سكريبت بقلم سارة

مرهق ووشها كمان كأنها بتقول مش قادرة أكمل.
..كنت عارفة إن إنك إحسن منى رغم إنك حتة منى كسرتك يا بنتى وربنا بيخلص حقك
..ماما انا مسمحاك مش عاوزة منك حق
..خالد جوزك قالى إن جزء منك جوايا فكرنى لما كنتى كلك جوايا فكرنى لما كنت طفلة وبربيك أنت وأختك انا السبب إن حياتكم تتبهدل جوزت أختك راجل مبتحبوش عشان مكنش معايا فلوس وأنت عيدت معاك نفس اللى حصلها
..ماما ماما متفكريش فى ده شوفى أحنا هننقلك مستشفى أحسن من دى وفيها دكاترة أشطر وأمهر وهتعيش وكل ده هيتنسى
..مفيش دكاترة تقدر تأجل المۏت
..بعد الشړ عنك قولى بقا إنك مش عاوزة تشوفى حفيدك
أبتسمت ومسكت إيدى الله يا بنتى حفيدى ...حفيدى مرة واحدة 
غمضت عيونها ودمعة فرت منها
..اه يستى حفيدك ماما ماما أفتح عينك أنت نمتى مامااا
..البقاء لله يا بنتى
جملة أى حد بيعدى فى العزا جمل كتير بتتقال بشفقة على حالنا انا وأختى يمكن أختى قدرت تتماسك أما انا كنت حاسة بسكاكين بټقتلنى كل حاجة مبقتش ليها معنى حتى خالد وحياتى معاه معدتش بفكر فى اى حاجة رجعت مع خالد وطول الطريق بيبصلى بشفقة.
..عارف إن الفراق مش هين من حق قلبك ياخد حقه فى الزعل بس لازم تريحيه
رديت بكسرة وعياط..وإزاى
أخدنى فى حضنه وطبطب على راسى 
..ماتدفنيش نفسك فى البكا صدقينى كله بياخد وقته وبيمشى والحى ربنا عاوزه حى يكمل حياة ويبنيها لحد المطب
..انا كنت بحبها أوى
..المۏت مبيفرقش حبيبينالحب بيخلق حياة حتى لو وهمية وواحد من أطرافها مېت.
..انا مليش غيرها انا عارفة إنك مشفق عليا بس مش باقى عليا
..انا معاك يا هنا معاك وجنبك ومش هسيبك أنت اللى مش حاسة بوجودى جنبك ومعاك مش حاسة بقربى
عدى أسبوعين وحالتى الى حد ما أتحسنت.
..هو حضرتك كويثة 
..أيوة يا حبيبتى طبعا
..ممكن اثألك ثؤال
..قولى يا فروحة
..هو حضرتك معانا عثان فلوث بابا واما تخلص هتسبينى
..مين قال كده يا فروحة انا هنا عشان بحبك وبحب بابا كمان 
..بتحبى بابا
..أيوة بس قوليلى مين قالك كده
..أممم بث متقوليث لبابا ده ثر
..سرك فى بير قولى
..خالتوا يسرا
هنا أدركت كل حاجة اللى كان محرك فرح خالتها طب ليه وأيه الدافع لكده 
..خالد
..تعالى يا هنا أقعدى
..عاوزة أقولك حاجة 
..قولى
..مين يسرا
..دى أخت رنا الله يرحمها ليه
حكتله كل حاجة ولقيته أتعصب جامد ووشه أحمر
..ده انا هوريها
..خلاص مجراش حاجة متعملش مشاكل
..يعنى إيه مجراش حاجة دى جابت سيرتك واللى يجيب سيرة مراتى لازم أقف له
..خالد يا خالد أصبر
أستنيت لنص الليل لقيته داخل البيت.
..خالد أنت اتأخرت عملت إيه قولتلك ماتروحش
..أبعدى عنى يا بت الناس وملكيش دعوة بيا
..ممكن أفهم فيه إيه اه شكلها فهمتك كويس تتعامل معايا
بصلى بصه هجومية وشدنى من دراعى.
..شوفى انا راجل دوغرى وجيتلك على بلاطة قولتلك ملكيش علاقة بيا كل حياتك مع فرح وبس
دموعى نزلت
..شكلك أستسهلتنى وأستغليت طيبتى أوى
..أنت اللى أستغلتينى وعملت كده عشان ال....
..كمل عملت كده عشان إيه كمل وقول عملت كده عشان الفلوس صح أنت صح بس انا هريحك منى خالص ومن بكرا تعمل حسابك ورقتى توصلى.
دخلت الإوضة وفضلت ألم هدومى وانا بعيط
سمعت صوتها بټعيط لأول مرة أتوجع على غيرك يا رنا مقربتلهاش صدقينى يا رنا عارف بتقولى إيه انا كداب كدبت عليك وخۏنتك بس لاء يمكن أتعودت على وجودها فى حياتى ومشاعرى قربتلها سامحينى يا رنا هبعدها عنى من النهاردة يمكن البعد أريح لنا
تانى يوم هنا سابت البيت وراحت لأختها
..بابا هى هنا مث راجعة
..يوه هنا هنا هنا إيه دلوقتى بقيتى عاوزة هنا
فرح عيطت..أنت وحث ودينى عند هنا
..فرح معلش يا حبيبتى ماتزعليش هوديك الملاهى يلا
..وهنروح لهنا بعديها
..هنروح لهنا بعديها بوسة لبابا
حتى أنت يا فرح أتعودتى على هنا كنت ببرر تعلقى بهنا بحب فرح وتعلقها بيها.
..والله ليك وحشة يا هنون
..أنت كمان يا سوسو وأدينى جيت بقا أقعد معاك وأشوف العريس ده
..مش عارفة يا هنا أوافق وعيالى
..شوفى يا سهيلة انا لما شوفته لقيته راجل محترم وقابل يربى عيالك ثم أنه هيحبهم لأنه مبيخلفش وهيعتبرهم عياله عيشى وحبى وأتحبى إيه المشكلة يعنى
يوم عقد قرآن سهيلة جهزتها ونزلت معاها.
..خالد ايه اللى جابك
..مش جاى علشانك ألف مبروك يا سهيلة
أبتسمت وأخدها سلمها لعريسها وانا واقفة فى النص بعد ما خالد كتب العقد