رائعة منال جميعي الجزء الاخير

قائلة..معلش يا حبيبي كل حاجة تتعوض إن شاء الله.
رفع بصره إليها وابتسم قائلا برجاء..سامحيني يا شيرين أنا عارف انها جاية متأخرة بس عشمان انك توافقي وتسامحيني على اللي عملته معاكي أنا حاسس إن اللي حصل ده ذنبك وربنا بيخلصه مني طيب عارفة يا شيرين والله كل اللي أنا عملته ده برضه كان بتخطيط منها أنا كنت ماشي بما يرضي الله ومكنتش بعمل أي حاجة غلط فالشغل لكن بعد ما اتجوزتها فضلت تقولي لازم نعمل مستقبل لينا ولولادنا اللي هنخلفهم خلتني سړقت أبويا ومۏته بحسرته وسرقتك انتي كمان حتى هي اللي قالتلي على الإتفاق اللي عملته مع فيفي قالتلي فيفي لو عرفت حاجة مش بعيد تبلغ عنك وتدخلك السچن لكن شيرين اختك مش هتهون عليها تعمل فيك حاجة لو عرفت
تعجبت شيرين من حديثه..يعني كانت خاېفة عليك ټتسجن طب إزاي والمفروض ان ده من مصلحتها عشان تتجوزه
اسرع يجيبها قائلا..لا ما هي مكنتش لسه طالت مني حاجة لكن دلوقتي خلاص شبعت عشان كده ما سبتلهاش ولا مليم وكفاية عليها إني سبتها تخرج على رجليها بس أنا لسه معرفتش انتي سامحتيني ولا لأ أنا عارف إني غلطان اكتر منها عشان مشيت وراها وسمعت كلامها لكن 
وضعت شيرين يدها على فمه لتمنعه من إستكمال كلامه قائلة..معقول يا شريف لسه بتسأل على كده بقى تبقى هي عارفاني اكتر منك هي مش قالتلك ان شيرين اختك ومش ممكن تأذيك أنا طبعا مسمحاك يا شريف وكنت مستنية اليوم اللي ترجعلي فيه والحمد لله ان اليوم ده جه فعلا انت أخويا والضفر عمره ما يطلع من اللحم ومهما عملت هنفضل ڠصب عننا إخوات
رفع شريف كفها إلى فمه وقبله قائلا بإمتنان..أنا مش عارف أقولك إيه بجد مش لاقي كلام أقوله
شيرين بإبتسامة..متقلش حاجة يا شريف اللي فات إنساه خالص وأنا هقولك خبر حلو لسه عارفاه إمبارح
شريف بإهتمام..قولي يا حبيبتي خير
شيرين..إن شاء الله كلها كام شهر وتبقى خالو شريف
تهللت أساريره وقال بسعادة..بجد يا شيرين الف مبروك يا حبيبتي
شيرين..الله يبارك فيك يا شريف قولي بقى ناوي على إيه الفترة اللي جاية دي 
شريف..هحاول الحق الدنيا وأ قف على رجليا من تاني بس إدعيلي ربنا يوفقني شيرين فيه حاجة أخيرة هطلبها منك
شيرين..قول يا حبيبي اللي انت عايزه كله من عنيا
شريف كنت عايزك تصالحيني على عصام أنا غلطت فيه قبل كده ومش عارف ممكن يسامحني ولا لأ أنا كنت جاي وخاېف من مقابلته ليا لكن هو الحقيقة طلع أحسن مني وقابلني كويس
شيرين..ما تقلقش عصام قلبه ابيض وعمره ما بيشيل من حد وبيحبني اوي يعني مش هيرفض لو طلبت منه طلب زي ده بس انت عرفت عنوان بيتنا إزاي 
شريف..كلمت خالتو إحسان وأخدته منها
وبالفعل لم يخيب عصام ظن شيرين وأملها فيه فوافق على بدء صفحة جديدة مع شريف وامتدت يده لمصافحته وكانت سعادته كبيرة وهو يرى فرحة شيرين بعودة شقيقها كما تنبأ هو من قبل
مرت عدة أيام تحسنت فيها حالة عمرو ووافق الطبيب على السماح له بالخروج على أن يلتزم بالتعليمات فيبتعد تماما عن أي جهد لذلك قرر البقاء في المنزل عدة أيام حتى يتماثل للشفاء تماما وكلف أحد محاميي مكتبه بمتابعة أخر التطورات في قضية يمنى وإعلامه بها وكانت سعادته غامرة من أجلها حينما علم بظهور برائتها وبقرب حصولها على حريتها وإن بقي ذلك السؤال يلح عليه دائما وماذا بعد أن تخرج قرر أن يترك للأيام المقبلة مهمة الإجابة عليه ورغم مرور تلك الأيام إلا أنه لم يتم بعد القبض على الجاني الذي مازال حرا طليقا
عماد بإنفعال..يعني إيه يا ياسين لسه ماقبضوش عليه  
حاول ياسين تهدئته قائلا..إهدى بس يا عماد هو انت يعني كنت متوقع إن القوة تروح تقبض عليه تلاقيه قاعد مستنيها مثلا ما هو اكيد هربان بعد ما ارتكب جريمته دي
عماد..طب والحال ده هيستمر كتير
ياسين..متقلقش إن شاء الله قريب اوي هيتقبض عليه اللي عرفته إنه على علاقة ببنت من الحارة اللي كان ساكن فيها وانهم هيراقبوا البنت دي عشان لو قابلته بره الحارة يقدروا يقبضوا عليهيعني الموضوع كله مسألة وقت
تنهد عماد قائلا بضيق..ماشي