رواية صبا عزيز. بقلم زهرة الرببع الجزء الثالث.

السرير وماسك دماغه صبا دخلت بتوتر وعزيز اول ما شافها بصلها پحده وعنيه بتطلع شرار وقال..انتي ايه اللي جابك هنا اخرجي حالا
صبا اتنهدت ووقفت قدام المرايه وبقت تقلع طرحتها من غير ما تبصله او ترد عليه حتى عزيز استغرب تصرفها وقرب منها پغضب وشدها من دراعها وقال بعصبيه..انا مش بكلمك اوعي تفتكري ان حتة الورقه اللي كتبناها دي هتعمل منك مرات عزيز الالفي فوقي لنفسك انتي كبيرك تأكلي الحصان بتاعي يعني حتى اكلي مستنضفش انك تطبخيه
صبا ابتسمت بضيق وقالت..تمام خلصت اولا دي اوضتي شئت ام ابيت وهنام هنا لحد ما نطلق ثانيا بقى حوارك القديم ده ميفرقش معايا اصلا انا عمري ما هعتبر اللي حصل من شويه ده جواز
وبقت تدور في الدلاب على حاجه محترمه تلبسها عزيز كان مضايق جدا من اللي حصل ومن وجودها ومن كلامها بس مردش عليها لانه تعبان وحاسس بصداع رهيب قعد على السرير بيأس وۏجع صبا كانت بتتمني لو يزعق ويتكلم حتى لو كان هيجرحها بس متعودتش تشوفه بالضعف ده اتنهدت بحزن وقربت عليه وقالت..احم لو حابب تدخل تستحمى يمكن تروق و
بس عزيز بصلها پحده وقال..اكيد لو حابب استحمى مش هاخد رأيك
صبا قالت بضيق..مقصدش بس علشان انا هدخل الحمام فقولت لو حابب تروح الاول
عزيز قال پغضب..ده حمامي ادخله امتى ما احب حتى لو انتي جوه وحبيت ادخل هدخل
صبا اتنهدت وقالت..براحتك واضح اننا مش هنتفاهم ابدا 
واخدت هدوم وبقت تحاول تفتح السوسته بس مش قادره اتعصبت ونفخت بضيق عزيز بصلها بسخريه وقال..لو متخيله اني هقرب منك واساعدك وافتحلك السوسته واتفاجأ بجمالك ويغريني تبقي بتحلمي علشان اوفر عليكي وقت بس
صبا كانت حرفيا هتطق من كلامه بس ابتسمت باستفزاز وقالت..لا عارفه انك مش هتعمل كده خدت بالي انك بارد واضحه اصلا
عزيز وقف بنرفزه وقال..قصدك ايه
صبا قالت..والله  اللي قلته واضح
عزيز قرب عليها وقف وراها ومد ايده على سوسته الفستان وصبا كانت مستغرباه بس اتسعت عنيها بشده لما شق السوسته والفستان پعنف قطعه لاخر ضهرها صبا دارت ضهرها بايدها وبصتله بذهول وقالت بعصبيه..انت ايه اللي عملته ده انت اټجننت
بس عزيز مسكها من فكها وقال پغضب رهيب..اوعي تتجاوزي حدودك معايا متنسيش نفسك احسنلك لاني معنديش مانع اتسلى بواحده زيك اتخلقت لتسليه مش اكتر 
وسابها پعنف ومشي اخد هدوم ودخل الحمام صبا قعدت على السرير بدموع وبقت تبكي جامد بس مسحت دموعها بسرعه لما الباب خبط حطت الطرحه على ضهرها وفتحت الباب وكانت اسيل ومعاها تمار اسيل قالت بحرج..انا اسفه بس مش راضيه تبطل زن عايزه بباها
صبا ابتسمت على البنوته الحلوه اللي معاها وقالت..طيب ايه المشكله تعالي يا حلوه
تمار بصت لاسيل وقالت..ليه روبانزل هنا
اسيل ضحكت وصبا كانت مستغربه بس اسيل قالت..قصدها عليكي علشان شعرك
صبا ضحكت وقالت..ااه طيب تعالي واخدتها واسيل مشيت 
صبا قعدتها على السرير وبقت تلعب معاها وتمارا كانت بتضحك وعزيز طلع واتفاجأ بيها قال..توته انتي هنا
تمار قالت..اممم كنت بلعب مع وسكتت شويه وقالت..هو انتي اسمك ايه
صبا ابتسمت وقالت..انتي مش بتناديلي روبانزل خلاص عجبني الاسم
تمار ضحكت وقالت..خلاص هقولك روبانزل 
صبا قالت..تمام هدخل الحمام شويه ورجعالك واخدت هدومها ودخلت وهي متجاهله عزيز تماما 
عزيز اتنهد بضيق وقعد جمب تمار وبقى يفكر في مازن وليه مرجعش والفجر قرب يطلع  مسك تليفون بيسيبه في الاوضه احتياطي وبعتله رساله زي ما ابوه قال وهو مضايق جدا وكتب..انت يا زفت ارجع خلاص كل حاجه باظت زي ما كنت عايز يا رب تكون مبسوط ارجع احسن والله لو لقيتك بمعرفتي ما هرحمك وقعد بضيق شديد
صبا خرجت من الحمام وهي مكسوفه جدا لابسه بيجامه حريريه رهيبه وشعرها مفرود ووقفت تنشفه قدام المرايه ووشها كان زي البدر طبيعي جدا من غير مكياج بس تجنن عزيز كان بيبصلها جامد وعيونه مش قادر يحركهم من عليها صبا خدت بالها من نظراته بس اول ما شافها بتبصله بعد عيونه وبقى يلاعب تمار صبا نشفت شعرها واخدت مخده وغطا وراحت تنام على الكنبه 
عزيز قال..بتعملي ايه تعالي نامي هنا انا هنام عندك
تمار قالت بفرحه..ايوه انا هنام جنب روبانزل انهارده
عزيز قال..تمام نامو سوا على السرير وانا هنام هناك يلا تصبحي على خير يا توته وراح نام على الكنبه
صبا اتنهدت بحزن وراحت نامت جمب تمار وبقو يضحكو سوا لحد ما نامو عزيز كان بيبصلهم بابتسامه ونام هو كمان
عند انور كان مش قادر ينام وبيفتكر الموقف اللي اختو اتحطت فيه والكلام اللي عزيز قاله وحاسس انه ھيموت من الڠضب بس اتفاجأ باسيل..قالت نمت
انه وقف باستغراب وقال..انتي هبله يا بت ايه اللي جابك دلوقتي افرض حد شافك جايالي في الفجر كده يقول عليكي ايه
اسيل ضحكت وقالت..ياسيدي وهي الناس بتعرف تعمل ايه غير الكلام 
انور قرب منها وقال..وانتي مش خاېفه تيجي عند شاب كده في نص الليل
اسيل قربت عليه اكتر وقالت..انا معنديش مانع