كان لي..بقلم مني أحمد حافظ.. الجزء الثامن.

رجليك.
أنتبهت لهذيانها الذي عبر عن غيرتها فعقدت حاجبيها ورفعت سبابتها أمام وجهه وقالت
.. أنا ميهمنيش لا علاقتك بمادي ولا حتى بغيرها وأقولك روح أعمل اللي أنت عايز تعمله يا يا ابيه.
رغم ادعائها الڠضب إلا أن جسدها المرتعش ڤضح أنفعالها فأحاطته بساعديها حينها رفع حازم حاجبه وقال
.. وهو أنت منفعله بالشكل دا ليه يا أمل إيه هو أنت مش قولتي سابق لأ ورفضتي حبي وسمعتيني كلام لحد دلوقتي محسبتكيش عليه ورغم إنك أتعمدتي توجعيني أنا مبعدتش عنك وقولت أسيبك براحتك إيه معقول تكوني غيرانة يا أمل.
اتسعت عينيها وأستدارت عنه وأولته ظهرها فالتف حولها وواجها قائلا بجدية
.. جاوبيني يا أمل لما أنت غيرانة كدا رفضتي حبي ليك ليه فهميني أنت عايزة إيه بالظبط وأنا أعمله قولي ووفري علينا الوقت اللي بيضيع ما تتكلمي ولا هتفضلي ساكته لحد ما سحرك ينقلب عليكي والوقت يخلص.
دمعت عيناها بعدما تذكرت كلماتها السابقة له وزفرت بأسف وأردفت
.. على فكرة الكلام اللي قولته المرة اللي فاتت أنا مقصدتش أجرحك بيه ويمكن أنت اللي چرحتني بتصرفاتك من أول مادي وتساهلك معاها واللي خلاك تحطني فموقف مشابه للي كسرني.
احسها صڤعته حين أستقر بعقله أنها تشبهه بخالد فتناثر شرر غضبه ليشتعل فرفع كفيه ووضعهما فوق كتفيها وضغط بقوة وهو يوبخها ساخطا
.. أنا مش مصدق إنك قدرتي تشبهيني بخالد معقول تكوني لحد دلوقتي مش قادرة تميزي بين حبي ليك وتعودك عليه لأ وبتحطيني فميزان واحد معاه.
ألمتها يداه فهمست وهي تمنع تأوها
.. حازم لو سمحت أبعد إيدك إنت بتوجعني وبعدين أنا مقصدتش أشبهك بحد علشان أنت أساسا غيره ومافيش أي وجه مقارنة بينكم.
خفض كفيه وهو يهمم بأعتذاره ليرفقه بتمسكه بكفها ورفعه نحو شفتيه وقبله فجذبت يدها منه باضطراب لتخبره بتشتت
.. ممكن تبطل تضغط عليا يا حازم. 
سب رغما عنه بعدما سأم الوضع بينهما وزم شفتيه وسألها بحنق
.. أمل أنت مصدقة نفسك وأنت بتقولي الكلام دا مصدقة إن أنا بضغط عليكي طيب فهميني أمته ضغطت عليكي يا أمل أنا سيبك براحتك وبطلت أجي هنا زي الأول يبقى فين الضغط دا ما تفهميني ولا أنت بتقولي كلام قاصدة تجننيني بيه وخلاص.
اجابته أمل باستسلام
.. أنا حاسة إنك بتضغط عليا ومش كدا وبس لأ أنت كمان بتهددني إنك هتحب غيري يبقى فين حبك ليا اللي بتقول عليه يا حازم اللي بيحب حد بيصبر عليه ويتحمل خصوصا لو كان خارج من تجربة أستنفزت روحه.
ترقرقت عينيها بالدموع ولاحظها حازم فمد إصبعه ومسح دمعتها الهاربة وقال بصوت أجش
.. ممكن تقوليلي أنت بټعيطي ليه دلوقتي يا أمل صدقيني يا حبيبتي أنا مبحبش أشوف دموعك وببقى عايز أمسحها عنك بطريقة خاېف تعرفيها فتزعلي مني.
تجلى على ملامحها عدم الفهم وباتت نظراتها تسأله عن مقصده بصمت فهمس حازم يتوسلها
.. أمل وحياتي عندك لترحميني وبلاش نظرتك دي علشان أنا ماسك حالي عنك بالعافية ولو سبت مشاعري تتحكم فيا أمجد هيضربني پالنار يرضيكي أمجد ېقتلني وأتحرم منك.
تلون وجهها بحمرة قانية وهمست بتلعثم
.. على فكرة أنا أنا كنت فكراك مؤدب و. 
سلبته هيئتها بحمرة وجهها تعقله فازدرد لعابه وعيناه تلتهم ملامحها البرئية وأردف بشغب
.. على فكرة أنا مؤدب ولو حابة أوريكي أدب مشاعري أنا مستعد.
لکمته بتلقائية وصاحت بتذمر
.. على فكرة لو مبطلتش فأنا هسيبك وهمشي بص هو أنا أصلا غلطانة إني وقفت أتكلم معاك أنا أنا همشي ومش هستنى حد و.
لم يعد هناك مجال للهرب ولن يسمح لها بالتلاعب به من جديد كل شيء بينهما أصبح على المحك ويجب عليها أن تحسم أمرها الأن وليس لاحقا لن ينتظرها لتتخذ خطوتها الأولى ولن يهدر المزيد من الوقت حسم أمره وأعترض طريقها متمسك بكفها وأردف بجدية
.. أمل لو سمحتي كفايا لحد كدا خلاص معدش فيه مجال للعب تاني فبصي لي وصارحيني أنت بتحبيني وعيزاني زي ما أنا بعشقك وعيزك ولا أنا مش فتفكيرك من الأساس وعلاقتك معايا زي علاقتك بأحمد جاوبيني يا أمل علشان أرسى على بر معاكي لإن بصراحة مافيش واحد فالدنيا يتحمل كل اللي أنا عايشه معاكي.
ادركت أن اللعبة بينهما أنتهت نظراته لها دفء أصابعه المتشبثه بأصابعها رجفته المتسللة إليها ترقبه والخۏف الخفي بأعماقه زفرت وتنفست بقوة وأجابته
.. حازم أرجوك أنا مش عايزة أظلمك معايا.
ضم أصابعها بين كفيه وتابع تحديقه بها وهتف بجوارحه
.. ولو قولت لك أظلميني ومټخافيش شوفتي حب زي كدا هتلاقي واحد يقولك أنا راضي وقابل بظلمك ليا يا أمل أرجوك سيبي نفسك وبلاش تكتفي مشاعرك وقلبك صدقيني مش هتندمي ولو على الحب فحبي ليك هيكفينا سوا أمل أنا بقدم لك فرصة إنك تعيشي الحب بجد معايا حب مش تعود منك على وجوود حد فحياتك حب مش تحكم رغم إني مقدرش أكذب أو أخبي إني متحكم ومتسلط وديكتاتور كمان وبغير عليك من الهوا طب تتخيلي إني بغير عليك من عمي أمجد شوفتي حبك وصلني لإيه.
تسارعت أنفاسها بات قلبها يخفق بقوة كلماته أستقرت بصدق بداخلها لا شيء كاذب بأحساسه بها.
أحس بشرودها عنه فمد يده ولمس ذقنها لتعود بانتباهها إليه فأردف
.. أمل أنا بوعدك إنك هتلاقي نفسك معايا شخصيتك حريتك لدرجة إنك مش هتصدقي إنك أمل بتاعت زمان بس أدينا الفرصة.
لزم الصمت لبرهة وتابع ردة فعلها فزفر ليفاجئها بقوله
.. بصي هو مستحيل تلاقي راجل يقول الكلام اللي هقوله بس أنا فعلا بوعدك وبعاهدك أنك لو وافقتي تدينا فرصة لمدة سنة واحدة وعايزك تتعاملي معايا خلالها كصديق أو كواحد أنت معجبة بيه أو تتعاملي معايا بالطريقة اللي ترتاحي فيها وقصادها أنا هعلمك يعني إيه حب هتعيشي عشق حازم لأمل ولو فنهاية السنة لقيتي نفسك مش عارفة تحبيني أو لسه بتفكري فخالد أوعدك إني أنسحب من غير ما اعاتبك حتى بالعكس أنا هعتبرها سنة بالعمر كله وصدقيني وقتها لو طلبتي مني أقنع العالم وأحارب معاكي علشان ترجعي خالد ليك فأنا أنا .
باتت الكلمات ثقيلة على لسانه تدمي قلبه ولكنه يريدها أن تراه كما هو كاد يتفوه ويكمل فمنعته أمل ووضعت يدها فوق شفتيه وعيناها تحدق بها پصدمة فهي لا تصدق أن يصل به حبه لها لتلك الدرجة لمعت عينيها بدموع لم تشعر بمثيلها سابقا وأحست بغصة تتوسط حلقها فأجلتها بصعوبة وأجابته
.. أنا عمري ما أقدر أستغل حبك ليا بالشكل الچنوني اللي قولت عليه حازم أنا مش أنانية للدرجة دي ولعلمك أنت أكبر بكتير من إني أحطك فتجربة يا أحبك يا أسيبك أنا مستحيل أعمل فيك كدا صدقني قلبك دا ميستحقش إلا كل الحب وحب يكون له لوحده وبس.
قبل راحة يدها فخفضتها سريعا ليبتسم بتأثر وقال
.. سمعتي نفسك قولتي إيه أهي دي مشاعرك يا أمل وصدقيني أنا لا يمكن أسمح بأني أخسرك أبدا فأرجوك أقبلي وأديني سنة من عمرك أحبك فيها وليك وعدي إني هخليكي تحبيني قبل السنة ما تعدي.
غمرتها السکينة وراحة غريبة تسلل أمان وأحاط بقلبها فلم تستطع الرفض