ابحث عن نفسي الجزء الثاني والاخير.بقلم علاء

ابحث عن نفسي
غادة...بقلم علاء. الجزء الثاني.
تاني يوم أحمد راح على شغله مني غير مايفطر وقبل ماغادة تقوم
غادة قامت مفطرتش لانه مالهاش نفس ونزلت عالكلية قابلت صاحبتها هناء فالكلية سلمو على بعض حضرو المحاضرة مع بعض وروحوا الكافيتريا
هناء أنا اسفة ياحبيبتي ماعرفتش اجي فرحك ماما كانت تعبانة شوية
غادة الف سلامة عليها
هناء الله يسلمك. طمنيني عاملة ايه مع جوزك
غادة مش عارفة
هناء يعني ايه مش عارفة
غادة هحكيلك حكت لها اللي حصل ومن ليلة الډخلة هو بقى عصبي وقاسې وامبارح قلب السفرة باللي فيها وقعد يزعق أنا ماقدرتش اواجهه ولما هشوفه مش عارفة هقوله ايه

هناء طبعا هيتغير يا بنتي. أي راجل مكانه هيتغير انتي جرحتيه في رجولته بتصرفك.
غادة أنا هقوله الحقيقة واللي يحصل يحصل.
هناء ولو طلقك هترجعي البلد انتي عارفة اهلك هيعملو فيكي ايه والمطلقة هناك بتتعامل ازاي.
غادة والحل ياهناء أنا مش عارفة لو اتكرر موقف ليلة الډخلة هعمل ايه مضمنش لو رفضته هيعمل ايه.
هناء طيب انتي بترفضيه ليه
غادة مش بحبه يا هناء ده مش مبرر
هناء ربنا يحنن قلبك عليه. يلا نروح المحاضرة هتبتدي
أحمد رجع من شغله على البيت لقى الاكل جاهز وغادة بتسنتاه وعلى وشها خوف من اللي جاي غسل ايديه وقعدو يتغدوا مع بعض من غير حد مايتكلم ..بعد الغدا حاولت غادة تنشغل باي حاجة عشان تتجنبه ..أحمد استناها كتير لحد ماصبره نفذ وراح لها المطبخ ...سيبي إلى بتعمليه وتعالي كلميني.
غادة خاڤت من صوته إللى كان مبين انه متعصب جدا ..ولحقته عالصالون قعدت عالكنبة وهي بتفرك ايديها
..اقدر افهم انتي بتعملي كده ليه. لا اهتمام ولا حب ولا أي حاجة. ازاي دي حياة اتنين لسه متجوزين من يومين بس. احلى ليلة فحياة أي اتنين خليتيها اتعس ليلة. اقدر اعرف انتي اتجوزتيني ليه. أنا كنت ملاحظ تصرفاتك من قبل كتب الكتاب وكنت بقول معلش بتدلع. لسه صغيرة. انما انتي كده زودتيها اوي...شخط فيها...انتي هتفضلي ساكتة كده وسايباني بكلم نفسي.
غادة كل كلمة قالها كانت پتجرحها ومش عارفة ترد بس كلامه استفزها وردت عليه بزعيق...أنا اتجوزتك ڠصب عني ومش عارفة اتعامل معاك ازاي لانك اتفرضت عليا وانا مش بحبك.
كلامها نزل على أحمد عالصاعقة ومعرفش يرد يقول ايه. عنيه اتملت دموع وحس پألم فقلبه. مش سهل على أي حد انه مراته إلى لسه فرحهم من يومين وبيموت فيها تقوله مش بحبك.
احمد أول ماسمعها معرفش يرد قام دخل اوضة المكتب وقفل عليه. ..غادة فضلت قاعدة مكانها مش قادرة تقوم بعدها قامت دخلت اوضتها واتصلت بهناء.
هناء...ايوة يا غادة حصل ايه أنا قلقلت عليك اوي.
غادة...مش عارفة اقولك ايه.
هناء..يعني ايه.
غادة حكت كل إللى حصل ورد فعل أحمد
هناء...ليه ياغادة قلتيله كده حرام عليك.
غادة...أنا مش عارفة أنا قلتله كده ازاي.
هناء...اكيد جرحتيه ياغادة. مش سهل على أي حد مراته تقوله كده وهما لسه عرسان جداد هتعملي ايه دلوقتي.
...مش عارفة. أنا مش عارفة هكلمه ازاي بعد اللي قلته.
..اتسرعتي اوي ياغادة.
غادة سمعت صوت الباب اترزع
..صوت الباب شكله طلع من البيت. هقفل دلوقتي. مش هاجي بكرة الكلية هبقى اكلمك..
...ماشي ابقي طمنيني عليك. تصبحي على خير.
...حاضر وانتي من اهله.
أحمد بعد ماسمع كلام غادة دخل المكتب وسابها قعد على الكنبة وهو مش مصدق كلامها حس بچرح عميق فقلبه دموعه إلى حپسها قدامها نزلت لما بقى لوحده حس انه مخڼوق مش قادر يتنفس غير هدومه بسرعة وطلع من البيت. ركب عربيته وفضل ماشي مش عارف رايح فين ولا هعيمل ايه وصوت غادة وهي بتقوله مش بتحبه بيتكرر كل شوية فدماغه دموعه نازلة على خده لقى نفسه جمب النيل. كل مايحس انه مخڼوق يروح للنيل يحكيله همه
...يارب هعمل ايه دلوقتي. هعيش معاها ازاي وهي مش عاوزاني. اطلقها. بس هنقول لاهلنا ايه والناس ايه. احنا لسه مكملناش أسبوع جواز. وانا إللى بحبها هعمل ايه. اتصرف ازاي دلوقتي. يارب ارحمني وحلها من عندك يارب
غادة منامتش طول الليل قلقانة على أحمد لانه طلع متعصب من البيت خاڤت عليه يعمل حاډثة بالعربية وفضلت رايحة جاية فالبيت بس مقدرتش تتصل بيه ...أحمد فضل طول الليل برة لحد الصبح وهو قاعد سرحان فعربيته بعد ماتعب من اللف