رواية وعد. بقلم عزة العربي.الجزء الأول.

وبعديه حاولت ابعد عن حضن قمر بس هي مرضيتش فضلت اعيط في حضنها لحد ما ارتحت خالص يلا بقي يا قمر علميني المحشي بيتعمل ازاي 
قمر ابتسمت 
رحيل علميها يا قمر وانا هطلع انام
قمر بنت يلا اقعدي
رحيل هقعد بس بشرط اعرف قصه حبهم
قمر رحيل عيب كده
رحيل الله يا قمر انا تعبانه ومحتاجه حاجه تفرفشني مش يمكن اقع في الحب انا كمان وتكون قصه عڼيفه زيهم واتجوز علي طول
رديت بعفويه لا بعد الشړ عنك ربنا يكتب لك حب حلال بجد مع واحد يستاهلك
قمر شكت في كلامي قصدك ايه يا وعد حبيبتي لو عاوزه تتكلمي انا زي ماما ودايما هكون في ضهرك صدقيني 
اعتبري يحيي مش ابني ولو عاوزه تحكي انا مامتك ورحيل أختك ومفيش كلمه هتطلع بره
وعد انا واثقه يا حبيبتي بس صدقيني مفيش حاجه تتحكي حاولت اغير الموضوع علي اد مقدرت وفضلنا نتكلم ونضحك وخلصنا كل حاجه
علي الغدا كنت باكل بشراهه اول مره احس اني فرحانه كده انا في الطبيعي مش باكل كتير بس النهارده فضلت اكل بشكل غريب كنت بداري حزني لما افتكرت ماما وهي عمللنا الاكل وبناكل سوي 
هما كانوا بيضحكوا عليا ويقولولي كفايه وانا مستمتعه 
زين علي حس المحشي بقي بيقوللك واحد حشاش قعد مع أمه يساعدها في حشو ورق العنب
الست كانت مبسوطة قوي قوي عشان ابنها ربنا هداه وقاعد يساعدها بعد ما خلاص الحلة خلصت قالتله الله ينور يا حبيبي بس بلاش تلحس صباع المحشي قبل ما تحطه في الحلة تن ترارارا تن تن 
محدش ضحك وكملوا اكل ما عدا وعد اللي وقعت من الضحك وعد كانت مهيبره خالص 
وعد لا خد دي بقي  محشش دخل مطعم وعاوز يطلب محشي ورق عنب وناسي أسم الأكلة
قاله الجرسون عاوز تأكل أية  قال عندك رز بردان متغطي بشجر!
كلهم ضحكوا علي وعد وزين حتي يحيي ابتسم لما الاتنين كانوا بيعلوا علي بعض نكته قصادها نكته والكل بيضحك مره واحده وعد صړخت بكل صوتها واغمي عليها
فتحت عيني لقيت رجلي علي صدر يحيي وراسي في اخر السرير والغطا عالارض قفلت عيني وفتحتها تاني يحيي كان وشه احمر وبينفخ پخنقه الظاهر كده أنه حاسس ان نومي وحش قفلت وفتحت تاني يمكن اكون بحلم واتكلمت ايه دا انا فين ايه المكان دا وفين المحشي 
يحيي حس اني فوقت مسك رجلي من البنطلون وبعدها عن صدره وبصلي بقلق انتي فوقتي انتي كويسه 
عدلت نفسي وربعت رجلي بصيت ليحيي كان كالعاده قالع التيشيرت ولابس البنطلون بس
اتكلمت هو انت قالع كده ليه هو ايه اللي حصل انت خطفتني تاني واحنا فين وفين قمر ورحيل والكل والمحشي المحشي فين.....
يحيي بس بس افصلي بقي
وعد انت دايما كده بتحرجني 
يحيي انتي اللي بتتكلمي كتير عموما انتي تعبتي من طفاستك واخدتك المستشفى وعملولك غسيل معده واتركبلك محاليل وجينا علي هنا
وعد بجد انا مش فاكره حاجه اخر حاجه كنت باكل واهزر مع زين هو زين فين صح هو احنا هنا فين وقصدك ايه بطفاستي
يحيي اتوتر لما سألت علي زين ومردش عليا وقام راح البلكونه وۏلع سېجاره
وعد يا نهار انت بتشرب سجاير يا يحيي كده غلط عليك وشديت السېجاره رميتها وبعدين انت لسه صاحي ومأكلتش اي حاجه انت مش بترد عليا ليه 
يحيي هو انا عرفت انام جمبك انا اصلا مطبق من امبارح تعالي نعمل فطار عشان في علاج لازم تاخديه
وعد هو مفيش خدامه هنا كمان وفين قمر و...
يحيي هششش انتي هنا في شقتي وبابا وقمر لسه في المزرعه واتحرك وانا وراه عالمطبخ 
وعد يعني انا وانت هنفضل لوحدنا 
يحيي لاول مره يقرب مني اوي كده كان ضهري لرخامه المطبخ حط أيده علي بوءي وانا كنت مندمجه في الكلام لقيته قرب مني واتكلم بهمس كفايه كلام ابوس ايدك 
اخدت نفسي واستغربت لما قلبي دق من قربه بالطريقه دي ريحه برفانه بتدخل علي قلبي علي طول ريحته مميزه عمري مشميتها علي حد
يحيي طلعي البيض واعمليه
وعد باستغراب اعمله ازاي يعني
يحيي حتي البيض يا وعد مش عارفه تعمليه
قلبي دق اكتر من الاول واتكلمت وانا حاطه ايدي علي
قلبي وعد انت طلعت تعرف اسمي اهوه اول مره متقوليش يا بت السيوفي وقلدت نبره صوته بالضبط
يحيي اتحرج وراجع نفسه لا انتي بت السيوفي واخت احمد السيوفي عمري ما هنسي حسيت أنه بيفكر نفسه مش بيقوللي انا 
معقول يحيي خاېف يحبني معقول قلبه دق زي ما قلبي دق بس لا انا محبتهوش ولا قلبي دق له انا بس مستغربه حياتي اللي اتبدلت  استحاله احب واحد خاطفني يعني وبعدين انا حتي لسه عرفاه من كام يوم وكمان دا مش استايلي ياما شباب اترمت قدامي بس انا مبصيتش حتي عليهم ابص لواحد بيلبس طول اليوم جلابيه ومش طايق حتي نفسه فوقت علي صوته
يحيي هيييي طلعي البيض يلا 
وعد طب بص انا ممكن اعملك احلي كوبايه نسكافيه هتشربها في حياتك وفكك من الفطار والجو دا 
يحيي لما نفطر هسيبك تعمليها وربنا يستر يلا نحضر الفطار 
فطرنا واخدت العلاج ويحيي فتح اللاب وقعد قدامه روحت انا المطبخ وحضرت احلي كوبيتين نسكافيه وعملت على الوش قلب انا مدمنه نسكافيه ودايما بعمل قلب في المج من فوق اخدت المجين ودخلت ليحيي
وعد اتفضل 
بصلي وابتسم شكرا شكله حلو
وعد انا بعون الله احسن واحده في مصر تعمل نسكافيه دوق كده دوق امم الله الله تسلم ايدي والله ياه ربنا يسامحك يا شيخ حارمني منه من يوم ما خطفتني
يحيي شرق وهو بيشرب من يوم ما خطڤتك هو انتي كده مخطوفه دا انتي اخر دلع اهوه مخطوفه دي تقوليها لو انا بعذبك طول اليوم
وعد بتفكير امممم عندك حق عموما انا حبيت الخطڤ لو هفضل معاكم 
يتبع