أميرتي  الجزء الثاني

بشوفها بقلبي وعينيا
كاريمان أنت هتاعكسها ولا ايه يا محمد
محمد لا أبدا يا طنط بس عايز أقولك على حاجه يرضيكي لولو ميكونش عندها موبايل
كاريمان لا طبعا ده أنا كنت هتجنن عليها لما سافرت لمامتها وقلت لباسل لازم يكون معاها موبايل
محمد أنا جيبتلها واحد عشان نطمن عليها كلنا
كاريمان برافو عليك يا محمد
هاله بس مكنش في داعي أنا كنت هشتري واحد
محمد يعني هتكسفيني
هاله مش قصدي بس.
محمد خلاص طنط قالت برافو عليك يا محمد انتي بقى تقولي ميرسي يا محمد
هاله وهي تضحك ميرسي يا محمد
قدم لها محمد العلبة وقال
محمد يا رب ذوقي يعجبك
هاله وهي تفتح العلبة أكيد هيعجبني
محمد أنا اشتريتلك خط رقمه حلو اوي
هاله بجد
كاريمان ابقى اكتبلي رقمها على موبايلي عشان أكلمها عليه
محمد أمسك بهاتف كاريمان وبدأ يكتب الرقم فقالت كاريمان
كاريمان ايه ده أنت لحقت تحفظه
شعر محمد بالخجل عادي يا طنط أصله سهل
هاله شكرا يا محمد وان شاء الله أول ما اقبض هجيبلك هدية
محمد بصدق كفاية أشوفك فرحانه وبتضحكي
باسل من خلفهما پغضب أروح أجيب اتنين لمون
محمد مش للدرجه ده ايه رأيك في موبايل هاله الجديد
باسل كويس
كاريمان هتتغدى يا باسل دلوقتي
باسل مش عايز آكل
كاريمان على راحتك يا حبيبي
تركهم باسل وصعد إلى غرفته بينما أكمل محمد إضحاك خالته أما هاله فلم تستطع تفسير سبب ضيق باسل 
استيقظت هاله واغتسلت ثم ارتدت ملابسها لتذهب إلى كليتها وبعد أن خرجت من باب القصر لتنتظر السائق كالعادة وجدت سيارة باسل تقف أمام الباب فأحست بالفرح لأنها ستراه سمعت وقع أقدامه من خلفها فلم تستطع كتم ابتسامة مشرقة أنارت وجهها الجميل قال باسل بطريقة حاول أن تبدو عادية
باسل صباح الخير يا هاله
هاله صباح النور
باسل تحبي اوصلك
هاله لا مفيش داعي تعطل نفسك أنا هستنى السواق
باسل مفيش عطله ولا حاجة وكمان السواق هيوصل ماما عند خالتي انهارده
هاله خلاص هركب تاكسي
باسل وهو ينظر في عينيها أنت مش عايزة تركبي معايا ولا ايه
هاله لا أبدا مش قصدي
باسل وهو يبتسم خلاص يلا اتفضلي
أطاعته هاله مرغمة وصعدت إلى السيارة وهي تشعر بالخجل لأنها ستكون قريبة منه.
شعر باسل بأنفاسه تتسارع فهي تجلس بجواره ويشعر بخجلها الذي يجذبه لها وانطلق بالسيارة ولزم كلاهما الصمت إلى أن رن هاتف هاله النقال ارتبكت هاله فهي لم تعطي الرقم لأي أحد من عساه يتصل بها في هذا الوقت المبكر نظرت إلى الشاشة ووجدت رقما لا تعرفه فسالها باسل
باسل مين
هاله مش عارفه رقم غريب
باسل طب ردي
هاله امسكت بالهاتف وأجابت بصوتها الرقيق
هاله الو
صوت ذكوري صباح الخير يا جميل
هاله وقد بدأت تشعر بالخۏف مين معايا
الصوت مش عارفة صوتي
هاله حضرتك عايز مين
جذب باسل الهاتف من هاله وقد استبد به الڠضب أن يجرؤ أحدهم على مضايقة حبيبته
باسل پغضب شديد الو
الصوت يا ساتر ايه ده صوتك عامل كده ليه يا باسل
باسل هو أنت يا ظريف
محمد وهو يضحك ادفع مليون جنيه وأشوف شكلك دلوقت
باسل بتتكلم ليه عالصبح
محمد لاحظ اني كنت بكلم هاله
باسل بتكلمها ولا بتعاكسها
محمد وانت زعلان ليه يا بيسو ولا اقولك يا بيبي زي لي لي
باسل طيب يا محمد
و اعطى الهاتف لهاله التي قالت خضتني يا محمد
محمد سلامتك من الخضة يا جميل
تضحك هاله برقة بينما يريد باسل أن يقذف بذلك الهاتف من النافذة لكنه تماسك فهو لا يريد أن يظهر غيرته لها ربما كانت معجبة بمحمد ربما. أوقف باسل سيارته أمام الباب الرئيسي وشكرته هاله وهمت بالنزول من السيارة إلا أنه أستوقفها قائلا
باسل رني عليا من موبايلك عشان مش معايا الرقم
هاله بس أنا مش عارفة رقمك
أخبرها باسل برقمه فقامت بالاتصال به فقال وهو يقوم بحفظ رقمها
باسل أحفظي رقمي عندك
هاله حاضر
باسل يلا سلام يا هاله
هاله مع السلامة
وقفت هاله تتابعه بعينيها وهو يبتعد بسيارته حتى أختفى عن ناظريها كانت تريد أن تضحك على طلبه أن تحفظ رقم هاتفه على جهازها فهو لا يعلم أنها حفظت الرقم في قلبها فور أن نطقت به شفتاه.
أنهت هاله محاضراتها وخرجت لتنتظر السائق لكنها وجدت مفاجأة في انتظارها 
أراد باسل طوال اليوم أن يتصل بهاله لكنه لم يجد عذرا مقبولا لذلك لكنه فكر في أن يذهب ليصطحبها من كليتها وبينما هو يقف ليرتدي سترته دخلت لي لي عليه وقد أرتدت فستانا قصيرا قائلة
لي لي أنا زعلانه منك مۏت مۏت
باسل ليه بس يا لي لي
لي لي طول المده إلى فاتت متسالش عليا خالص
باسل معلش أصلي كنت مشغول شوية
أقتربت منه لي لي بجرأة مشغول عن خطيبتك. حبيبتك. ايه موحشتكش
أبعده باسل عنه يا لي لي قلتلك مية مرة مش بحب الطريقة ده
لي لي وهي تضحك بصوت مرتفع ايه يا بيبي في حد ميحبش الدلع
باسل لاحظي اننا في المكتب
لي لي طيب يلا بينا مامي عازماك عالغدا
باسل بس.
لي لي مش هقبل أي عذر
باسل وهو يتناول مفاتيح سيارته اوكيه
أراد باسل اللحاق بهاله لكن لي لي جاءت لتجبره على قضاء اليوم