إبن الزهار..بقلم عماد عبد الحليم

حاجه غريبة حصلت فالمدرسة غير انى كنت بطلع الاول دايما من غير مذاكرة ايوة انا كنت بقرا الكتب مرة واحده بس وبفهم وبحفظ كل معلومه فيها دخلت اثانوية وطبعا لانها بتحتاج دروس كتير ومصاريف وعمران يدوب بيكفينا مصاريف قررت اشتغل ودورت كتير لحد ما صديق ليا عرض عليا انى اشتغل معاه وهيدينى مبلغ كبير سألته عن طبيعه الشغل قالى.. متقلقش احنا هنشتغل ف مصنع قريب من بيتك ورا المقاپر على طول مصنع خرده وتفكيك السيارات 
روحت معاه فعلا واشتغلت كانت بتجيلنا عربيات جديده بنفككها اجزاء وعلمنى السواقه وتعلمت الميكانيكا كلهم كانوا مستغربين من سرعتى فالتعليم وقوتى رغم انه ميبانش عليا فضلت معاه لمده 3 شهور لحد ما فيوم جات لنا عربيه ازازها متكسر وڠرقانه ډم طبعا اټرعبت من المنظر وسألتهم اى ده قالوا.. العربيه عملت حاډثه 
اتخانقت معاهم وقولتلهم..فيه شىء غلط انتوا قتلتوا اصحاب العربيه دى 
كلهم بدون اسثناء ملامحهم تبدلت وعينهم تملت ړعب صديقى قرب منى وقالى.. اهدى مفيش حاجه دى عربيه عملت حاډثه وبس 
سبتهم ومشيت ورجعت البيت وانا حاسس انى بغلى ازاى يعملوا كده عمران اول ما شافنى حس انى متغير شاف فى عنيا نفس نظرات الڠضب والكره اللى شافها قبل كده نسيت الموضوع وقررت محكيش حتى الدروس بطلتها وبدات اذاكر انا وخويا حسام ابن فريده كان اقرب حد فيهم ليا كان بينا تفاهم رهيب كاننا تؤام فعلا عشان كده مقدرتش اخبى عليه وحكيتله على اللى حصل وقالى.. انسى كل اللى شفته ومتتواصلش مع صاحبك ده تانى 
حسام اعقل حد شوفته عشان كده سمعت كلامه وقررت انسى ودخلنا الامتحانات وحلينا كويس جدا وصاحبى بتاع مصنع العربيات مشوفتهوش تانى اختفى بعد الامتحانات بشهر لقيت زمايلى منزلين صورته ع الفيس بيقولوا انه اڼتحر ماټ غريق وشاكين انها تكون چريمه قتل لوجود اثار خنق وتعذيب على الجسم..الخبر ده حرفيا رعبنى 
حسام فالوقت ده كان بيجيب طلبات للبيت مقدرتش اقعد نزلتله ادور عليه وغالبا كان اغبى شىء عملته فحياتى نزلت دورت عليه حوالين البيت لقيت تلت عربيات جيب فاتحين مقپرة قولت اكيد بيعزوا بس اتضح انى كنت غلطان قربت منهم اكتر سمعت صوت صړيخ وعياط وواحد لابس بدله سوداء ومعاه اكتر من 10 حراس بيضحك وفيه شخص مرمى على الارض جسمه كله متجرح واثار الټعذيب واضحه عليه..قربت اكتر منهم وداريت وحاولت اسمع الحوار اللى بينهم وكان كالاتى 
..بقى انت عاوز تقف قصاد رحيم حمزاوى عاوز تدخلنى السچن مفيش قانون فالعالم يقدر يحاسبنى او يمسنى القوانين دى اتوضعت عشانكوا انتوا وانا واللى زى اللى حطيناها اى المشكله لما الف او الفين او حتى خمسه الاف يموتوا بسبب الاغذيه الفاسده اللى بستوردها والطعام المسرطن كده كده هيموتوا هو الجهل والفقر اى غير مۏت انا يدوب بعجل النهايه 
الشخص المعذب .. وانت مين عشان ټقتل الناس وكمان تعذبهم وتاجر باحلامهم وتسرقهم ما انت واللى زيك السبب ففى فقرنا وجهلنا انتوا سرقتوا احلامنا 
رحيم .. احنا السلطه والقانون وراس المال حاولت احذرك مرة ودى معملتهاش قبل كده مع اى حد بس انت عملت فيها ظابط شريف وحامى حمى القانون وانت اللى اخترت عارف انت بتفكرنى باحمد الزهار واحد حاول يقف قدامى زمان عارف عملت فيه ايه ايه حرقته هو وعيلته كلها وخدت كل ممتتلكاته 
فاللحظه دى شخص حط ايده على كتفى وصړخت الشخص ده كان صاحب المصنع بتاع السيارات قال ..دوختنا وراك يا اخى وعذبنا صاحبك عشان يعترف على مكانك ومبعاكش على الرغم من انه ممكن يبيع ابوه مقدرش ياذيك بس برضو وقعت فايدنا وخبطنى على راسى وفقدت وعى 
رحيم .. شوفوا ايه الصوت اللى برة ده وهاتوه وادفنوه مع الظابط ادفنوهم صاحيين 
وولما خرجوا يدوروا كنا اختفينا ..معلش لازم اسيبك دلوقت عندى شغل مهم وهقابل ناس مهمين ادفنوه
حسام رجع  ولف عليا البيت كله ملقنيش حس بان شىء غريب حصلى واتاكد اما عرف خبر مۏت صاحبى وان فيه اثار تعذيب وشبهه جنائيه ..انا حكيت لحسام على مكان المصنع بس محددتش قولتله جمب المقاپر..حسام قلب عليا المقاپر كل شبر وكل مكان ..فالوقت ده صحيت على صوت نفس الراجل اللى خبطنى ..نهايه البطوليه المۏت 
انا .. والله ما قولت لحد سبونى حرام عليكوا 
مدير المصنع .. نسيبك نسيك ايه محدش بيخرج من هنا عايش انت عرفت اسرارنا وتقلبت علينا ولولا صاحبك كنا صفيناك فى وقتها بس هو قال هيقنعك انا ومصطفى هنتتسلى عليك عقبال ما الرجاله تيجى من برة كلها ساعه ويوصلوا انت كتبت نهايتك بايديك هنقطعك زى العربيات وهنبيعك اعضاء بشريه ونستفاد منك 
انا كنت پصرخ بس بدون دموع صريخى كان بيهزهم صوتى اتغير وحسيت انى كل الۏجع راح وقوتى رجعتلى اضعاف مضاعفه وفكيت نفسى بسهوله