ابحث عن نفسي الجزء الثاني والاخير.بقلم علاء

ايده عليك.
غادة بصت لاحمد لقته بيبصلها ابتسمتلهالحمدلله ياماما كويس وبيسلم عليك.
...الله يسلمك ويسلمه. أنا بتصل عشان اقولك أن شروق ولدت وجابت بنت.
...بجد الحمدلله على سلامتها باركي لمصطفى عني.
...عقبالك يارب. بس مش هباركله لانك انتي لازم تحضري السبوع وباركيله بنفسك.
...طبعا ياماما مش أنا عمتها ههههههه. ماشي ياماما. الله يسلمك خدي بالك من نفسك وسلميلي على الكل. محمد رسول الله. مع السلامة ياحبيبتي.
غادة...ماما بتسلم عليك.
أحمد...الله يسلمها. انتي كنت بتقول عمة مين.
غادة...مرات اخويا ولدت امبارح.
أحمد...مبروك.
غادة...الله يبارك فيك. ماما بتقول لازم نروح بكرة عشان الناس بتيجي ومش قادرة لوحدها عشان شروق لسه تعبانة وكريمة مش فاضية تسيب بيتها كل يوم..
أحمد...مفيش مشكلة. أنا كمان عاوز اشوف البيت عاملين ايه.
غادة....كنت بتقول حاجة قبل مايرن جرس التيلفون.
أحمد...لالا ولا حاجة ماتخديش فبالك. نروح البلد بكرة أن شاء الله لما ارجع من الشغل وبلاش تروحي الكلية. تصبحي على خير.
...حاضر وانت من اهله. متنساش تعزم حنان وطنط وعمو اكيد مصطفى هيكون عزمهم.
أحمد اكتفى بهز راسه ودخل على اوضته وغادة فضلت تبصله ومش عارفة ماله.
أحمد وغادة وصلو لبيت عيلة غادة على المغرب...سلمت غادة على باباها ومامتها بكل شوق وحب..وهما كمان ماصدقو شافوها
محمد...ازيك يااحمد وازاي شغلك.
أحمد...الحمدلله ياحاج.
محمد..وازاي غادة معاك. اوعي تكوني بتزعليه ومش بتسمعي كلام.
أحمد..اطمن ياحاج كل حاجة تمام.
غادة..شروق فين هي والبنوتة.
فاطمة..شروق نايمة لسه تعبانة ياعيني من الولادة بس لو عاوزين تشوفو البنت يلا.
راحت غادة مع مامتها ودخلو اوضة شروق كانت صحيت وحاولت تقوم تسلم على غادة إلى سلمت عليها واخدت منها البنوتة فحضنها
غادة...خليكي خليكي ماتقوميش. الف مبروك زي القمر ماشاءالله طالعة لمامتها.
شروق...الله يبارك فيكي عقبالك ياغادة انتي وكريمة يارب.
غادة...أن شاءالله
فاطمة...ايه يا غادة مفيش حاجة حلوة جاية فالسكة
غادة بتتجاهل تلميحها...حاجة ايه ياماما.
فاطمة...حمل ياحبيبتي انتي بقالك 4 شهور متجوزة.
غادة...لسه بدري اوي على الكلام ده.
فاطمة...بدري ليه بس. انتي مش كل امورك مع أحمد كويسة.
غادة باحراج من تلميح مامتها ووشها احمر حاولت تهرب من الموضوع
...أنا هروح اشوف أحمد وبابا وطلعت من الاوضة
شروق بتضحك على احراج غادة...احرجتيها ياماما.
..قال لسه بدري قال. بنات آخر زمن.
يوم السبوع كان الكل مجتمع كريمة وفاطمة وغادة في المطبخ بيكملو آخر اللمسات الرجالة ومعاهم أحمد برة قاعدين وسط أغاني شعبية وحصان الستات جوة بيغنو ويرقصو وشروق قاعدة معاهم ارتاحت عن أول يوم ولادة فالوسط في طرابيزة متوسطة فوقها جميلة الصغيرة فالسرير بتاعها ..بعد ساعتين خلص السبوع واصر محمد أن غادة وأحمد يباتو عنده فالبيت
محمد والله ما انتو رايحين حتة احنا لسه ماشبعناش منكم تبقو بكرة تباتو عند الحاج كامل. اوضة غادة جاهزة. خلاص أنا حلفت بقى
كامل اسمع كلام الحاج يابني وخلاص بكرة تقضو اليوم معانا
غادة وأحمد واقفين فالأوضة بيبصو لبعض باحراج مش عارفين يعملو ايه فالورطة إلى هما فيها وازاي هيباتو فاوضة واحدة فيها سرير واحد.
غادة احم. هنعمل ايه دلوقتي.
أحمد مش عارف. بصي نامي انتي على السرير وانا هنام عالارض
غادة تنام عالارض ايه الجو برد اوي هتتعب
أحمد لا مټخافيش مش هتعب دي ليلة واحدة مش هيحصل حاجة
وزي مأقال أحمد حصل هو حط فرش عالارض وهي نامت عالسرير وصعب عليها وكل شوية تبص عليه
غادة أحمد
أحمد نعم
غادة لسه مانتمش
أحمد الجو برد اوي مش قادر انام
غادة طبعا ما انت نايم عالارض فالجو ده.
أحمد هعمل ايه يعني.
غادة عاوزة تقوله يقوم ينام عالسرير بس خاېفة يفهمها غلط ومترددة بس صعب عليها اوي.
غادة أحمد قوم من عالارض
أحمد خلاص ياغادة نامي أنا خلاص مش بردان
غادة بقولك قوم من عالارض يلا
أحمد اقوم اروح فين يعني
غادة قوم نامي على السرير
أحمد قام بسرعة وفضل بيبصلها وماردش
غادة أنت بتبصلي كده ليه
أحمد انتي قلتي ايه
غادة قلتلك قوم نام على السرير مش معقول هتفضل نايم عالارض هتتعب كده ومش هتعرف تنان
أحمد انتي متأكدة من اللي بتقوليه
غادة ايوة. وقوم قبل ماارجع فكلامي هههههههه
أحمد قام بسرعة لالا وعلى ايه اهوه قمت
نام أحمد على السرير جمبها وكل واحد فيهم محرج من التاني عشان أول مرة ينامو جنب بعض...الصبح صحيت غادة بصت حواليها لقت نفسها نايمة فحضن أحمد ومحاوطها بدراعه اتخضت بس ماتحركتش عشان مايصحاش. فضلت تبصله أول مرة تدقق فملامح وشه كده. وهي بتبصله بحب أحمد فتح عنيه.