كان لي..بقلم مني أحمد حافظ.. الجزء الثامن.

لضحى وخلصنا خلاص من السيرة دي.
رفعت نعمة حاجبها باستخفاف وقالت مهملة تحذير شقيقتها
.. أنا مش عارفة ليه كلمتي اللي بتقف فالزور ما أنا ياما حذرتكم وحاولت انبهكم وكلمتك وقولت لك وأنت دافعتي عنها والأخر طلع كلامي اللي صح ودلوقتي قال حلمتي بيها محتجالك أنت هتنقطيني يا ثريا بطيبة قلبك وخيابتك اللي ورثتيها لبناتك يا أختى بدل ما قلبك خاېف ومړعوپ على الست إيمان دوري على بناتك وحاجي عليهم كلمي بنتك وطيبي خاطرها واسيها فمحنتها دي مهما كان عيلة واطلقت بدري إنما خطافة الرجالة اللي لافت على جوز بنتك دي ترميها من دماغك واللي يجرالها دا نصيبها وجزائها على اللي عملته.
استمعت ضحى لكلمات خالتها پصدمة فالتفتت إلى والدتها وحدقت بها لا تصدق أنها تفكر بأمر إيمان بعد كل ما حدث منها فزفرت ثريا وقالت بحدة
.. قولي اللي جواكي يا ضحى مالك واقفة تبصي لي وساكتة يلا كملي عليا وعتبيني إني قلقانة على إيمان يلا قوليلي زي خالتك ما قالت إني خايبة وطيبة بهبل علشان بفكر فيها.
سحبت ثريا بضع أنفاس بتوتر وهي تتابع ملامح ابنتها المصډومة فزفرت بصوت عال والتفتت إلى شقيقتها وقالت
.. طول عمرك قلبك جامد يا نعمة ولسانك متبري منك توجعي اللي قدامك وتقولي أصل أنا صريحة تنهشية بلسانك وتقولي أصل اللي قلبي على لساني بس لحد كدا يا نعمة وكفايا أنا خلاص معدتش متحملة اسمع لوم وعتاب وزعيق أنت من وقت ما سمعتيني بفضفض لمحمد وأنت مستلماني تريقة وعتاب مش سايبة فرصة تروح منك زعلانة إني قلقانة على إيمان طيب قوليلي إزاي مقلقش وأنا اللي مربياها حتى لو مطمرتش فيها التربية يا نعمة أنت من أول يوم أخدت إيمان فيه وأنت مسكتيش رغم إن محمد حاول كتير يفهمك بس أنت رفضتي تفهمي قفلتي عقلك وجمدتي قلبك وعاملتي إيمان من أول لحظة على أنها غريبة وجاية البيت تسرق كنت بترقبيها وبتستني تغلط علشان تقطعي فيها وفينا لعلمك يا نعمة أنا لا خايبة ولا طيبة بهبل أنا أم شافت بنت محتاجة ليها ضمتها فحضني زي بناتي ويعلم ربنا إني راعيته فيها ومفرقتش بينها وبين بناتي فأي حاجة ومش ندمانة على كل اللي عملته ولو الزمن رجع بينا تاني فأنا هاخدها فحضني وهربيها فمتبخليش على قلبي إنه ېخاف عليها ويقلق.
على الرغم من رفضها لموقف والدتها إلا أنها لم تستطع قول شيء فهي نهت الأمر بقلب الأم التي ضمت إيمان كواحدة منهن فكيف لها أن تتنكر لها الأن تنهدت بحزن لما آل إليه الأمر فإيمان تسببت في إحداث شرخ كبير بقلوبهم جميعا وجعلت الألم يسكن حياتهم بل زادت الأمر سوء بموقف خالتها الرافض لإيمان ولومها الدائم لوالديها لتخرج والدتها عن هدوئها المعتاد.
بدلت ضحى نظراتها من والدتها المنتحبة إلى وجه خالتها المتصلب لتراها تكافح غصة حاولت أخفائها عن العين وأستدارت توليهم ظهرها وتقول
.. أنا يمكن ربنا مأكرمنيش بالخلفة يا ثريا لكن قلبي لا هو جامد ولا جاحد قلبي بيحس باللي أدامه وأنا من أول لحظة حسيت بيها وقريتها فعنيها إيمان من قبل ما تدخل بيتك يا ثريا وهي مقررة أنها تاخد على قد ما تقدر عموما أنا لا بايدي أمنعك ولا أحكم عليكي لكن هقولك حطي فحسابك مشاعر بنتك اللي أتخانت على ايد إيمان.
مرت الأيام سريعا على ضحى تنتظر بفارغ صبر يوم سفرها خاصة بعدما جلس والدها برفقتها وعاتبها ليصفح عنها مقبلا إياها ومعلنا عن دعمه لها ولقرارتها أيا كانت تراها مناسبة لحياتها بينما ظل الجفاء يحيط بثريا ونعمة ورغم محاولات ضحى أن تنهي الخلاف بينهما إلا أن كلتاهما عنيدة. 
رافق محمد ابنته إلى المطار مصطحبا ثريا ونعمة معه رغما عنهما فثريا لازالت متشبثة برفضها لسفر ابنتها لذا لزمت الصمت طوال الطريق وما أن لاح مطار القاهرة أمامهم حتى انفرجت شفتيها للحديث لتتفاجأ بيد نعمة تمنعها من قول شيء وتميل نحوها تهمس
.. بلاش تبوظي فرحة بنتك وسبيها تسافر تغير جو وتشوف حياتها وبعدين ضحى مش صغيرة يا ثريا وعارفة مصلحتها كويس.
وقفت ضحى أمام البوابة ټحتضنها والدتها بقوة تبكي فراق ابنتها لها بينما ابتعد محمد عنهما فهو لا يطيق لحظات الوداع تلك في حين تذمرت نعمة من بكاء شقيقتها ففصمت عناقها لضحى وقالت
.. سيبي البنت تمشي أحسن الطيارة تفوتها وكفايا عياط دا الموضوع كله ساعتين وتكلمك طول اليوم وتشوفيها هي وأمل يلا يا ثريا روحي هوني على جوزك وخلينا نمشي.
سحبتها نعمة بعيدا وضمتها إليها متناسية خلافهما الأخير ودفعتها صوب زوجها وغمزت إليها قائلة بهمس
.. أنا مش هروح معاكم وهروح مشوار هتأخر فيه شوية واخدة بالك يا ثريا.
فوجئت ضحى وهي تصعد إلى الطائرة بمعاملة شبيهة لما لاقته أمل في سفرها فقد غمرتها المضيفات بالأهتمام فابتسمت وهي تسائل سرا
.. هو خالو أمجد صاحب الشركة ولا إيه دا أنا حاسة إني أميرة مش واحدة عادية مسافرة زي الباقيين.
غفت ضحى بعدما قررت أغلاق كافة صفحات الماضي الذي تحررت منه معلنة قرارها باستمتاعها بوقتها برفقة شقيقتها وخالها.
ابعدتها ضحى إنشا عنها ومررت عينيها فوق جسدها لتغمز لها بمزاح وتردف
.. بس إيه الحلاوة دي يا أمل قوليلي هي اللي تسيب مصر بتحلو كدا ولا الحكاية فيها سر. 
أجابها أمجد وهو يجذبها إليه
.. لا وأنت الصدقة اللي يجي عند خالو حبيبه بيحلو وبعدين أنت اللي ماشاء الله عليكي قمر يا بنت ثريا قوليلي إيه الجمال دا بس تعرفي إنك بقيتي صورة من ثريا وهي صغيرة.
قبلت ضحى وجنتيه وهي تبتسم بسعادة وقالت
.. بس ماما لسه صغيرة يا خالو وعلى فكرة هي لو سمعتك مش هتخلص منها وأنت مش ناقص يا خالو كفايا زعلها منك ومن بابا ومني بسبب سفري أصلها لحد ما سلمت عليها فالمطار مكنتش موافقة على سفري فهمتك معايا تكلمها وتخليها ترضى عني.
زم أمجد شفتيه وقال
.. لا ما أنا أخدت نصيبي منها لما كلمت محمد أمبارح قالت لي هفضل زعلانة منك لحد ما بناتي ترجع لحضني واللي أكد لي زعلها إنها قالت لي مش هتبعت لي الأمانة وهتحرمني منها.
ابتسمت ضحى وشبت على أطراف أصابعها وهمست
.. متقلقش الأمانة معايا.
اڼفجر أمجد ضاحكا وهو يحاول أستيعاب ما ابلغته ضحى به لتهز برأسها بقوة فعقب أمجد قائلا
.. تصدقي أنا مكنتش عارف إنها مچنونة كدا معقول بعتت معاكي علبة الحلبة طيب قوليلي إزاي سمحوا لك تعدي بيها من المطار.
بات