رواية نادرة قلبي بقلم دعاء أحمد..الجزء الرابع.

هي بكل عيوبها والغريب انه كان ساكت وخاف على قلبها دموعها نزلت بمشاعر مختلطة واحساس غريب وفريد من نوعه شعور أول مرة يغمر روحها بالشكل دا رغم أنها طول الوقت بتحس معه بالأمان لكن غمرة مشاعرها بالقوة دي كانت أكبر ما انها تقدر تتكلم أو تقول أي حاجة. شديت ايدها بقوة من ايده ونزلت من العربية حسن بصلها باستغراب وخاف يكون اتسرع في انه حكي اللي في قلبه ناحيتها نزل من العربية وبص لطيفها وهي بتدخل البيت بسرعة حسن بضيق وهو بيمرر ايده في شعره
هو أنا عكيت الدنيا. استغفر الله العظيم كان لازم اصبر. ايه يا أبو على مش قادر تستنى كم يوم كمان.
حسن بص للشارع الفاضي اتغاظ وركب عربيته ومشي. نادرة وقفت أدام باب الشقة وهي بتمسح دموعها وبتحاول تبان عادية. فتحت الباب ودخلت لقيت ابوها قاعد مع جليلة ومرجانة مستنينها
نادرة بصوت باكي السلام عليكم
و عليكم السلام ورحمة الله وبركاته
موسى باستغراب
مال صوتك يا نادرة وبعدين انتي بټعيطي واتاخرت ليه مع حسن.
نادرة 
أصل كنا قاعدين على السطوح والكلام اخدنا مخدناش بالنا من الوقت وبعدين أنا مش بعيط بس في حاجة جيت في عيني بتوجعني.
جليلة 
وايه القطة دي مش قلنا مفيش قطط تاني يا نادرة
نادرة 
دي بسبوسه. حسن جبهالي لو عايزة تمشيها.
مرجانة بمقاطعة بعد ما لاحظت حالة اختها
لا نمشيها ايه وبعدين دي هدية كتب الكتاب مينفعش تمشيها. أنا هبات معاكي النهاردة يا نادرة طارق أحد الولد وانا قلتله اني هبات معاكي ياله خلينا ندخل ننام.
نادرة ياله
مرجانة اخدتها ودخلت الأوضة
موسى 
أنا حاسس أن البت فيها حاجة أنا هكلم حسن واعرف ايه اللي حصل
جليلة بحب
تكلمه ايه بس دلوقتي زمانه روح والوقت اتأخر وبعدين قلتلك عينها بتوجعها وحسن دلوقتي جوزها يا موسى ولسه كتبين الكتاب اكيد كانوا بيتكلموا خلينا ندخل نريح شوية ومرجانة معها لو في حاجة هتحكيلها ومرجانة هتقولي متخافش عليها
موسى بتنهيدة
ماشي يا جليلة ياله بينا
في اوضة نادرة كانت قاعدة على السرير وهي شايلة القطة وساكته لكن كلامه بيتردد في عقلها ڠصب عنها عيطت پخوف خوف بيزيد كل ما تفتكر أن الشاب محبش يتعرف عليها علشان يحميها من نفسه واي حاجة وحشه ممكن تحصل وهي سمحت لنفسها تتعرف على شخص كان عايز يلعب بيها مجرد بيسد بيها رغبته وهي كانت بتوهم نفسها بحبه لأول مرة فعلا تحس انها رخصت نفسها لأول مرة تحس انها ظلمتها رغم أنها مفروض تكون سعيدة جدا بحب الشخص الصح ليها لكن شعورها بالذنب كان ۏاجعها شهقاتها بقيت أعلى وهي بتنزل القطة على الأرض وبتخلي وشها بيدها
مرجانة بفزع وخوف
يا حبيبتي ما انتي لو تحكيلي بټعيطي ليه هترتاحي طب حسن زعلك والله انزل اټخانق معه وان شاء الله حتى يطلقك لو هيكون سبب في زعلك من اولها. طب. طب حد قالك حاجة وحشه مين خلك ټعيطي كدا يا قلب اختك بلاش توجعي قلبي عليك يا نادرة. ردي بالله عليك طب في حاجة وجعاكي
نادرة بحزن وهي بتمس ايد مرجانة بقوة وبتحطها على قلبها
أنا زعلانة من نفسي اوي يا مرجانة. اوي. زعلانة من اللي عملته فيها. أول مرة احس نفسي اني قليت منها أول مرة احس باحساس دا. أنا حاسه بۏجع هنا. بيوجعني اوي.
مرجانة دموعها نزلت پخوف عليها
طب اهدي وصلي على النبي ايه اللي مزعلك هو حسن قالك حاجة زعلتك.
نادرة پقهر
حسن. أنا اللي غلطت في حقه وحق نفسي مرجانة ممكن اطلب منك طلب بس ارجوكي نفذيه وحياة ابنك بلاش بابا يعرف حاجة عن اللي هقوله لك دا لانه هيزعل مني اوي.
مرجانة 
والله ما هقول لحد والله العظيم
نادرة بدأت تحكيلها عن علاقتها بفريد واللي عرفته بالصدفة وفضلت تقابله لمدة سنة كاملة انها كانت بتخرج من وراهم وتقابله عند المينا.
مرجانة
معقول نغم عارفه وانا متقوليش حاجة زي دي
نادرة
انتي كل حاجة بقولهالك بتحكيلها لأمك وهي بتقول لبابا وأنا كنت فاكره نفسي بحبه
مرجانة بحدة
شوفي يا نادرة انتى غلطتي في حق نفسك وحق بابا غلطتي لما طولتي معه في علاقة انتي عارفه انها غلط يمكن انتي مشاعرك كانت بريئة لكن انتي كنت عارفة انها غلط وكملتي سمحتي لفريد بحاجات مش من حق أي حد دلوقتي غير حسن. حتى حسن اللي جيه البيت من بابه كنت مستعرية منه انه ميكانيكي.
نادرة بدموع 
أنا مكنتش مستعرية منه أنا كنت بحب فريد أو بفهم نفسي أن دي الحقيقة بس يعلم ربنا اني في كل لحظة مقدرة حسن وعارفه أن راجل ومفيش مرة اتكلموا عليه وحش إلا ودفعت عنه بس أنا.
مرجانة بمقاطعة
شش اهدي وخدي نفسك براحة يا نادرة براحة بصي يا نادرة ربنا لما بيحب حد بيبعتله الشخص المناسب وانتي ربنا بيحبك بعتلك بني آدم بجد شاريكي. فبلاش تخلي أي حاجة تبعدك عنه وامسكي فيه لان مفيش زيه كتير وخليكي عارفة أن مفيش بني آدم كامل كلنا بنغلط وانتي ربنا ادكي قلب أبيض اوي بس مش عارفه