رائعة منال جميعي الجزء الاول
عشان يمني مش عشاني انا
يحيي..ودي عرفتها لوحدك كده يا سلام ع النباهة يا ولاد
عماد بابتسامة ..معلش من حسن حظك ان عندي محاضرة دلوقتي ومش فاضيلك وعموما يا سيدي لو عايز يمني فانا لسه شايفها دلوقتي قاعده مع شيرين واسماء ادام المدرج
يحيي..ما انا شفتهم وكنت لسه رايحلها
عماد..طيب عشان ما اعطلكش انا ماشي عشان انا كمان عندي محاضرة
عماد بابتسامة.. ومش عايزني اسلملك علي حد تاني بالمرة
يحيي..كلك نظر بقي يا عمدة
عماد..ماشي يا عم يوصل ان شاءاللهسلام
كانت يمني تجلس مع صديقتيها اسماء وشيرين التي بدا عليها الضيق الشديد
يمني..مالك يا شيرين شكلك مش طبيعي خالص النهارده انتي متخانقه مع مرات باباكي ولا ايه
يمني..والخڼاقه عشان ايه المرة دي
شيرين..ما انتي عارفة الموضوع من اوله يا يمني
أسماء..انا مش فاهمة الست دي مصممه تجوزك اخوها ليه كده
شيرين..وهي دي عايزة سؤال طبعا عشان تكوش علي ثروة بابا من كل باحية
يمني..ولا يهمك منها طالما عمو نجيب في صفك وعمره ما هيجبرك علي حاجه يبقي خلاص سيبك منها
همت يمني ان تتحدث إلا ان اسماء قاطعتها وهي تنظر إلي ذلك القادم نحوهم قائلة..بصي كده يا يمني مش يحيي اخوكي اللي جاي علينا ده
نظرت يمني إلي حيث اشارت اسماء لتجده قادم وعلي وجهه إبتسامة عريضة وحينما اقترب القي عليهم السلام
شيرين واسماء..الحمد لله ازاي حضرتك يا باشمهندس
يمني بقلق.. خير يا يحيي فيه حاجة حصلت بابا وماما كويسين
يحيي..ايه يا بنتي القلق اللي انتي فيه ده اطمني مافيش حاجة. كل الحكاية اني كان عندي شغل قريب من هنا فقلت اعدي عليكي لو خلصتي محاضرات نروح سوا بس عماد قالي انه لسه عندكم محاضرة
يحيي بابتسامه..لا خلاص براحتك بقي فترة العرض خلاص خلصت
مالت شيرين علي اذن يمني قائلة بهمس..يمني بصي شوفي مين اللي واقف هناك
نظرت يمني لتجده واقفا هناك وقد تطاير الشرر من عينيه عينيه تبدوان كجمرتين مشتعلتين فهذه هي المرة الأولي التي يجدها تقف متحدثة مع احدهم بل انها تبادله النظرات والكلمات والضحكات كيف سمحت لنفسها ان تثير غيرته بهذا الشكل لقد راقبها منذ السنة الدراسية الاولي لها بالجامعة وها هي قد صارت علي اعتاب التخرج ولم يراها تفعل ذلك من قبل لقد جذبته باحترامها والتزامها الشديدين فمن هذا الذي تخلت عن كل ذلك من اجله
شيرين..احنا هنستعبط ولا ايه ما الدفعة كلها عارفة انه معجب ولهان
اسماء..الحقي يا يمني ده جاي علي هنا
اقترب من حيث يقف الجميع قائلا بصرامة..فيه ايه يا انسة منك ليها مش المفروض عندكم محاضرة دلوقتي
شيرين..ايوه يا دكتور ما احنا كنا داخلين اهوه مش يلا بينا يا اسماء
اسماء..آه يلأ يمني ابقي حصلينا
نظر إلي حيث يقف يحيي قائلا.. مش تعرفينا يا انسة يمني مين الأستاذ اللي سايبة المحاضرة بتاعتك وواقفة ترغي معاه
شعور بالدهشة تملكه فمن هذا حتي يتدخل في شئون شقيقته إلي هذا الحد هم ان يتحدث إلا ان يمني سبقته قائلة..اعرفك يا يحيي دكتور عمرو اللي بيدرس لنا الجنائى هنا فالكلية اعرفك يا دكتور بشمهندس يحيي اخويا الكبير
عندها فقط انفرجت اساريره وافتر ثغره عن ابتسامة عذبة بدت معها اسنانه البيضاء وهو يمد يده مصافحا يحيي..ثشرفنا يا باشمهندس دي فرصة سعيدة اني اتعرفت علي حضرتك
يحيي..انا الأسعد يا دكتور
يمني..طيب عن اذنكم عشان اتأخرت علي المحاضرة
انصرفت يمني مغادرة بينما الټفت عمرو إلي يحيي قائلا..تسمحلي يا بشمهندس اتكلم مع حضرتك كلمتين
قطب يحيي جبينه في دهشة فما هو هذا الموضوع الذي يريده فيه هذا العمرو وهو لم يتعرف اليه سوى منذ دقائق قليلة ولكنه قال بابتسامة..تحت امر حضرتك
عمرو.. ايه رأيك نقعد في الكافيتيريا اللي ادام الكلية نشرب حاجة ونتكلم
يحيي..مافيش مانع
كان يجلس علي الفراش عاري الصدر ېدخن احد سجائره بينما جلست هي امام المرآة تمشط شعرها المبتل وتنظر إلي صورته المنعكسة في المرآة وتحدثه قائلة..مقولتليش يا هاني احنا هنتجوز امتي ان شاءالله.
هاني بخضة.. ولزومها ايه بس العكننه دي يا مشيرة ما كنتي ماشية كويس
القت مشيرة مافي يدها والتفتت صاړخة فيه بانفعال..يا سلام هيا سيرة الجواز دلوقتي بقت عكننة بالنسبالك الأول قبل ما اطلق من جوزي كنت بتقولي لما تطلقي نقدر نتجوز واديني بقالي ست شهور مطلقة يعني عدتي خلصت من زمان تقدر تقولي مستني ايه ولا انت عايز تفضل مقضيها كده وخلاص
حاول هاني تهدئة ثورتها فقال بخفوت..انا مقصدش يا مشمش يا حبيبتي كل الحكاية اننا اتكلمنا فالموضوع ده
