رواية نادرة قلبي بقلم دعاء أحمد..الجزء الثاني عشر.

اللي فيه فتح الباب ودخل لقى نادرة بتطلع له هدوم علشان ياخد شاور ابتسمت بحب أول ما شافته وراحت ناحيته بسعادة وقفت أدامه وحاوطت رقبته بدلال 
وحشتني اوي يا حسن اوي
حسن بابتسامة 
وانتي كمان يا نادرة والبيت وحشني وبحر كنت خاېف اوي أن عمري يضيع في السجن و.
نادرة حطت ايدها على بوقه بسرعة
مش عايزاه اسمع أي كلمة بالله عليك مش عايزاه ممكن أنت من النهاردة بتاعي أنا مش هتعمل حاجة غير لما تشاورني يا حسن ولو قلتلك اني قلقانه هتسيب الموضوع دا بسرعة ودا على فكرة أمر مش طلب
حسن ابتسم بخبث وحاوطت خصرها
قلبك جمد يا بنت الحج موسى
نادرة بدلال 
علشان معنديش استعداد اني اخسرك فاهم بقولك ايه تعالي عايزاه اوريك حاجه
مسكت ايده وراحت ناحيه السرير مكان ما ياسين نايم قعدت وهو قعد جانبها نادرة بعدت البطانية الصغيرة عن ياسين 
شكله عامل ازاي وهو نايم شبهك يا حسن جميل اوي
حسن ابتسم بسعادة وانحني شالها بحب 
انتي عارفة يا نادرة أنتم التلاتة قلبي كان مخطۏف معاكم وانا بعيد
نادرة بحب 
خالص بأحسن مفيش داعي للخوف تاني صدقني
حسن حضنها بقوة وهو مش عايز يبعدها عنه 
أنا بحبك اوي يا نادرة حب بيزيد كل يوم وكل لحظة وبيكبر في قلبي كل لحظة لدرجة اني بقيت متيم بيكي وحبي دا زاد كتير اوي في الأزمة دي لما حكولي عن اللي عملتيه وأنك كنت واقفه معهم علشان تثبتوا برائتي بقيتي عندي في مكان لوحدك مكان بعيد
نادرة ابتسمت بسعادة وطلعت بوسه على خده 
وأنا بعشقك يا حسن وبموت لو بعدت عني
حسن اخد نفس عميق وارتاح اخيرا
بعد يومين حسن طلع من البيت وراح هو وعامر لمينا المكتب زي ما طلب منهم لما دخل اتفاجأ بوجود الخواجة نيكولاس
الخواجة نيكولاس ابتسم بجدية وهو بيسلم عليه 
الف مبروك يا حسن خروجك من السجن على فكرة أنا كنت متابع الموضوع
حسن بابتسامه 
متشكر يا نيكولاس بيه
الخواجة نيكولاس 
اتفضلوا اقعدوا
عامر وحسن قاعدوا ومينا معهم الخواجة نيكولاس اتفضلوا
حسن مد ايده ياخد منه الشيك وبص فيه بدهشة
حسن ايه دا
الخواجة نيكولاس حقكم
حسن 
بس أنا وعامر حقنا في موضوع السمسرة عشرة مليون مش عشرين
الخواجة نيكولاس
تقدر تقول أن بعد اللي حصل دا أنا غيرت رأي وكمان بسببك أنا تخلصت من أكبر منافس ليا طه اللي دلوقتي بيحققوا معه والصراحة أنا زي ما بتقولوا بالمصري استجدعتك يا حسن اعتبر أن دي هدية مني ليكم علشان تقدروا تفتحوا مشروعكم قولي صحيح أنتم ناوين على ايه أنا شايف انك تفتحوا حساب باسمكم وتحطوا فيه الفلوس دي لحد ما تخططوا وتعملوا دراسة جدول كويسة
حسن بابتسامه وسعادة 
أن شاء الله بس هو احنا كن ناويين نفتح معرض سيارات بس الصراحه لسه خبرتنا مش كبيرة في المجال دا
الخواجة نيكولاس
خالص أنا عندي فكرة. ايه رايكم تشتغلوا معايا فترة مؤقته لحد ما تكونوا عندكم الخبرة الكافية على فكرة أنا مش بهزر ممكن نعمل عقد دلوقتي حالا
عامر 
بس هنشتغل ايه احنا طول عمرنا بنشتغل في الميكانيكا والعربيات
الخواجة نيكولاس 
متقلقش يا عامر هو دا تقريبا نفس المجال اللي أنا بشتغل فيه بس على كبير شويتين تلاته مينا هيفهمكوا كل حاجة تخص الشغل لو وافقتوا هتمضوا معه العقد أنا لازم امشي دلوقتي لان عندي اجتماع مهم.
حسن 
تمام يا خواجة
نيكولاس 
مبسوط اني اتعرفت عليكم يا شباب ربنا معاكم
حسن وعامر ابتسموا ومينا قعد معاهم وبدا يفهمهم الشغل.
بعد شهرين  حسن رجع البيت وهو تعبان وخصوصا لانه وافق على الشغل مع الخواجة نيكولاس وقرر يبدأ في المجال بجد وفعلا بأن دا في شغله انه عايز يفهم كل تفصيله كبيرة وصغيرة نادرة ابتسمت بسعادة وهي بتخرج من المطبخ
أنت جيت يا حسن
حسن بابتسامه
لا لسه برا
نادرة 
بايخ بس قمر يا سونة
حسن 
أنا بايخ طب بذمتك هو في حد زي أنا
نادرة بدلال 
لا حبيبي أنا جهزتلك الحمام
حسن 
كويس أنا حقيقي محتاج اخد دش واريح شوية علشان اقدر انزل الورشة بليل صحيح يا نادرة قبل ما انسى خدي مصروف البيت
طلع المحفظة من جيبه وادلها الفلوس حسن بجدية 
أنا لسه قابض المرتب اخدت منه اللي يمشيني ودا خليه معاكي أنا عارف أن مصاريف البيت كتير وكمان ياسين وبحر
نادرة
متقلقش أنا بعرف اظبط اموري متقلقش حسن هو أنت ليه مصمم تشتغل في الورشة حتى بعد ما بقا عندك وظيفه بمرتبة ثابت أنا اقصد انك ممكن تاجر الورشة وبلاش الشغلانة دي
حسن بحزن 
انتي لسه بتتضايقي اني ميكانيكي يا نادرة
نادرة بسرعة 
والله ما اقصد يا حسن والله العظيم ما اقصد أنا بس شايفه انك بتتعب نفسك اوي في الورشة بليل وبالنهار في المصنع. دا عامر قالك انه خالص هيسيب الشغل في الورشة ليه أنت متمسك بيها اوى كدا ما الحمد لله مرتبك بيكفينا
حسن بابتسامة 
الورشة دي يا نادرة كانت أول حاجة املكها باب رزق ليا منها ربنا كرمني وقدرت اجهز تبارك واجهز شقتنا