رواية لا زلت في الثلاثين بقلم مارتينا. الجزء الأول.

الغير طبيعيه على وجهه مامتها
فمسحت دموعها بسرعه
ماجده تعالى يا روح قلبى كويس انك جيتى بسرعه
رقيه أنا ما روحتش اصلا يا ماما
ماجده ليه كده يا حبيبتى
رقيه أبدا صدعت شويه ومش ورايا حاجات كتير
ماجده واضح كده أن قلبك دليلك
رقيه بتبص لمامتها باستغراب
رقيه اازى يعنى
ماجده طنطك سوسن كلمتنى الصبح وجيبالك عريس بتشكر فيه اوى وبتقول محترم وكويس ودكتور
رقيه تانى يا ماما أنا زهقت
ماجده معلش يا حبيبتى علشان خاطرى أنا عاوزه افرح بيكى قبل ما اموت خشى بس ارتاحى شويه عقبال بالليل
رقيه حاضر يا ماما حاضر
دخلت رقيه اوضتها وهي في حيره كبيره لانها مش عاوزه تزعل مامتها وفي نفس الوقت هي مش عاوزه تتجوز سماعه هي مش هتعيش مع سماعه الدكتور هي هتعيش مع شخص نفسه مش بالطو وسماعه وفي اخر تفكيرها استقرت انها هتقبله يمكن يبقى إنسان كويس وخصوصا انها مش عاوزه تزعل والدتها
دخلت هاجرالبيت وشافت مامتها فرحانه ففهمت أن رقيه مقلتلهاش حاجه خالص فاطمنت لكده على الرغم من انها مكنتش خاېفه لانها بتعرف تتصرف في المواقف اللى زى دى كويس اوى
ماجده كويس انك جيتى يا حبيبتى
هاجر ليه فيه حاجه يا ماما
ماجده لا ابدا يا حبيبتى بس فيه عريس جاى لاختك انهارده ولازم نكون كلنا موجودين
هاجر لالا والنبى مش عاوزه اضحك أنا داخله اريح شويه وعندى درس الساعه 6 كده
ماجده اختشى يا بنت يبقى كويس 6 هتخلصى 8 ولازم تكونى موجوده هما هيبقوا موجودين 8 ونص
هاجر أن شاء الله أنا داخله انام
...
في فيلا عمر بيصحى على مكالمه تليفون من رامى صاحبه والاوضه عباره عن سرير كبير ومكتب عليه علبه سجاير ولاب توب وكام كتاب وغرفه ملابس متفرعه من الاوضه
رامى ايه يا كبير الساعه بقت 7 أنت فين كل ده
عمر چثه يا ابنى من الصبح على السرير أنت عاوز ايه دلوقت
رامى يا عم أنا قولت أنت مۏت
عمر يعنى أنت مصحينى من النوم علشان تقولى الكلمتين دول يا عم أنا مستنيع سبنى سبنى
رامى طب هنروح فين انهارده
عمر شويه كده افوق واكلمك
رامى فوق يا عم بقولك ايه
عمر اقفل اقفل دلوقت
رامى سلام
تدخل الاوضه والده عمر وهي في كامل اناقتها فهى سيده أعمال معروفه
منال ازيك يا بيبى
عمر كويس يا ماما كويس فيه حاجه
منال أبدا أنا عاوزاك تحضر نفسك من الأسبوع الجاى تنقل من الفيلا هنا وتروح تعد في أي شقه لينا
عمر ده ليه يعنى
منال اتفقت مع شركه هتيجى تغير الديزينر بتاع الفيلا هنا والمهندسين هيبقوا موجودين فهتضايق منهم أنا عاوزه راحتك
عمر طيب طيب سبينى دلوقت
تخرج والده عمر من الاوضه وفجأه ينادى عليها عمر
عمر هو انتى هتروحى فين ساعتها هنعد سوا
منال لالا أنا عندى صفقه وهسافر بره في المده اللى هيبقوا فيها هنا
...
الساعه السابعه والنصف في بيت رقيه تدخل عليها ماجده الاوضه
ماجده ماشاء الله يا حبيبى قمر
رقيه هههههههههه ربنا يخليكى يا ماما
ماجده بس اقلعى النضاره دى مش ليها لزوم يعنى
رقيه يا ماما ارجوكى أنا عاوزه اللى يتقبلنى يتقبلنى زى ما أنا هو هيعيش معايا يوم واحد وبعدين أنا مش هوافق على أي حد برضوا لازم نقبل بعض برضوا
ماجده عندك حق يا حبيبتى أنا هروح اتصل بهاجر علشان استعجلها
رقيه هي مجتش من الصبح
ماجده لا يا حبيبتى هي جت بس نزلت درس تانى
رقيه درس! طيب
...
اعمر انزل يا اض أنت أنا تحت البيت عندك
رامى ومقولتليش ليه من بدرى البس
عمر يعنى هتلبس فستان الفرح انزل بسرعه
وبعد خمس دقايق نزل رامى وعمر سرحان في العربية
رامى نحن هنا مالك يا كبير
عمر اركب بس
ركب رامى العربية ومشى عمر بالعربيه بسرعه فظيعه
رامى مالك يا ابنى فيه ايه
عمر مفيش هنسهر فين بس
رامى أي حته يا عم الواد كريم كان عاوزنا بيقول معاه موزتين جامدين قطاقيط صغيره
عمر ما أنت قولت اتنين وتلاقيه معاه الواد مصطفى وبعدين ده عيل اهبل وتلاقيه عرفلك بينتين من ثانوى
رامى تعالى بس يمكن يكونوا معاهم صحابهم
...
دخل عمر ورامى المطعم اللى موجودين فيه
هاجر ايه الواد المز ده قمر يخربيته
عبير دول جايين علينا
هاجر أنت تعرفهم يا كريم
كريم اه دول أصحابى عمر ورامى
مالت هاجر على عبير
هاجر طب كويس
عبير حظك في رجليكى
هاجر يوه ماما
عبير فيه ايه يا بنتى
هاجر أبدا الصول رقيه جالها عريس 5877 وعاوزانى اكون موجوده
عبير هي قالتلها على الصبح
هاجر معرفش بس تقريبا لا ولو قالتلها ولا يهمنى هتصرف
عبير المهم على فكره يا هاجر الواد هيتجنن عليكى
هاجر واد مين
عبير يا بنتى محمود الواد ده بيحبك اوى تعرفى رغم أي حاجه فيه بس الوحيد اللى حسيته بيحبك
هاجر يحبنى أو ميحبنيش هو اصلا مش من مستوايا وقدامه كتير هو اه متخرج ومن كليه كويسه بس اصلا مش استايلى خالص ده قفل اوى
عبير ههههه بصراحه الواد مؤدب اوى المهم هتروحى
هاجر لا لا اروح ايه كالعاده هيطفش وليه حق الصراحه
عبير ههههههه
هاجر هههه اسكتى بقى خلينا نشوف هنعمل مع المز ده ايه
...
في بيت