رواية نادرة قلبي بقلم دعاء أحمد..الجزء الحادي عشر.

أنت الأول وسبني في حالي علشان أنا على أخرى وممكن اتهور عليك دلوقتي
سليمان 
أنا كمان كنت كدا أول ما جيت بس وماله. ولو احتاجت أي حاجه أنا في نفس العنبر
سليمان قام سابه وهو حس بالڠضب أكتر أن شړ العيلة دي مطالوش لوحده
بعد مرور اسبوعين في يوم الزيادة 
نادرة خرجت من اوضتها وهي بتحط الدبوس في الحجاب
دعاء يا بنتي ما تخليكي أنت اصلا مفروض تتحجزي في المستشفى اليومين دول الدكتورة بتقول انك قربتي اوي
نادرة باحساس بالۏجع 
لا أنا لازم أكون معاكم أنا كويسة الحمدلله وان شاء الله مش هولد اليومين دول بس كدا كل حاجة جاهزة له.
جليلة 
ايوة أنا حطيت كل حاجه متقلقيش
نادرة 
خلينا ننزل علشان نلحق نروح له مش بابا تحت
تبارك بحزن 
اه تحت بس انتي شكلك تعبانة اوي
نادرة بضيق
قلتلكم مش تعبانة أنا كويسة خلينا بس ننزل
تبارك مسكت ايدها ونزلوا سوا هي ودعاء
في السجن حسن وسليمان كانوا بيتكلموا قدروا يتأقلموا سوا في الفترة اللي فاتت وحسن بقا اهدا وبيحاول يعرف من سليمان كل معلومه عن شركة الأسيوطي واللي بيحصل جواها
سليمان 
مالك يا حسن متوتر ليه النهاردة . علشان معاد الزيارة يعني
حسن
أكيد هو أنت مش مستني حد يجيلك ولا ايه
سليمان بحزن وسخرية
لما دخلت السجن في الأول هدى كانت بتيجي تزورني لوحدها ومكنتش بترضا تجيب البنت معها وبعد ست شهور كانت رفعت عليا قضية طلاق واتطلقنا ومن ساعتها ماشوفتش بنتي ولا حد بيجي يزورني
حسن ربت على كتفه بمواساة
أن شاء الله هتخرج من هنا وهترجع لبنتك
سليمان 
أن شاء الله بس هو أنت مين هيجيلك
حسن 
أمي اكيد وتبارك و. معتقدش أن نادرة هتيجي عارف المفروض انها هتولد في الشهر دا وهي في نهاية التاسع كان نفسي ابقي معها واطمنها
سليمان
أن شاء الله خير يا حسن قولي هي حامل في ايه ولد ولا بنت.
حسن بحزن ولد.
عدي الوقت وهو منتظر أن السجان ينادي اسمه أن في حد جيه يزوره لحد ما فعلا نادي اسمه وخرج بلهفة لكن كان مصډوم انها جيت تزوره مكنتش متوقعها والدته حضنته بقوة وهي بټعيط وتبارك كمان حسن بص لنادرة اللي كانت مبتسمة وكأنها بتقوله أنا معاك مهما حصل حضنها وباس راسها
ايه اللي جابك أنتم ازاي توافقوا انها تيجي
دعاء
أنا صوتي راح وانا بقولها تفضل لكن هي صممت تيجي
نادرة بلهفة 
أنا كويسة يا حسن متقلقش. قولي أنت كويس
حسن 
متقلقيش عليا أنا بخير الحمد لله
نادرة 
بص يا سيدي جليلة عملت لك الاكل اللي بتحبه اهو كل كويس وبالله عليك يا حسن متزعلش وهون على نفسك وان شاء الله هتعدي على خير
حسن مسك ايدها بقوة وكأنه بيستمد منها الأمان قعدوا كلهم يتكلموا
حسن 
أخبار بحر ايه
تبارك
بخير الحمد لله بس زعلت لأنها معرفتش تيجي معانا قولنالها الزيارة الجاية أنا هفضل وانتى تيجي له
حسن 
خلوا بالكم عليها
نادرة بتعب 
ناوي على ايه يا حسن
حسن بتفكير 
ناوي أولع فيهم يا نادرة ناوي اخليهم يندموا بس متشغليش بالك أنا يجهز لحاجة كدا
نادرة حطت ايدها على بطنها بۏجع
ابوس ايدك يا حسن بلاش تاذي نفسك ابوس ايدك أنا مش حمل ۏجع والله العظيم مش حمل حاجه تانية.
حسن حس بالحزن
مټخافيش أنا بفكر ازاي هخرج من هنا. بس مش هسيب حقي يا نادرة دا على چثتي
نادرة 
المهم متاذيش نفسك وفكر فينا بالله عليك
حسن 
أنا اللي تعبني يا نادرة اني مش بفكر غير فيكم
دعاء ربتت على كتفه باهتمام
متقلقش علينا يا حسن وخلي بالك على نفسك احنا بخير الحمد لله
عدي عشر دقايق تقريبا
السجان
الزيارة انتهت. الزيارة انتهت
سلموا عليه ونادرة مكنتش عايز تمشي لكن ڠصب عنها حسن اخد الزيارة ورجع العمبر بتاعه مكنش له نفس ياكل على اد ما كان حاسس بالحزن أنه شايفها بالحالة دي بتحاول تبتسم علشان ميزعلش سليمان قعد جانبه وهو بيواسيه
معليش يا حسن هي الزيارة الأول بتكون صعبة اوي
حسن 
أنا عمري ما جيه على بالي يا سليمان أن دي تبقي اخرتها.
سليمان 
معليش هتعدي يا حسن.
حسن بصله واتنهد وهو بيفتح الزيارة
ياله بسم الله خلينا ناكل لقمة سوا
سليمان 
لا أنا مش جعان.
حسن بمقاطعة
مد ايد يا جدع أنت معدتك موجعتكش من أكل السجن ولا ايه
سليمان ابتسم بسخرية ومد ايده ياكل معه
عارف أنا بقالي اد ايه ماكلتش اكل بيتي يا حسن من زمان اوي. لدرجة اني كنت قربت انسى طعم الاكل البيتي.
حسن 
هانت يا سليمان أنت كلها كم شهر وتخرج من هنا
سليمان دموعه نزلت ڠصب عنه
تفتكر لما اطلع هعمل ايه يا حسن هقدر اشوف بنتي اللي اتحرمت منها ومستقبلي اللي ضاع منهم لله.
حسن بص للأكل ومعرفش يرد ولا عنده نفس للأكل لكن لازم يستجمع قوته ويهدأ علشان يعرف يفكر
في نفس اليوم الساعة اتنين بليل نادرة كانت بتصرخ من الالم وهي حاسة بأعراض الولادة مكنتش قادرة تستحمل جليلة وبحر قاموا بفزع وراحو لها نادرة كانت بټعيط بهستريه وهي مش قادرة تتحمل الۏجع جليلة 
انتي بتولدي يا نادرة. أنا هكلم ابوكي