عشق مهدد بقلم إسراء إبراهيم

وبيهمس في ودنها وهي ابتسمت ليه فحاوطها هو بايديه وضمھا لحضنه وهنا عمر مقدرش يقعد ومشي بسرعة من المكان وهو مقرر يطردها من جوة قلبه ويطلعها بالقوة وينساها ويعيش حياته زي ما هي باعته وعاشت حياتها وانه حتى لو مقدرش يعمل ده على الاقل صورتها في حضن راجل غيره هتخليه ڠصب عنه يكرها ويخرجها من حياته للابد.
عدت خمس سنين كان عمر فيهم بقي شخص تاني خالص شخص جادي لدرجة انه لغي عواطفه ومشاعره بقت مجمدة مكنش بيعمل حاجة غير انه يشتغل فقط لحد ما بقي من أكبر المهندسين على مستوى الشرق الاوسط وبقي ليه كيانه ومركزه واللي ساعدته على ده رقية اخته لانها كانت بتتمني انه يقف تاني على رجليه ويرجع تاني ليها وخصوصا أن عمر عاني كام سنة عشان ينسي ملك وهي كانت معاه لحظة بلحظة كانت واقفة رقية في المطبخ بتوضب الاكل لحد ما دخل عليها معاذ جوزها..رقية حبيبتي هو عمر اتأخر ليه مش هو عارف أن انهاردة عيد ميلادك وانه هيتغدي معانا 
ابتسمت رقية وهي بتمسح ايديها بعد ما خلصت كل حاجة..أنت عارف عمر يا معاذ مشاغله كتيرة الله يعينه بس هو كان مأكد عليا انه جاي بس أنت شد حيلك معايا وانا بفاتحه في موضوع العروسة احسن أنا خاېفة اوي من رد فعله 
معاذ قلب وشه بضيق ورد وهو بينفخ وبيبص لرقية بتوتر..والله أنا شايف أن موضوع العروسة ده ملوش لازمة لانك حاولتي قبل كدة كتير وهو برضه مفيش فايدة ايه بقي اللي هيخليه يوافق المرادي 
ردت رقية بثقة وهي بتشاور على نفسها بغرور مصطنع..أنا طبعا أنت ناسي أن انهاردة عيد ميلادي وهو اكيد مش هيرفضلي طلبي خصوصا لما اقوله أن هي ده امنيتي الوحيدة ولازم يحققهالي في عيد ميلادي 
ابتسم معاذ بسخرية ورد وهو بيربع ايديه قدام صدره..والله أنا شايف أن اخوكي مش من النوع ده خالص واعتقد كمان أن فكرتك دي هتيجي على دماغنا كلنا وخصوصا أما يعرف أن العروسة مش مصرية اصلا 
نفخت رقية بغيظ وهي باصة لمعاذ وبعدين سابته وخرجت وهي بتقوله بضيق..وفيها ايه دي بنت واحدة صحبتي وكانت عايشة في إيطاليا بس زي القمر أنت لو بس تتفائل شوية كل حاجة هتعدي لكن أنت بكلامك ده قلقتني اكتر اوعي يا معاذ من وشي أنا رايحه اغير هدومي.
كان واقف عمر ومعاذ حوالين رقية بعد ما طفت الشمع وهي سعيدة اوي لانها وسط اكتر اتنين حبيتهم في حياتها اخوها الوحيد وجوزها بس رقية كانت متوترة اوي وهي بتبص لمعاذ ومش عارفة تفتح الموضوع بس اللي سهلها عليها 
وعمر اللي حضن وشها بايديه وهو بيقولها بحب..اؤمريني يا رقية قوليلي نفسك في ايه وحالا يكون عندك 
ابتسمت رقية بتوتر وبعدين جمعت شجاعتها وردت بثقة مزيفة..أنا عارفة انك مش هتكسفني وهتوافق على امنيتي يا عمر وعشان كدة هديتي هي انك توافق تشوف العروسة اللي جيبهالك عشان خاطري 
اتحولت ملامح عمر للڠضب وقبض على ايديه وكأنه بيحاول يتحكم في عصبيته وكانت متابعة تعبيراته رقية بقلق وكانت متوقعة أن عمر يثور عليهم ويزعق بس اللي حصل عكس كدة تماما وعمر اتنهد پغضب وبعدين رد مع شبح ابتسامة مرسومة على وشه..طيب يا رقية حاضر هعملك اللي انتي عايزاه 
رقية ابتسمت بغباء وهي مش مصدقة أن عمر فعلا وافق وردت پصدمة..بجد يا عمر موافق على العروسة
ابتسم عمر بغموض ورد بجدية وهو بيزرر چاكت بدلته..أنا قولت موافق اشوفها زي ما انتي طلبتي لكن مقولتش اني هوافق ابقي شوفي المعاد وبلغيني سلام بقي عشان عندي مشوار مهم 
خرج عمر وكانت متابعاه رقية بفرحة وهي بتبتسم بسعادة ورمت نفسها في حضن معاذ وهي بتقوله بفرحة..وافق يا معاذ ده وافق أنا مش مصدقة 
معاذ ابتسم على فرحة رقية وقالها بقلق وهو بيطبطب عليها..انتي مسمعتهوش قال ايه بيقول موافق يشوفها يعني اكيد مش هيوافق بعدها 
ردت رقية بثقة وهي بتسرح بخيالها بعيد..مش مهم المهم انه وافق يشوفها وانا متأكدة انه هيوافق بعديها علطول.
كان قاعد عمر جمب معاذ في بيت سالي وتبقي البنت اللي تعرفها رقية