اڼتقام الندى الجزء السادس. بقلم دعاء
ياخبر ايه يابنتى ده كله دى ډخله ولا خطوبة انتى محسسانى انك هتتجوزى بكرة الشنط تقيله اوى وكتيرة
مايسة من حق العروسة تدلع عقبالك زيي ياقمر
ندى لا انا لسة بدرى اوى مش جاهزه للجواز ي حبيبتى
مايسة لحد امتى لحد ماتعجزى وسنانك تقع صدقينى يانوال الجواز حلو وعال
ندى والنبى مش وقت تريقه سخيفة انا بجد تعبت م المشى كويس انى ركنت العربية قريب
ندى وانا كمان عايزة اروح انقع نفسى ف البانيو 3 ايام
مايسه احنا انجزنا النهارده وانا مبسوطة بجد انك معايا لو كانت اختى مكانتش هتعمل كده انتى جدعة اوى ياندى
ندى بابتسامة انتى اكتر من اختى ياميسه وربنا اعلم
مايسة وانا كمان بحبك لله ف لله كده زى مابيقولوا م القلب للقلب رسول
مايسة الله يسلمها بجد وحشتنى جدا سوسو نفسى اشوفها الست دى طيبة واصيلة زى ماما فريده تمام خلى بالك منها ياندى
ندى بابتسامة دى ف عينيا وف قلبى كفاية انها عوضت الفراغ اللى حسيت بيه بعد ماما وبابا الله يرحمهم
مايسة بابتسامة دامعة مفيش حد يعوض الام والاب مهما كانوا تصدقي انا نفسى ف مين دلوقتى
مايسة بحزن كان نفسى ماما رقيه تبقى هى اللى معايا بس للاسف جوزها اهم منى ولا انا ف بالها اصلا
ندى ما البركة فطنط فريده هى الخير والبركة كلها
مايسة بحزن والدموع فعينيها عارفة انا دلوقتى حاسة بيتم فظيع وابويا وامى على وش الدنيا
ندى جرى ايه ياعروسة انتى هتقلبيها غم ليه بطلى نكد بقى بكرة خطوبتك ي قمر
ندى ولا يهمك ي روحى اضحكى بقى اقولك على مفاجئة حلوة تبسطك
مايسة بلهفة قولى انا فعرضك
ندى عمتو سوسو جايه معايا بكرة
مايسة بفرح بجد بتكلمى بجد ولا بتهزرى
ندى لا بجد طبعا انا اقنعتها وهى وافقت مبدائيا واحتمال وائل ييجى معانا كمان
مايسة بمزاح الراجل الغامض بسلامته
مايسة تضحك بدموع والله بهزر ولا تزعلى حقك على الاستاذ وائل بية ابن عمتك
ندى ايوة كده اتعدلى
اقتربت ندى من سيارتها ثم قالت بقولك ايه نزلى الشنط والأكياس اللى معاكى ف الارض وانا كمان هنزل الشنط اللى معايا
على ماطلع المفاتيح من الشنطة اللى فكتفى
وفى السيارة بقولك ايه ياندى ماتيجى ناكل او نشرب حاجة انا جوعت اوى
ندى مش هكدب عليكى انا كمان عاوزه اكل وشكلنا كده اتاخرنا على البيت ومش هلحق الغدا
مايسة انا عارفة انك مزنوقة ف الفلوس فهنطلب اكل مع بعض النص بالنص
ندى انا اعرف مطعم وكافيه شيك وحنين وقريب من هنا
مايسة ماشى ياللا بينا وبالمرة تحكيلى الحكاية من الاول
ندى عارفاكى انتى مش هترتاحى الا لما تعرفى ماشى ي فضوليه
وفى المطعم دخلت مايسة بانبهار قائلة الله المكان هنا حلو اوى انا بقالى كتير عايشة فالبلد ومجيتش هنا انتى عرفتي المطعم ده منين
ندى بابتسامة اصل بابا الله يرحمه كان بيعزمنى هنا على طول بنقعد نتغدى هنا وبعدين نطلع نشرب حاجة فالكافيه فوق
مايسة الله يرحمه فى الجنة ان شاء الله ياندى
ندى مش هناكل بقى انتى مش كنتى جعانه
مايسة اه صح بس محتارة اطلب ايه اصلى اول مره اروح مطعم
ندى يابنتى ال قدامك اهو اه صح انا نسيت اقولك انى جددت credit card قبل ماجي لك
مايسة بشك جددتيها برضه انتى كنتى قايله لسه يوم الحد الجاى بعد خطوبتى
ندى بارتباك جددتها وخلاص ياستى هتفرق ف ايه
مايسة باستغراب طب عينى فعينك كده
ندى تقصدى ايه
مايسة لا ولا حاجة
ندى فلاش باك
فى السيارة يوم عزومة صادق الساعة 1030مساءا
صادق بتساؤل انتى معاكى credit card ياندى
ندى لا ياصادق بيه دى خلصت ولسه مجددتهاش
صادق بانفعال وده اسمه كلام برضة ياندى سكرتيرة صادق عبد الرؤوف معاهاش credit card على الاقل علشان متطلباتك الشخصية انتى هتبقى سكرتيرتى الخاصة يعنى واجهه الشركة ولازم تبقى انيقة وتغيرى استايل فاطمة رشدى اللى انتى لابساه ده تجيبى كام طقم حلوين وجداد كده بدل الالوان الباهته اللى بتلبسيها دى وكام ازازة perfume من الغالى انتى لسة صغيرة ولازم تنطلقى وتعيشى سنك انتى جميلة بس للاسف مش مقدره جمالك
ندى بنظرة حانقة نعم
صادق بصى وسحب كارت ائتمان جديد من تابلوة السيارة امامه ال credit ده جديد وسارى وانا مش محتاجة خديه ياندى ده بتاعك من بكره واعطاه لها
ندى بضيق متشكرة ياصادق بيه بس انا مش محتاجاه واذا كان ع اللبس والماكياج وال عندى اللى مكفينى وزياده كفايه اللى حضرتك عملته علشانى وهديه عيد ميلادى اللى
