ابحث عن نفسي الجزء الثاني والاخير.بقلم علاء

سمع اذان الفجر من مسجد قريب مسح دموعه ونزل من العربية دخل المسجد اتوضى واستنى تبتدي صلاة الفجر...صلى أحمد الفجر وقعد فالمسجد لانه مش عارف يروح فين ولا يعمل ايه ...جه قعد جمبه شيخ المسجد لما شاف وشه مهموم اوي
..خير يا ابني مالك لون وشك مخطۏف كده ليه وشكلك تعبان اوي.
أحمد انتبه من شروده على صوت الشيخ وبصله اوي
...احكيلي يابني فضفض عشان ترتاح واعرف اساعدك.
...تعبان اوي يا مولانا. تعبان اوي ومش عارف اعمل ايه ولا اتصرف ازاي.
...خير ياابني أن شاء الله في حل بس احكيلي حكايتك ايه..
غادة غلبها النوم على كنبة الصالون وهي بتستنى أحمد لما صحيت بصت فالساعة المعلقة على الحيطة الساعة 6 الصبح وهو لسه مجاش
...لا كده أنا قلقت اوي هتصل بيه واللي يحصل يحصل. .
..ماكدبش عليك يا ابني واقولك حكايتك سهلة.
...طيب اعمل ايه دلوقتي يامولانا. لو طلقتها هقول لاهلنا ايه. ولو ماطلقتهاش هعيش معاها ازاي بعد إلى قالتهولي. .
...لا يا ابني طلاق ايه اعوذ بالله. بص يابني ربنا قال...عسى أن تكرهوا شيئا وهو خير لكم..مش عارفين الخير فين وحكمة ربنا ايه من ده. أنت ادي لنفسك وليها فرصة ممكن هي ترتاحلك لما تعرفك اكتر. وسيب امرك على ربنا.
...ونعم بالله.
حس بموبايله بيرن بص عليه لقى غادة هي اللي بتتصل
..طيب يا مولانا همشي عشان ورايا شغل. متشكر ليك اوي.
..العفو يابني. ابقى تعالى طمني عليك.
..حاضر. سلامو عليكو.
لما طلع من المسجد كان الاتصال قطع بس بعد شوية ابتدى الموبايل يرن تاني
...الو نعم.
..أنت فين.
..بتسالي ليه.
..يعني ايه بسال ليه. أنت من امبارح مفيش ولا حس ولا خبر. أنت ازاي تسيب البيت كده.
..أمال حضرتك بعد إللى قلتيه عاوزة مني ايه. اطير بالفرحة عشان مراتي قالتلي انها اتجوزتني ڠصب عنها.
.. بالنسبة إلى أنا قلته امبارح أنا آسفة اوي مقصدتش والكلام إللى قلته مش حقيقي. أنا ماكنتش موافقة عالجوازة فالاول بس وافقت بعقلي بعدين. وتصرفاتي عشان أنا لسه مش متعودة عليك عشان اتجوزنا بسرعة وملحقناش ناخد على بعض.
..يعني انتي مش بتكرهيني واتجوزتيني ڠصب عنك.
...لالالا مفيش من الكلام ده. أنا آسفة اوي. ياريت تيجي على البيت نفطر سوا.
..حاضر مسافة السكة واكون فالبيت..
أحمد مش مصدق وفرحان اوي انها مش بتكرهه وركب عربيته عشان يروح... غادة بعد ماقفلت بصت للسقف وهي بتقول...يارب سامحني أنا عارفة اني كدبت وعمري ماوافقت على جوازنا بس أنا بجد مش بكرهه ونفس الوقت مش بحبه. بس خفت اوي يطلقني ساعتها هعمل ايه. ارجع البلد تاني. لالا مستحيل أنا مصدقت بعدت عنهم. أنا هفضل هنا لحد ماشوف حل. يارب ساعدني اعمل صح. 
مع مرور الأيام والشهور التعامل بقى طبيعي ما بين أحمد وغادة بياكلو سوا يتفرجو على التليفزيون سوا يتكلمو فمواضيع عامة زي أي زوجين وفالليل أحمد بينام فاوضة المكتب بعد مأجاب سرير صغير وغادة بتنام فاوضة النوم عشان أحمد قرر يعمل زي شيخ المسجد مأقاله ومايضغطش عليها ولا على نفسه. هيسيب كل حاجة طبيعية ويحاول يخليها تثق فيها وتحبه زي مابيحبها. غادة ابتدت تتعود على وجود أحمد لو في موضوع عاوزة رأي حد فيه بتساله. الاكل بتطبخه على ذوقه. لو اتأخر بالليل بتفضل صاحية تستناه لحد مايجي وكانو ساعات يتطلعو يتعشوا برة أو يتمشوا. وابتدت تحس بالامان فوجوده وتثق فيه ومفسرة ده عشان بيعاملها كويس وحنين عليها. 
في يوم بعد ماخلصوا الغدا وعملت غادة الشاي لاحمد
أحمد أنا عندي ليكي مفاجأة هتفرحك
غادة ايه قول بسرعة
أحمد أنا عندي إجازة مدة أسبوع وهنسافر إسكندرية زي ما كنت وعدتك
غادة بجد الله أنا نفسي اشوف البحر وامشي وسط المية
أحمد ههههه حيلك يا بنتي تمشي وسط المية ايه انتي نسيتي اننا فالشتا
غادة هههههههه مش عارفة بقى مليش دعوة
أحمد حاضر يا ستي هعملك كل اللي انتي عاوزاه بس اشوف ضحكتك الحلوة دي
غادة ابتسمت بخجل ميرسي
أحمد غادة أنا.
أحمد كان هيقولها بحبك بس رن تلفون البيت وقامت غادة ترد
غادة..الو.
...الو ايوة ياغادة ازيك ياحبيبتي.
..الحمدلله ياماما ازيك انتي وحشتيني اوي.
..وانتي كمان ياحبيبتي كده ياغادة نسيتينا خالص.
...لا ياماما والله ماقدر انساكي أبدا. والله مشغولة ياحبيبتي يادوب بلحق مابين الكلية والبيت.
...ربنا يعينك ياحبيبتي. ازاي أحمد معاكي بيعاملك كويس مش بيمد