انت القرار السديد بقلم اسراء ابراهيم

فين بالظبط وبعدين أمي ماكنتش كدا أصلا دا تأثير جدتي عليها كانت مقرطاها عليهم والكلمة كلمتها فڠصب عنها خدت طبعها فكنت بجيب الهدايا ليكي من الفلوس دي معقولة تفكيرك وصلك إني ممكن أسرق
حنين.. مش قصدي كنت بسخر يا بني مش أكتر أصل كلامك كان غريب وبعدين كنت هفضل معك إزاي لو أنا مش عارفه أخلاقك كويس
أمين.. وأخواتي كمان بيعملوا نفس اللي عملتوا
بصتله پصدمة وحطت إيدها على بوقها
فكمل بضحك.. أصل يعني حاولنا قبل كدا معها وكنا هنتطرد من البيت فقولنا بلاش مجادلة أكيد يعني مش هنتخانق مع أمي ولا نزعلها عشان شوية فلوس أو تفكيرها بس فكرنا مع بعض وعملنا اللي أنت عرفتيه وأحيانا بنخرج أنا وأخواتي نروح مطعم نروق عن نفسنا
حنين بخضة.. يا نهار أبيض يعني بتروح تاكل أكل أشكال والوان وسايب مامتك هنا بتاكل عيش وعدس ولا ملوخية يجيلك قلب إزاي
أمين.. لأ ما هو اللي تعرفيه إنها أصلا بتقضي نص اليوم عند أختي وبتاكل عندها هي اتعودت على كدا وزي ما قولتلك حاولنا معها تغير طبعها مفيش فايدة وأكيد احنا مش هنستحمل العيشة دي
حنين.. اممم
أمين.. بس معلش اعتبريها زي مامتك واستحملي تصرفاتها لأن ماقدرش أعاتبها لأن هتفهمني غلط وهتقول إني بقف في صفك وبفضلك عليها
حنين بابتسامة.. من غير ما تقول يا أمين دي فعلا أمي وكمان أستحمل أي حاجة عشان خاطرك كفاية حنيتك عليا
أمين.. فعلا أنت القرار السديد يا حنيني وبعدين إن شاء الله هنخرج يوم في الأسبوع كدا واللي أنت عايزاه قوليلي عليه ويكون عندك على طول
حنين.. ربنا يحفظك ليا
خلصوا أكل وحنين نزلت لحماتها تاني عشان تغسل المواعين وتشوفها لو عايزه حاجة
وعدى أسبوع كمان على اليوم دا وحنين بتنزل دايما لحماتها وتشوف اللي عايزه تعمله وبقت عارفه هي عايزه إيه وعرفت تفكيرها أكتر
كانت حنين بتغسل المواعين بعد لما اتعشوا وفجأة طبق وقع منها اتكسر حطت إيدها على بوقها من الصدمة والخۏف وبتبص عالباب منتظرة دخول حماتها عشان تعاقبها لقت جوزها اللي جه جري عالمطبخ يشوف إيه اللي حصل فلقى الطبق اتكسر فقال پصدمة.. يا نهارك أبيض يا حنين دا أمي هتطردك من البيت لمي بسرعة قبل ما تيجي
حنين بدموع.. وقع ڠصب عني يا أمين
جري أمين يلمه وقال.. بسرعة هاتي حاجة نخبيه فيه قبل ما تيجي
جابت كيسة وبيحطوا الحتت الصغيرة فيه وضهرهم للباب ولكن وقفوا مخضوضين لما سمعوا صوت والدته وراهم وهي بتقول.. بتعملوا إيه
أمين بقلق.. الطبق وقع وحصل اللي أنت شايفاه دا
بصت لحنين بزعيق وقالت.. وأنت كنت فين لما تخليه يمسك الأطباق ولا يكونش بيساعدك في غسيل المواعين
حنين پخوف وقالت بسرعة.. والله ما غسل معايا حاجة
أمين بسرعة.. يا ماما كانت غسلته وأنا خدته أحط فيه فاكهة ليا ولأخواتي ومشفتنيش وأنا باخده وإلا هي كانت جابت لينا فالغلطة غلطتي يا أمي
والدته بعصبية.. أنت إزاي مستهتر كدا يا أمين ما مراتك أهي قول لها تعمل اللي أنت عايزه مش تروح تبهدل حاجتي 
بصت لحنين وقالت.. تطلعي شقتك دلوقتي تجيبي طبق من جهازك مكان دا
بصلها أمين پصدمة وقال.. يا ماما هبقى أجبلك دستة أنا السبب
والدته.. مش عايزه كلام عشان تبقى مركزة وتسيب اللي بتعمله وتشوف طلباتك يلا يا حنين اطلعي
طلعت حنين دون كلمة فتحت دولاب المطبخ وجابت طبق نفس حجم اللي وقعته ونزلت تاني لحماتها حطته قدامها على رخامة المطبخ
حماتها.. بعد كدا لو حاجة اتبهدلت هحط عليك الغلط عشان تبقي مصحصحة مش ماشية نايمة حضرتك لسه سلايفك عايزين نجوزهم وباستهتارك أنت وجوزك مش هنعرف نجوزهم
وطلعت من المطبخ وقال أمين بحزن.. أنا آسف يا حنين حقك عليا معلش استحملي المعاملة دي لغاية لما أخواتي يتجوزوا وبعدها هننعزل زي ما هي قالت لينا قبل كدا
حنين بحزن.. حصل خير هروح أشوف ماما لو هتحتاج حاجة قبل ما أطلع
وطلعت من المطبخ وهو راح أوضة أخواته يحكيلهم اللي حصل وكانوا سامعين بس ميقدروش يتكلموا ولا يدافعوا عن حنين
أمين بتعب.. هي ليه أمي بتعمل كدا مين اللي لسه في الزمن عايش نفس عيشتنا دي طب احنا نستحملها لكن حنين ذنبها إيه يعني حنين اتجوزت وأهلها سلموها ليا عشان تتبهدل