عملت مش هعوضهم تانى انا بضحك واهزر بس ربنا اعلم ببركان الحزن اللى جوايا وتساقطت الدموع من عينيها ولكنها تماسكت على مضض وكفكفت دموعها
مايسة بابتسامة دامعة _ ع الاقل انتى ليكى عمتك اللى بتواسيكى وتصبرك وبتترمى ف حضنها اخر الليل لكن انا يتيمة الام والاب وهما على وش الدنيا
ندى _ ابدت استغرابها دون ان تنطق ولكنها انصتت وتابعت مايسة الكلام
مايسة_ ابويا وامى انفصلوا وانا عندى 9 سنين بعد ما امى جالها فى الرحم واستئصلته علشان ابويا كان نفسه يخلف بعدى فطلقها واتجوز واحده تانية وخلف منها عيال وامى علشان كانت بتحبه جدا انتهزت الفرصة ټنتقم منه بعد ما غدر بيها وتخلى عنها فى المحڼة دى وقررت تتجوز هى كمان من ابن عمها اللى كان هو بيحبها من زمان فرجعت له بعد مامراته ماټت وسابتله 3 عيال فقالت تكسب فيهم ثواب وتربيهم على حسابى انا انا اللى عشت 3 سنين عذاب وبهدله من بيت لبيت من خالتى لعمتى لجدتى بس البنى ادم مهما كان تقيل مقدرش استحمل ولا هما اتحملونى مهما تظاهروا بده
ندى _ طب وسبتى امك ليه
مايسة _الشقة اللى كنت قاعده فيها كانت باسم امى ولما هى عرفت ان ابويا اتجوز من وراها طردته وبعتت له حاجاته ف شنطة ع البيت الجديد اما انا فمبقاش ليا مكان
