ابحث عن نفسي الجزء الثاني والاخير.بقلم علاء

وغادة أحمد يومه كله شغل بيرجع على النوم بيحاول ينسى جرحه ...غادة نفسيتها وحشة اوي وبتروح تمتحن وترجع بسرعة على البيت بتقعد لوحدها بتاكل لوحدها وبتنام لوحدها ...آخر يوم فالامتحان غادة شافت كريم وسلموا على بعض
ازيك يامدام غادة. مال وشك اصفر ليه
مفيش الحمدلله أنا كويسة. خير
اممممم انتي نسيتي آخر مرة اتفقنا على ايه
آه ايوة معلش مش مركزة. أنا كلمتها وهي موافقة انك تروح تكلم باباها وتاخد منه معاد
بجد أنا متشكر اووي. أنا عايز اتأسف لك لو كنت اتسببت لك فمشكلة مع جوزك
ابتسمت غادة بسخريةلالا أنت ماعملتش حاجة عشان تعتذر. هروح أنا بقى عن اذنك
اتفضلي
كريم فضل باصص لغادة وهي ماشية ومن وشها وتصرفتها عرف أن حصلت مشكلة بسببه. وجاتله فكرة. ... أحمد قاعد فمكتبه سرحان زي العادة من يوم ماتخانق مع غادة ...فجأة دخل عنده شريف زميله فالمكتب
أحمد فيه حد عاوزك برة
حد عايزني أنا مين 
..مش عارف هو ماقلش اسمه. بس قال عاوزك فموضوع شخصي
طيب ډخله
طيب أنا هدخله وامشي الوقت اتأخر سلامو عليكو
وعليكم السلام
أحمد مستغرب مين اللي هيجي له فموضوع شخصي ...دخل كريم. لما شافه أحمد افتكره والدم غلي فعروقه وزعق
أنت ليك عين تجيلي لغاية شغلي كمان
اسمعني الأول يا أستاذ أحمد
مش سامع. لو سمحت اتفضل ده مكان شغلي مش عاوز مشكلات
مش همشي إلا لما اشرحلك. لو سمحت اسمعني. لو سمحت
أحمد حط ايديه فوسطه وهو متردد يسمعه ولا يطرده اتنهد وشاورله يقعداتفضل
...أنا اسمي كريم دفعة مدام غادة. أنت فهمت الموضوع كله غلط. أنا مفيش بيني وبين مدام غادة أي حاجة غير اننا زملاء. مدام غادة نعم الأخلاق ونعم التربية والذوق من قبل ماتتجوز وهي فحالها ومش بتكلم حد خالص. غير الانسة هناء صاحبتها. وده كان الموضوع اللي كلمتها فيه طلبت منها تفاتح الانسة هناء اني عاوز اتقدم لها عشان خفت اكلمها تحرجني. بس كده والله
أحمد مش مصدق اللي بيسمعه وقاله بسرعة....وكنت ماسكها من دراعها وليه وواقفين بتضحكو
...لما استأذنت عشان تمشي بعد ماوعدتني انها هتفاتحها وتقولي ردها. اتكعبلت لحقتها قبل ماتوقع ومسكتها من دراعها. وضحكت عشان كانت هتوقع فحاولت مخليهاش تتحرج وضحكت أنا كمان
أنت عرفت مكان شغلي منين
...مش من مدام غادة هي ماتعرفش اني اصلا جيتلك. أنا بس وهي بتقولي رد هناء اعتذرت لو كنت اتسببتلها فمشكلة قالتلي بطريقة غريبة لا أنت ماعملتش أي حاجة. حسيت فعلا اني عملت مشكلة. مش جزائها انها ساعدتني اتسبب فمشكلة بينها وبينك. اتمنى انك تصدقني. أنت ممكن ماتعرفنيش. بس اكيد تعرف أخلاق مدام غادة. عن اذنك
قام كريم راح وأحمد مذهول من اللي سمعه ...يعني ايه. مفيش حاجة بينهم. أنا ظلمتها اوي ومديتهاش حتى فرصة تتكلم. اتسرعت اوي. .
بص فساعته كان الوقت بقى متأخر قام يقفل المكتب ويروح البيت وهو فعربيته جاتله فكرة وركن جمب محل ورد.
غادة قاعدة بتتفرج على التليفزيون من غير نفس تحت عنيها اسود عشان مش بتنام ووشها اصفر. سمعت صوت الباب عرفت أن أحمد وصل قفلت التليفزيون أحمد بيبص لغادة وهي بتبصله ثواني وقفت
...هحضرلك العشا
استني
نعم
راح أحمد ناحيتها وباس ايديها وراسها
...أنا آسف اوي. ماكنش قصدي ازعلك. بس أنا ماقدرش اشوفك مع حد غيري. أنا بحبك ياغادة
غادة عنيها اتملت دموع وضحكت مش عارفة هي زعلانة منه ولا فرحانة
أنت قلت ايه
بقولك بحبك. انتي حبيبتني وقلبي وروحي
يعني مش هتسيبني
اسيبك. اسيبك ايه أنا ماصدقت لقيتك
لما قلتلي كل واحد يروح لحاله. ماعرفتش اعمل ايه. أنا ماقدرش اعيش من غيرك أبدا. أنا بحبك اوووي
كانت بټعيط مع كل كلمة ولما قالت بحبك أحمد حس أن قلبه هيقف من الفرحة مسح دموعها وابتسم بعدها حضنها بقوة وعنيه مليانة دموع... بعد شوية رفع وشها...كفاية عياط. مش عاوز اشوفك بټعيطي تاني من انهاردة مفيش زعل. تعالي بصي أنا جايب لك ايه
مسكها من ايدها ووداها ناحية الطربيزة اللي برة
..الله أنا بحب الورد الأحمر اوي. وكمان شوكولاتة. ربنا يخليك ليا ياحبيبي
..قلتي ايه
..ربنا يخليك ليا يا. حبيبي
..ويخليكي ليا يا حبيبتي.
بعد سنة مشهد النهاية ....قاعة أفراح حلوة اوي فيها طرابيزات كتير غادة حامل وجنبها أحمد ماسكين ايد بعض عنيهم مليانة حب وسعادة. يوصل العريسين هناء وكريم متشابكين الايدي بكل
فرح وسعادة قعدو فالكوشة وراحت لهم غادة وأحمد يباركولهم. كريم وأحمد بقوا أصحاب اوي. تعالت الزغاريط والضحكات المليئة بالسعادة.
تمت بحمدالله