رواية لا زلت في الثلاثين بقلم مارتينا. الجزء الأول.

لا زلت في الثلاثين بقلم مارتينا. الجزء الأول.
ينظر هذا القمر من السماء في هذا الظلام الحالك لينير الكون في أيام شتاء قاسى البروده وفي غرفه في أحد البيوت الذي يطل عليها القمر تسجد أم على سجاده الصلاة وتوجهه كلامها إلى من يستجيب _الله سبحانه وتعالى 
ماجده يارب ارزقها بأبن الحلال اللى يسعد قلبها وينور طريقها ويهديها وينجحك يا هاجر بمجموع كبير
رقيه حرما يا ماما
ماجده جمعا يا بنتى أن شاء الله
رقيه أنا هروح اتوضا بقى واصلى
ماجده تقبل الله مقدما هحضر الفطار عقبال ما تخلصى
رقيه ربنا يخليكى يا ماما بس مش تعملى حساب هاجر لانها لسه نايمه كانت بتذاكر طول الليل

ماجده ربنا يكون في عونها ويعدى السنة على خير
رقيه أن شاء الله يا ماما
دخلت ماجده إلى منزلها المفضل المختصر في المطبخ ورقيه راحت تصلى
ماجده عامله ايه يا حبيبتى في الشغل
رقيه الحمد لله يا ماما
ماجده يا حبيبتى يارب دايما ويارب يرزقك بابن الحلال
وقاطعتها رقيه وارتسمت على وجهها ابتسامه باهته
رقيه يا ماما قولتلك أنا مش بضاعه وبعدين انتى عارفه أنا جربت كذا مره علشان خطرك ومنفعش كلهم عاوزين واحده حلوه وانا زى ما انتى شايفه والحمد لله برضوا على أي حال ارجوكى يا ماما
بصتلها ماجده وهي عارفه أن كل كلامها صح بس هي زى أي أم نفسها تفرح ببنتها وافتكرت كام عريس جالها ومفيش فايده لان معظهم عاوزين واحده واخده بالها من نفسها ومدلعه ورقيه عكس كده تماما
ماجده يا حبيبتى انتى زى القمر وبعدين المهم الروح اللى هيعيش معاها انتى بتعرفى ربنا ومعاكى شهاده عاليه وأخلاقك مفيش زيها وبنت اصول
رقيه تقولى لمين بقى يا ماما سيبك من الموضوع ده لوقته أنا هقوم البس علشان اروح الشغل
بتقوم رقيه وتسيب صورتها في عين ماجده وكأنها لسه في المكان وماجده في حيره كبيره من حال رقيه رقيه معندهاش قدر كافى من الجمال بس هي جميله لان مفيش انثى خلقها الله لم تكن على قدر عالى من الجمال
رقيه متوسطه الطول وتميل بشرتها إلى الخمريه ترتدى نظاره طبيه على اعين تميل للضيق وانف مدببه وفم متوسط وجسدها نحيف
تغطيه دائما باللون الأسود والالوان الغامقه .
وتتنهد ماجده تنهيده عاليه
ماجده ربنا يوعدك يا بنتى باللى يقدرك ويفهمك ويخليكى احلى الناس
تنهيده عاليه خرجت من جسد صامت من امام مرآه مع نظره من داخلها المرآه وتنظر في ملامح وجهها متعرفش مين اللى بيبص لمين وفي النهايه الاثنان واحد هذا كان حال رقيه البائسه حتى دخل تفكيرها شخص دخل الاوضه
هاجر وحشه اوى على فكره
رقيه ها بتقولى ايه
هاجر ولا حاجه انتى هتفضلى واقفه قدام المرايه كده كتير متقلقيش قدامك بتاع عشر سنين كمان وتلاقى اللى يشيل
رقيه ايه اللى انتى بتقوليه ده
هاجر عادي عادي أنا خارجه
رقيه اومال ايه جابك مش المفروض انك نايمه وكنتى بتذاكرى بالليل
هاجر اه بذاكر وعندى درس كمان شويه
رقيه ربنا معاكى يا حبيبتى
خرجت هاجر من الباب دون ترديد لدعوه رقيه
رقيه يارب خليك جمبى أنت عارف أن أنا طول عمرى مبعملش حاجه وحشه في حد اقف جمبى ارجوك
هاجر بغير اهوه يا بنتى هدومى وهنزل على طول
عبير اوعى يكون حد شك في حاجه
هاجر عيب عليكى يا بنتى ده أنا هاجر
عبير انتى هتقوليلى بس قوليلى قولتوا ايه انتى وكريم في التليفون
هاجر مش وقته دلوقت لما اشوفك هحكيلك
عبير تشوفينى فين هو احنا هنعرف نتكلم طول ما سى كريم ده موجود
هاجر على أساس ايه بقى ما أستاذ مصطفى بتاعك ده هو كمان هيكون موجود
عبير عموما قدامنا فرصه لما نتقابل قبل ما نشوفهم
هاجر طب اقفلى اقفلى دلوقت أنا سامعه ماما بتتكلم مع الملاك بتاعنا وصوتها قريب من الاوضه
عبير ملاك ايه يا بت
هاجر اقصد الست رقيه
عبير اه
هاجر سلام سلام
عبير باى ومتتأخريش
خرجت هاجر من اوضتها في شكلها المعتاد هاجر بنت جميله جدا ولكن جميله في مظهرها وبس ربنا اداها الكثير من الجمال في وجهها كالقمر الساطع ليلا وسط نجوم كثيره وجهها ناصع البياض بعيون عسليه وانف دقيق وفم صغير ووجه دائرى وشعر كأمواج على ظهرها متوسطه القامه مع جسد مفتون الجمال .
ماجده ايه يا هاجر انتى مش سهرانه تذاكرى بالليل ايه اللى صحاكى بدرى كده ورايحه فين
هاجر رايحه درس يا ماما اعمل ايه بقى امتى اخلص من السنة دى بجد تعبت
ماجده معلش يا حبيبتى استنى اجبلك فلوس.
هاجر متحرمش منك أبدا يا ماما بس بسرعه بقى
ماجده حاضر يا بنتى
هاجر ايه اللى انتى لبساه ده يا بنتى كده هتعدى في أرابيزى كتير اوى
رقيه بضحكه مصتنعه معلش بقى استحملينى
ماجده خدى يا حبيبتى
هاجر يلا سلام بقى وانتى يا صول رقيه باى
رقيه يا ماما بلاش تديلها فلوس كده دايما هي معاها ولازم تسالى عليها المدرسين
ماجده حاضر يا بنتى أنا بس عاوزاها تبقى احسن واحده ونفسى تبقى زيك كده
رقيه ربنا ما يحرمنا منك يا ماما أنا نازله بقى علشان