أميرتي  الجزء الاول

عن والدتها
هاله السلام عليكم يا حاجه فاطمة متعرفيش ماما فين
فاطمة بحزن حمدلله على سلامتك يا ضنايا
هاله پخوف هي ماما فين
فاطمة اطمني يا بنتي مامتك بخير بس هي بعافية شوية وديناها المستشفى العمومي من يومين
لم تكمل هاله حديثها مع السيدة فاطمة بل ركضت مسرعة متوجهه إلى المستشفى لترى والدتها وصلت هاله إلى المستشفى العام الوحيدة الموجوده في قريتها البسيطة وسالت عن والدتها ووجدت أنها موجودة في الدور الأول الخاص بأمراض الكلى صعدت هاله الدرج وهي مأزالت تلهث من أثر الركض الطويل ووصلت إلى الغرفة لتجد أن بها عددا كبيرا من الأسرة المليئة بالمرضى وظلت تبحث بين الوجوه حتى رأت وجها رقيقا نائما وعليه علامات الالم الشديد أقتربت هاله من والدتها وقبلت رأسها برفق وقالت بصوت خاڤت
هاله ماما. أنا جيت يا حبيبتي
الأم تفتح عينيها ببطء لتنظر إلى وجه طفلتها الغالية هاله. حمدلله على سلامتك يا حبيبتي. وصلتي امتى
هاله والدموع تتساقط من عينيها لسه واصله وجيتلك جري
الأم متعيطيش يا حبيبتي أنا كويسة
هاله وهي لا تستطع التوقف عن البكاء حاسه بإية
الأم شوية ۏجع في جنبي
هاله الدكتور قالك ايه
الأم قالي لازم أعمل غسيل كلى
هاله احست بالړعب فمن أين ستأتي بالمال اللازم لعلاج والدتها
هاله مطمئنة والدتها متقلقيش يا ماما أن شاء الله هتخفي وترجعي بيتك
الأم مش باين يا هاله.
هاله اوعي تقولي كده تاني انتي هتعيشي لغاية ما تشيلي عيالي مش دايما بتدعي ربنا بكده
الأم كان نفسي يا حبيبتي أفرح بيكي
هاله أن شاء الله هتكوني كويسة
الأم والالم يزداد عليها المهم. خلي بالك أنت من نفسك
هاله وانتي كمان
ارتمت هاله في أحضان والدتها وبكت. بكت خوفا من أن تفقدها كما فقدت والدها من قبل. خوفا من أن تعيش وحيدة في هذه الحياة القاسېة. جاءها صوت الطبيب من خلفها
الطبيب أزيك انهارده يا حاجه
الأم بخير يا ابني الحمد لله
الطبيب طيب يلا عشان معاد المسكن
الأم حاضر
هاله هي حالتها ايه يادكتور
الطبيب انتي بنتها مش كده
هاله ايوه أنا
الطبيب مخبيش عليك لازم نعمل غسيل كلى مرتين في الأسبوع لغاية ما نقدر نعمل عملية
هاله والغسيل بيتكلف كام
الطبيب ينظر اليها وهو مشفقا عليها لصغر سنها 200جنيه المرة الواحده ولازم تغسل 3 مرات في الأسبوع
أحست هاله بالدوارمن أين لها بهذا المبلغ الكبير كيف ستعالج والدتها ماذا تفعل 
ودعت هاله والدتها بدموعها وانطلقت لتلحق بالقطار الأخير المتوجه إلى القاهرة حتى تبدأ في البحث عن عمل منذ الصباح الباكر فغدا هو يوم الجمعة. جلست هاله على مقعدها في القطار وكأنها في عالم آخر هل ستجد عملا مناسبا هل ستحصل على راتب يكفي ثمن علاج والدتها هل ستستطيع الاستمرار في دراستها وتفوقها في ظل الظروف الراهنة ياااا رب يسر لي أمري وأشفي والدتي العزيزة يا رب ليس لي سواك يدبر لي أموري بحكمته ورحمته وكرمه 
دخلت هاله غرفتها في بيت الطالبات لتجد صديقتخا عاليا مأزالت مستيقظة وفور أن نظرت اليها أنفجرت هاله في البكاء فاحتضنتها عاليا في محاولة منها لتهدئة صديقتها وفهم ما الذي أعادها من بلدتها ليلا
عاليا بقلق بالغ مالك يا هاله ايه اللي حصل
هاله من بين دموعها ما. ما تعب. انه أوي يا عاليا
عاليا اهدي بس واحكيلي ايه اللي حصل بالضبط
جلست هاله فوق فراشها وقصت لصديقتها كل ما مرت به منذ وصولها لبلدتها وحتى عودتها السريعة صمتت كلتاهما يفكران كيف تحصل هاله على وظيفة حتى تدفع تكاليف العلاج لوالدتها وكانت عاليا هي أول من بدأ في الحديث
عاليا لقيتها 
هاله ها قولي بسرعة
عاليا انتي تقدمي في أي مكتب ترجمة
هاله تضحك بحزن بقولك عايزة جنيه في الشهر غسيل كلى وحقن بس ده غير باقي الحاجات
عاليا طيب وموضوع العلاج على نفقة الدولة مينفعش
هاله عقبال ما اعمل الإجراءات تكون ماما راحت مني
عاليا بعد الشړ عليها
هاله بقولك ايه تعرفي تجيبيلي الجرايد من أي حد هنا
عاليا بس كده حالا هروح اوضة مي ومروة وارجعلك هوا
عادت عاليا ومعاها بعض الصحف والمجلات وجلس كلا من هاله وعاليا يبحثان عن وظيفة مناسبة
عاليا بصي يا ستي مدرسة في حضانه
هاله أنا لسة متخرجتش وكمان المرتب هيكون كام 500 1000 ميعملوش حاجه
عاليا طيب ايه رأيك سكرتيرة في شركة
هاله والمحاضرات بتاعت الصبح
عاليا طيب استني هدور تاني
كانت هاله تتصفح مجلة ولفت نظرها إعلان قصير مكتوب باللغة الإنجليزية مطلوب فتاة لمرافقة سيدة كفيفة والراتب مغري جدا 
نظرت هاله للإعلان وكأنها وجدت ضالتها فقالت لصديقتها
هاله هو ده
عاليا وريني كده
قرأت عاليا الإعلان وقالت
عاليا بس يا هاله يمكن يكون ناس مش كويسين ولا حاجة
هاله عندك حل تاني أنا هروح بكره الصبح عالعنوان وربنا يستر
عاليا طيب ندور على حاجه تانيه في شركة ولا مجلة
هاله وهي حزينة وخائڤة وهو مرض أمي هيستنى
عاليا طيب أنا هآجي معاكي الصبح
هاله مش عارفة من غيرك كنت هعمل ايه
عاليا وهي تحتضن صديقتها متقوليش كده يا هاله ده احنا أخوات
نامت عاليا بينما ظلت هاله تنظر