رائعة منال جميعي الجزء الثاني
مني غير كده
مروة.. طيب ليه اتسرعت وخطبتها
عماد.. عشان بتحبني
مروة.. بس كده
عماد.. ايوه انا ببساطة كده قررت اني اتجوز الإنسانة اللي بتحبني مادام ماقدرتش اتجوز الإنسانة اللي بحبها وكمان انا حاسس اني هييجي الوقت اللي هحبها فيه زي ما بتحبني انا حسبتها بعقلي ولقيت ان أسماء هي الإنسانة المناسبة ليا.
شيري.. يا شريف افهمني انا محتجالك اوي جنبي اليومين دول فيفي فضلت تزن علي بابا لحد ما سألني ايه رأيك في رامي واداني فرصة افكر ورامي ده كل شوية ناطط هنا فالفيلا وانت اخويا الوحيد يعني ماليش حد الجأله غيرك في الظروف دي
شيرين.. هما مستقبلي وحياتي دلوقتي بقوا عندك كلام فارغ يا شريف يا شريف انت من يوم ما مسكت فرع الشركة في القاهرة واتجوزت واستقريت هناك وانا حاسة اننا بعدنا اوي عن بعضيا شريف ارجوك حس بيا شوية
اغلق شريف الهاتف وترك شيرين لتواجه مصيرها بمفردهالم تكن تعتقد ان يكون لفيفي هذا التأثير علي والدها ولكنها فجأة استمعت إلي صوت صرخات صادر من الطابق السفلي للفيلا فتحت باب غرفتها ونزلت الدرج مسرعة لتفاجئ بوالدهأ الذي دخل للتو من الباب يسقط بين يدي زوجتهاسرعت لتحمله بمساعدة فيفي وبعض الخدم وادخلوه إلى غرفته فيما شرعت هي بالإتصال بالطبيب الذي جاء بعد فترة وقام بتوقيع الكشف عليه ثم خرج اليهم قائلا.. البقاء لله يا جماعة شدوا حيلكم
يمني.. سبحان الله معقول الجمال ده كلهمكنتش اعرف ان مصر فيها أماكن حلوة اوي كده غير بحر اسكندرية
عمرو.. امال انتي كنتي فاكرة إيه والله يا يمني انا كان نفسي وقتي يسمح اكتر من كده عشان افرجك شرم الشيخ حتة حتة بس للاسف لازم نرجع بكرة عشان شغل المكتب والقضايا اللي مستنياني مش عارف الأسبوعين خلصوا بسرعة اوي كده ليه
عمرو.. هاوديكي منطقة السوق القديمة عشان نشتري شوية هدايا ناخدها معانا واحنا راجعين وبعدين هنروح مطعم مشهور هنا فشرم اسمه دنانير نتعشي هناك قبل ما نروح عشان ننام ونصحي الصبح علي مطار شرم الشيخ ومنه إلي مطار برج العرب ومنه إلي عشنا السعيد عشان هناك بقي نبقي نكمل كلامنا في الموضوع المهم اللي انتي عارفاه ده براحتنا.
غمز لها عمرو بعينه قائلا.. موضوع بر الوالدين احنا عندنا موضوع اهم منه نتكلم فيه.
يمني.. سيبك بقي من الكلام ده وخلينا فالجد شوية
عمرو.. ليه بس هو فيه احلي من الكلام ده
يمني.. بس بقي يا عمرو انا بجد قلقانة على شيرين بقالها حوالي أسبوع مش بتتصل بيا
يمني.. يا سلام طب ده انا كنت متفقة معاها تكلمني كل يوم وتليفونها مغلق مابيرنش
عمرو.. طب كانت تعملها كده وانا كنت اقدم فيها بلاغ پتهمة الإزعاج.
يمني.. ده انت باين عليك رايق اوي النهاردة
اقترب عمرو بوجهه منها وقال بهمس.. هو فيه حد برضه يشوف القمر ده ادامه وميروقش عارفة يا حبيبتي انا نفسي في ايه نفسي يكون عندي بنوته وتكون شبهك كده ولما تكبر والعرسان يخبطوا على بابنا احط انا بقي رجل علي رجل واتشرط عليهم مش انا هابقي ابو العروسة بقيياااه إمتي اليوم ده ييجي بس
يمني.. قبل تسع شهور موعدكش الحقيقة
اطلق عمرو ضحكة مدوية قبل ان يقول.. إنتي مش مصدقة انها بتعد الأيام بجد وبصراحة انا كمان نفسي يكون عندي اولاد كتير عشان انا عشت طول عمري وحيد معنديش اخوات
يمني.. إن شاء الله يا حبيبي ربنا يحققلك كل اللي بتتمناه
كانت تجلس بجوار صديقتها وټحتضنها محاولة التخفيف عنها حين جاءها إتصال تليفوني امسكت الهاتف ونظرت إلي شاشته التي أضاءت بإسمه ثم أعادته إلى مكانه ولكنه عاود الرنين مجددالاحظتها شيرين فرفعت رأسها وكفكفت دموعها قائلة.. ما تردي على تليفونك يا أسماء
أسماء.. مش مشكلة دلوقتي
شيرين.. احسن تكون حاجة مهمة هو مين اللي بيتصل
أسماء.. ده عماد
شيرين.. طيب ردي عليه احسن يكون عايزك ف حاجة.
أسماء.. طيب انا هاخرج بره اكلمه
خرجت أسماء إلى الردهة أمام غرفة شيرين لتحادث عماد فتحت الخط ليأتيها صوته قائلا.. إيه يا أسماء مابترديش عليا ليه
أسماء.. أنا أسفة يا عماد بس أصل أنا عند شيرين ومش قادرة أسيبها لوحدهاحالتها صعبة أوي
عماد.. تعرفي إني كنت بتصل بيكي عشان اقولك انك لازم تكوني جنب صاحبتك في الظروف دي ومتسيبيهاش لوحدها
أسماء.. بجد يا عماد يعني انت مازعلتش لما قلتلك نأجل كتب كتابنا عشان الظروف اللي بتمر
