كان لي..بقلم مني أحمد حافظ.. الجزء الثامن.

قد استولى على ضحى وأثار اشمئزازها نحوه فصاحت به تعنفه بقوة
.. أنت إزاي تتجرأ وتعمل اللي عملته إزاي تسمح لنفسك تفرض نفسك عليا بالشكل دا وتنسى حرمة البيت اللي أنت فيه تصدق إن أنا فعلا قراري كان صح ولعلمك قراري دا مش بسبب موضوع خالد وبس لأ دا بسببك أنت لإني مكنتش حاسة معاك بالأمان من أول ما بدأت تطلب مني إننا نقعد لوحدنا وتقرب مني وعايز تحضني وأنا حسيت إن في حاجة غلط حاولت أغمض عيني وقول يمكن من حبه ليا لكن عقلي كان دايما يقول إن اللي يحب حد بيحترمه ويحافظ عليه من نفسه ومن الدنيا كلها وأنت للأسف لا أحترمتني ولا أحترمت الراجل اللي كان فاكر إنك قد كلمتك فسمح لك تيجي وهو مش موجود.
تجاوزته وأتجهت صوب الباب وفتحته وقالت وهي تتحاشى النظر إليه
.. لو سمحت أمشي يا إيهاب ومتجيش تاني حتى لو متفق مع بابا لإن معدش مرحب بيك هنا.
أدرك أنه خسرها بتهوره لذا رأى أن عليه أن يصارحها بإحساسه فخطى بتثاقل وتوقف أمامها وقال
.. تعرفي إني من بعد خطوبتنا وأنا بحاول أقنع نفسي إنك بتبدليني نفس مشاعري بس معرفتش علشان كدا كنت بجرب أقرب منك وأحسسك بيا بكل طريقة ممكنة صدك ليا ورفضك قربي منك خلاني أتأكد أنك محبتنيش ولو حتى ربع حبي ليك لإنك لو كنت حبتيني كنت حسيتي قد إيه أنا بټعذب وأنت بعيد عني يمكن غلطت إني فرضت نفسي عليك لكن واضح إنك كارهة حتى لمستي ليك فلو سمحتي بلاش تضحكي على نفسك وتقولي إنك محستيش معايا بالأمان علشان كدا سبتيني لأ أنت سبتيني علشان معرفتيش تحبيني عموما أنا أسف يا ضحى.
غادرها دون أن يترك لها حق الرد فأغلقت الباب وأستندت إليه تبكي تفكر أنه في النهاية كان الأصدق فهي طوال فترة ارتباطهما حاولت كثيرا أن تتماثل لمشاعره وتبادله الحب ولم تستطع فهمس قلبها بأنها منعته عن الأحساس به حينها أنتبهت ضحى لمسار أفكارها ففرت إلى غرفتها وارتمت فوق فراشها تبكي وهي تتوسل عقلها أن يحكم غلق باب ذكرياتها حتى لا تؤذيها.
ضجت من معاملته لها كطفلة فتمردت أكثر عليه وأصبحت تتفنن بأثارة غضبه وحنقه زادت من مزاحها مع أحمد ومن دلالها على أمجد حتى أعلن حازم أستسلامه بعدما أصبحت غيرته قنبلة تهدد بالأنفجار.
وبصباح أحد الأيام..
وقفت أمل بمكانها المعتاد بأنتظار أحمد زفرت وهي تحدق بساعة يدها فقد تأخر على موعده معها ليفاجئها حازم بظهوره فرسمت أمل فور رؤيتها له ابتسامتها البلهاء المعهودة وخطت نحوه وقالت بصوت تعمدت ترقيقه
.. صباح الخير يا ابيه حازم أومال فين حاجتي الحلوة بتاعت كل يوم. 
زفر پغضب ودعى بسره ألا يفتك بها وهمهم
.. استغفر الله العظيم صبرني عليها يا رب. 
نظرت له بتمعن وسألته ببراءة متعمدة
.. بتقول حاجة يا  ابيه.
اجابها ببرود وهو يجاهد لمنع يده من الأطباق على عنقها
.. صباح الخير يا أنسة أمل. 
بضع كلمات قالها ثم مد يده لها بحقيبة الحلوى وأردف
.. أتفضلي أنا منستش الحاجة الحلوة للبنوتة الصغنونة ها قوليلي عاملة إيه فالكلية.
اختطفت منه حقيبة الحلوى بسعادة واجابته وهي تفض قطعة شيكولاتة عن غلافها وتلتهمها
.. الحمد لله يا ابيه حلوة الكلية بس صعبة عن مصر. 
لم تدر لما رغبت بمكيدته فابتسمت بتلذذ واردفت
.. ويمكن علشان صعبة فأنا بفكر إني أرجع مصر وارحم نفسي من التنافس اللي هنا ولا إيه رأيك يا ابيه.
انتفض حازم كمن ضړبته صاعقة ما أن سمع فكرتها ونظر إليها پغضب وأقترب منها وعلى وجهه إمارات الشړ تراجعت أمل عنه پخوف بتلقائية وسألته بتعلثم
.. أ ابيه مالك.
قبض حازم على يدها وجذها ليدنيها منه وحدق بها بعيون مشټعلة وقال من بين اسنانه 
.. عيدي تاني كدا أنت قولتي إيه علشان الظاهر أنا مسمعتكيش كويس ها قوليلي حضرتك عاوزة تعملي إيه. 
رفعت أمل عينيها بتهور لتحدق بعيناه وبادلته نظراته الصارمة وزادت بأن أدنت وجهها منه حتى باتت أنفاسه تلفحها وقالت بهدوء مستفز
.. قلت إن أنا بفكر أرجع مصر و.
فاجئها حازم بوضع إصبعه فوق شفتيها ليمنعها من مواصلة الحديث فازدردت أمل لعابها وهي ترتعش أثر لمسته وساد بينهما الصمت بينما واصلت العيون حديثها المعاكس لكل تظاهر من كلاهما أستولت عيناها على حواسه فمال وأقترب بثغره كاد يلثم شفتيها ولكنه تراجع مذكرا نفسه بوعده زفر بقوة وأشاح بوجهه عنها وصاح بصوت عال
.. أأأه.
ليعود إليه رشده سريعا فعاد والټفت يبادلها النظرات بهدوء ليزيد من دهشتها حينها بدا كل شيء واضح تلاعبهما وتظاهرهما فأغمض عينيه عنها وسألها بحيرة
.. وبعدين يا أمل فلعبة القط والفار اللي بينا دي على فكرة أنا خلاص مبقتش قادر أتحملها أكتر من كدا.
فركت كفيها معا وأجابته بهدوء مماثل
.. بس أنا مش بلعب يا ابيه. 
انتفضت أمل بفزع حين صړخ حازم بوجهها پحده 
.. أمل بقلك مش متحمل فأرجوك كفايا لحد كدا أنت مش صغيرة.
تبدلت ملامح هدوئها وتجلت جديتها بلمح البصر ووقفت عاقدة لساعديها أمام صدرها ونظراتها ملئية بالتحدي وهتفت
.. كويس إنك أعترفت إن أنا مش صغيرة يا ابيه حازم وبعدين مالك مضايق ليه إيه معقول نفسك طلع قصير ومش قادر تكمل اللي أنت بدأته معايا لعلمك أنا كل تصرف ليا معاك هو رد طبيعي على فعلك معايا فأتحمل ولا تكونش حضرتك زعلان علشان بقولك يا ابيه عموما لو مزعلك أحترامي ليك ولسنك ولكونك كنت دكتور فالجامعة ممكن مقولهاش عادي.
شد حازم شعره بقوة فهو يكاد يجزم أنها تتعمد أثارة جنونه فصړخ بحنق 
.. ياربي على برودك أنت إيه يا شيخة مصنوعة من إيه أنا أنا.
أبتلع كلماته خوفا من أن يزلف لسانه بكلمة تؤذيها ولكن أمام نظراتها المستخفة به أردف
.. عارفة أنا أكتشفت إني فعلا غلطان أنا كان المفروض أسمع كلام أحمد صاحبي وبعدت عن ۏجع الدماغ كان مالي أنا بالحب والكلام الفاضي دا ما كنت قاعد باشا والبنات تترمى تحت رجلي بس أعمل إيه أنا اللي غاوي ۏجع قلب وعلشان كدا أستاهل اللي بتعمليه فيا بس تعرفي ملحوقة يا أنسة أمل لو أنت عيزاها تمشي كدا وتفضل على النظام دا وماله أنا هخليها بس وقتها متزعليش بقى.
تسلل الخۏف رغما عنها إلى قلبها زجرها بقوة بأنها باتت على وشك خسارته وأن عليها التراجع عن تلك اللعبة مخافة أن ينقلب الأمر عليها فسألته بترقب
.. ممكن أفهم أنت تقصد إيه بكلمة ملحوقة دي إيه تكونش ناوي ترجع لمادي يا حازم معقول تكون لسه على علاقتك بيها بعد اللي حصل لي بسببك قولي بقى أنك بتتلكك علشان تدي لنفسك العذر أنك لسه على علاقتك بيها.
بدأت تتحرك بعشوائية تحدق به تارة وټضرب الأرض بقدمها تارة أخرى ولسانها يواصل هذيانه بصوت مسموع فأردفت وهي ترمقه بنظرات ڼارية
.. دا على كدا تبريراتك أنت والأستاذ أحمد كلها كانت كڈب أه طبعا ما أنت راجل وما صدقت بنت حلوة وبتتلزق فيك مبسوط برمية البنات تحت