سكريبت الخاسر.

سكريبت الخاسر. بقلم سارة
وليد..مش هتجوز من زينة يا أمى ده أخر قرار
والدته ..أنت عاوز تعصينى وخلاص يا ولدى دى زينة وهي زينة البنات فى البلد
وليد..وانا مش عاوز غير مريم يا أمى أى عداوة بين أهلها أحنا ملناش دعوة انا وهى بنحب بعض 
والدته ..عاوز تتجوز بنت العزايزة اللى قتلوا أبوك
وليد..يا أمى مقتلوش أبويا أنت بتسمى الخلافات اللى كانت بينهم دى قتل
والدته ..كلمة واحدة يا ولدى لو أتجوزت بنت العزايزة هتخسرنى طول عمرك.
انا وليد عندى ٢٨ سنة عايش مع أمى و أخويا الصغير ثائر لكن انا بشتغل فى أسكندرية دكتور وبحب مريم بنت بلدى ودكتورة معايا فى المستشفى اللى انا مدير فيها.

ثائر ..إيه يا عم مالك أنت جاى هنا تتخنق
وليد..زهقت يا ثائر أمك مصرة تضغط عليا أتجوز اللى هى عاوزاها
ثائر ..ما هو بصراحة إنت اللى غريب يا وليد رايح تحب بنت عدو أبوك الله يرحمه أنت ناسى إن ده اللى سرق حق أبوك وكان السبب فى مۏته
وليد..مش ناسى بس مريم ملهاش ذنب يا ثائر مريم عارفة إن أبوها ظالم وبعيدة عنه هى وأمها
ثائر أتنهد..بص هاود أمك أنت عارف أنها طيبة وهتوافق يعنى متزعلهاش يا وليد دى عندها القلب
رجعنا البيت وطلعت علطول على أوضة ماما لقيتها بتقرأ فى المصحف.
وليد..ممكن نتكلم شوية 
والدته ..صدق الله العظيم تعالى يا ولدى
روحت بوست إيدها وهى حضنتنى.
والدته ..يا واد ده أنت بكري يعنى رايدة مصلحتك وبس خابر العروسة اللى منقيهالك بنت أدب أيه وأخلاق أيه وبنت ناس محترمة يعنى هتصونك
وليد..ياما ربنا يوفقها مع نصيبها مريم كمان محترمة وهتقدر تصونى
والدته ..مريم لو أخر بت فى الدنيا مش هتجوزها يا ولدى انا معوزاش أزعلك أبوك قبل ما ېموت وصانى نبعد عنهم 
وليد..بس مريم ملهاش دعوة بأبوها 
والدته ..بس هي بت أبوها ومن دمه يعنى الغدر جواهم
وليد..ياما لاء خالص
والدته ..ح حرام عليك يا ابنى أنت عاوز تتعبنى ليه
وليد..أمه أنت كويسة أجيبلك دكتورأمه
والدته ..لاه ... انا كويسة هاخد الدوا 
أخدت الدوا وانا شايفها مجهدة مسكت إيدى
والدته ..انا تعبانة يا ولدى تعبانة ومش باقيلى كتير ريحنى انا وعدت الراجل 
وليد..حاضر ياما
كان قرار صعب أوى إن أطاوعها بس مكنتش عاوز أزعلها وأخسرها هى ملهاش غيرى أنا وثائر وتعبت لحد ما كبرتنا لوحدها كانت الأب والأم 
وليد..انا يشرفنى أطلب إيد بنتك ا...
خلف ..زينة 
وليد..اه أطلب أيد بنتك زينة
عمها أبتسم بفرحة ..وأحنا نتشرف يا ولدى موافقين
أم العروسة ..جرا أيه يا حاج خلف مش ناخد رأى العروسة الأول
خلف ..الله مالك يا أم عادل إن مكنتش قيلالك يعنى وبعدين أحنا نجيب العروسة وهى تقول رأيها
نادوا للعروسة وللأمانة مهتمتش أشوفها فقومت أرد على التليفون اللى جالى وأثناء ما انا بتكلم سمعت صوت زغاريدعرفت منه أنها وافقت.
ثائر ..معلش يا أخويا معرفتش أجى معاكم مين العروسة من البلد
رديت بملل
وليد..بيقولوا نقلوا من القاهرة للصعيد بيت أهل أبوها
ثائر ..قصدك مين إسمها إيه ولا عيلتها
وليد..مالك أتخضيت ليه إسمها اه زينة 
لقيته أتصدم
ثائر ..معقول
وليد..إيه فى إيه أنت تعرفها
ثائر أتلعثم ..ل لاء معرفهاش مبروك يا وليد
مفهمتش ثائر ماله ومشى فجأة ليه أبتسمت لما أفتكرت مكالمتها ليا بالرغم إن هتجوز واحدة معرفهاش الخميس الجاى بس هرجع أسكندرية وأشوف مريم.
الوقت عدى بسرعة الى أن جات اللحظة اللى رددت فيها ورا المأذون
وليد ..إنى أستخرت الله العظيم وقبلت زواج موكلتك وأبنتك زينة على كتاب الله وسنة رسوله وعلى الصداق المسمى بيننا عاجله وآجله .
..بارك الله فيكما وعليكما وجمع بينكما في خير 
صوت زغاريد كمان وفرح كبير مكنتش حاسس فيه غير إن معزوم فيه كأنه فرح حد تقيل عليا حد مش قادر يختار شريك حياته بسبب ماضى خلص الفرح وأخدت العروسة اللى المفروض مراتى أبوها وصانى عليها ومشينا للعربية كانت حاطة طرحة على وشها.
زينة ..هو أحنا رايحين فين
صوتها كان متردد وخجول جدا
رديت ببرود
وليد ..أسكندرية 
زينة ..النهاردة
وليد ..وماله النهاردة يعنى
زينة ..قصدى عشان فرحنا بس اللى تشوفه يا دكتور وليد
دخلنا بيتنا ولحد الأن مشوفتهاش بصراحة مكنتش مهتم أشوف وشها هى دى السبب فى دموع مريم اه مريم لازم أكلمها أطمن عليها.
زينة ..أحم هروح أغير 
وليد ..ماشى الأوضة هناك أهى
انا زينة من بعد ثانوية