رائعة منال جميعي الجزء الاول
كتير قبل كده وكل مرة اقولك اني محتاج وقت عشان اقدر اقنع ماما انها توافق علي جوازي من واحدة مطلقة وكمان اكبر مني فالسن وكمان لما آلاقي شغل ولا انتي يرضيكي اننا نتجوز واعيش عالة عليكي
مشيرة وهي مازالت علي ثورتها.. ياسلام ما انا من يوم ما عرفتك وانت عايش عالة عليا ايه الجديد يعني علي الأقل ساعتها هابقي مراتك
امسكته مشيرة من ذراعه وقالت بهمس..عشان خاطري يا هاني متزعلش مني اوعي تمشي وتسيبني انت متعرفش انا بحبك اد ايه ومستعدة اديك قدهم عشرين مرة بس تفضل معايا ولا انت ناسي انا عملت ايه عشان ابقي ليك لوحدك حقك عليا بقي خلاص واوعدك اني مش هكلمك فموضوع الجواز ده تاني غير لما تيجي وتطلب مني بنفسك اننا نتجوز قلت ايه بقي
يحيي..خير يا دكتور عمرو موضوع ايه ده اللي حضرتك عايز تتكلم معايا فيه
عمرو..شوف يا بشمهندس من غير لف ولا دوران ومقدمات كتير ملهاش اي لزمة انا بطلب منك ايد الأنسة يمني
انهت يمني محاضراتها وعادت إلي منزلها لتجد والدتها تقوم بإعداد طعام الغداء اقتربت منها دون ان تشعر وقامت بطبع قبلة علي وجنتها وهي تقول..بتعملي ايه يا ندوشة
يمني..حقك عليا يا جميل يا قمر انت
نادية..الله اللهده المزاج عالي اوي النهاردةخير يا تري
يمني..كل خير يا حبيبتيعن اذنك بقي اروح اغير هدومي واصلي عشان اجي اساعدك في تحضير الأكل
نادية..بس بسرعة عشان بابا زمانه على وصول
يمني..حاضر بس هو يحيي فين
دخلت يمني إلى غرفتها وشرعت في تبديل ملابسها وشردت بتفكيرها وهي تتذكر احداث اليوم فاليوم فقط تأكدت من حقيقة مشاعره وتلمست غيرته في نظراته الغاضبة لم يعد هناك شك في انه يحبها اليوم فقط تأكدت مما كان يجزم به الجميع سواها نعم لقد تيقنت انه يبادلها حبا بحب..وما ان انهت وضوئها وشرعت في اداء صلاتها حتى سمعت طرقا علي باب غرفتها دخل يحيي وجلس على حافة الفراش حتى تنتهي من اداء الصلاة
يمني..منا ومنكم
يحيي..اقعدي يا يمني عايز اتكلم معاكي في موضوع مهم
يمني..خير يا يحيي فيه ايه
يحيي..دكتور عمرو
خفق قلبها لسماع اسمه ولكنها تماسكت قائلة..ماله
يحيي..طلب ايدك مني النهاردة
هبت يمني من مكانها وهي تقول..ايه! ايدي انا
يحيي بتهكم.. امال ايدي انا هو كلمني النهارده وطلب مني احددله معاد مع بابا عشان ييجي يطلب ايدك منه قلتي ايه بقي
يحيي..بصي مبدئيا كده هو شكله كده محترم وابن ناس وكمان باين عليه بيحبك اوي
يمني..هو قالك انه بيحبني
يحيي..امال يعني عايز يتجوزك ليههو صحيح مقالش كده بس كان واضح اوي من نظراته وطريقة كلامهانا بصراحة اضايقت منه لما كلمك بالطريقة دي ادامي بس بعد كده فهمت انه كان غيران وعذرتهانتي مشوفتيش شكله اتغير ازاي لما عرف اني اخوكي
يمني..يعني معني كده انك موافق
يحيي..هو انا اللي هتجوز ولا انتي ثم اكيد انتي عارفاه اكتر مني قوليلي بقي رأيك فيه بصراحة
يمني بإرتباك..هو انا ما انكرش يعني انه..
قاطعها يحيي قائلا..بس بس انا كده فهمت كل حاجة
شعرت يمني بالحرج الشديد وتوردت وجنتاه خجلا واطرقت برأسها ارضا وهي تقول..هو ايه ده اللي فهمته بالظبط
يحيي بإبتسامة..الله طب ومالك مكسوفة اوي كده ليه ما الراجل خلاص اتقدملك يعني تقدري تقولي رأيك بكل صراحة
يمنيانا ما انكرش اني معجبة باخلاقه وقوة شخصيته وثقته بنفسه و..
يحيي مقاطعا.. ووسامته وجاذبيته ومركزه الإجتماعي مش كده برضه بس سيبك من كل ده وقوليلي مش شايفة ان فرق السن بينكم كبير شوية يعني هو وانتي 22 مش 11 سنة كتير برضه
يمني..انا شايفة انه عادي يعنيفيه جوازات كتير فرق السن بيكون اكبر من كده وبالرغم من كده بتكون جوازات ناجحة
يحيي..خلاص طالما انتي شايفة كده يبقي على بركة اللهانا هفاتح بابا في الموضوع واحنا بنتغدي ان شاءالله
اوقفت شيرين سيارتها داخل حديقة الفيلا التي تسكنها بصحبة ابيها وزوجتهترجلت من السيارة ودلفت إلي الداخل لتجد فيفي زوجة والدها تجلس بصحبة شقيقها رامي القت عليهم السلام وحاولت ان تصعد مسرعة الي غرفتها لكن فيفي استوقفتها قائلة..مش تسلمي علي رامي يا شيري
استدارت شيرين لتصطدم بنظراته المتفحصة التي اشعرتها بالإشمئزاز ولكنها تماسكت قائلة..ازيك يا أستاذ رامي
رامي..ايه أستاذ دياحنا فرق السن بينا مش كبير اوي يعني عشان تقولي استاذ دي ياريت تقوليلي رامي بس او الأحسن انك تقوليلي روميو زي صحابي ما بينادوني وانا اقولك يا شيري
شيرين بنفاذ صبر.. اسفه متعودتش اشيل الكلفة بيني وبين حد
