رواية لا زلت في الثلاثين بقلم مارتينا. الجزء الرابع.

رواية لا زلت في الثلاثين بقلم مارتينا. الجزء الرابع.
فات الليل على هاجر وهي في حيره كبيره ايه اللى جمع رقيه بعمر وحتى لو شغل فأكيد مش هيوصلها ورقيه عندها عربيه. ده غير الفرحه اللى في عيون رقيه اللى قلقتها زياده
رقيه في اوضتها وهي فرحانه وقلقانه وخاېفه ومش مصدقه مش لاقيه شعور يوصف لحالتها أول مره تتعرض لموقف زى ده وشاب زى عمر هو اللى يجى يقولها بحبك وكل شويه تفتكر كلامه وتحس قد ايه هي كانت ساذجه في رد فعلها بس لانها مكنتش عارفه تعبر وخاڤت من حاجتين لتكون فرحتها لان عمر أول راجل يقول كده مش علشان عمر نفسه وخاڤت لتكون مجرد بنت مختلفه شدته وفتره وهتعدى

قاعد عمر بيفكر في نظرات رقيه ليه وفي مستقبله اللى لازم يبنيه علشانها هي وبس وفي وسط دوشه دماغه دى رن موبايله وعلى غير العاده كانت مامته
منال ازيك يا بيبى
عمر الحمد لله انتى عامله ايه
منال الحمد لله أنا هرجع من السفر بكره وهعد في فيلا المعادى مش هتيجى بدل الدوشه اللى عندك دى
عمر لا يا ماما أنا مبسوط هنا وكمان عاوز اكلمك في موضوع كده
منال خير
عمر أنا اشتغلت
منال اشتغلت ده من امتى ده وروحت شركه ايه
عمر مش شركه تبعنا يا ماما أنا اشتغلت في مكان تانى عاوز اعتمد على نفسى
منال هيبقى لينا كلام في الموضوع ده لما ارجع أنت لازم تجيلى بكره
عمر اها اوكى أنا فعلا لازم اجيلك لان مش هو ده الموضوع اللى عاوزك فيه بس
منال هو أنا غيبت خمس سنين وانا معرفش
عمر لما تيجى يا ماما سلام
قفل عمر مع مامته وهو مضايق من أسلوبها وطريقتها وخاف على موضوعه مع رقيه لانها مجهزاله عروسه من زمان وده مش اهتمام بيه ولكن مصالح الشركات اهم من أي حاجه بس في الاخر اقنع نفسه بأن رقيه تعمل المعجزات لانها اصلا معجزه
...
قاعد على بالليل على الكمبيوتر ومنى شايله يوسف علشان بيعيط وعياطه ميجيش حاجه جنب عياط قلبها من جوه لانها عارفه على بيعمل ايه وبرغم كده مش قادره كل ما تبص ليوسف تستحمل اكتر وتقول اكيد هيفوق اكيد ولما نام يوسف
فكرت في أن العيب ممكن يكون فيها ممكن انها اهملته مش مهتمه بنفسها
وقفت قدام الدولاب تنقى اشيك حاجه عندها فشافت الفستان اللى جبهولها على في أول عيد جواز ليها ولبسته واحت لعلى بعد ما شغلت اغنيه هاديه لام كلثوم
منى ما تسيبك من الشغل ده شويه وتعالى نعد مع بعض شويه
على مشغول اوى يا منى مش وقته
قربت منى منه
منى يا حبيبى مش وقت الشغل ده قوم بس
قام على مع منى وساب هاجر تكلم الكمبيوتر
وفضلت ترن علىيه وكالعاده الموبايل مغلق
منى وحشتنى اوى يا حبيبى
على وانتى كمان وحشتينى بس ايه الدلع ده
منى يا حبيبى من هنا ورايح هو ده النظام
...
دخلت رقيه الفيلا ودورت عيونها على عمر في كل مكان ملقتهوش فرن موبايلها باسم عمر
عمر صباح الخير
رقيه صباح النور
عمر انتى فين
رقيه أنا هنا
عمر هنا فين
رقيه هنغنى بقى
عمر غنى غنى
رقيه صوتى وحش
عمر الصوت ده وحش ده ده ده أنا هعمله نغمه موبايلى متدوريش عليا بقى أنا شايفك شايفك
رقيه مش بدور اصلا
عمر لا بتدورى اصلا اصلا عموما أنا مش هنا
رقيه اومال فين
عمر هنهزر بقى ورانا مستقبل بيضيع أنا في الشغل ولما اخلص هروح لماما اكلمها عليكى
رقيه عليا أنا
عمر لا عليا أنا ايون يا قلبى عليكى انتى هو أنا ليه حاسس انك مخضوضه
رقيه لان أنا مخضوضه فعلا هو أنت بتحبنى فعلا
عمر لا لو على الحب فانا مش بحب بس ده أنا عاشق يا بنتى عمر عبدالرحمن طب خلاص والله صعبان عليا البنات
رقيه ليه يعنى
عمر بهزر يا قلبى الله
رقيه ماشى ماشى
عمر عموما أنا لازم اشوفك اعملى كل حاجه في الفيلا عل مهلك على مهلك وعقبال فيلتنا
رقيه أنا هقفل بقى لانى ورايا شغل
عمر احم احم وانا كمان ع فكره مفيش حد احسن من حد هتوحشينى
...
عمر ومنال بيتكلموا مع بعض
منال ايه اللى انتى بتقوليه ده يا عمر
عمر قولت ايه يا ماما بحب رقيه وعاوز اتجوزها
منال أنت تحب دى عمر عبدالرحمن أنت مش شايفها عامله ازاى
عمر عامله ازاى هي لازم تكون ملونه زى البنات علشان تعجب
منال مش استايلك يا عمر
عمر هي فعلا مش استايلى لانها احسن منى بكتير
منال ياااااااه هي قدرت تعمل فيك كل ده
عمر أنا مش هتجوز غير رقيه يا ماما
مشى عمر من غير ما يسمع مامته بتقول ايه ولا يكمل كلامه ليها
مشى عمر وركب عربيته وهو تايهه مع الطريق ومش عارف هو رايح فين. الحاجه الوحيده اللى متأكد منها أن رقيه هي اختياره وانها لازم تبقى مراته لانه مش هيعرف يتجوز غيرها وفي اللخظه دى اتأكد عمر انه فعلا بيحب رقيه ومش حب عادي حب اتغير بيه ووصل بيه لاستراحه اطمئنان عمره ما تخيل