كان لي..بقلم مني أحمد حافظ.. الجزء الثامن.

الموقف ساخرا فاستأذنهم أمجد لينهي إجراءات الوصول لضحى في حين اجهدت أمل عقلها لتدرك معنى تلك الكلمات وما أن وعت ما فعلته والدتها حتى علت ضحكاتها ليلتفت بعض الشباب إليها فتغضن جبين حازم وأشتعلت غيرته فمال نحوها وقال بصوت هامس
.. أمل إيه يا قلبي أنت نسيتي نفسك إحنا فالمطار وصوت ضحكتك سمع الكل عجبك كدا إن الشباب تبص عليكي.
وصلت همساته إلى سمع ضحى فعقدت حاجبيها بدهشة والتفتت إليه ورمقتها بفضول فتجاهل حازم نظراتها إليه فزمت ضحى شفتيها ووبخته قائلة
.. وأنت مالك يا أستاذ أنت أخي حرة تضحك براحتها وزي ما هي عايزة ولا أنت فاكر نفسك الوصي عليها وبعدين أنت مالك واقف لازق فيها كدا ليه بصراحة أنا مش عارفة إزاي خالو سمح لك أساسا إنك تقرب منها بالشكل دا و.
فوجئت ضحي بأحمد يقاطع كلماتها الساخطة ويحادثها للمرة الأولى وهو يسحب من بين يداها حقيبتها ويحملها عنها قائلا
.. دا حازم صاحبي وأكتر من أخويا يا ضحى وعموما كل اللي أنت عايزة تفهميه وتعرفيه هتعرفيه لما نروح ودلوقتي أسمحي لي أقولك حمد لله على سلامتك وإنك نورتي المانيا كلها.
زاد عبوسها فاجابته بلامبالاة وهي تهمل النظر إليه
.. ميهمنيش إن كانت نورت ولا منورتش.
انهت قولها وهي تجذب شقيقتها من ساعدها من جانب حازم وتحيط كتفها بذراعها بتملك وتبتعد عنهم ليعقب حازم بعصبية
.. لأ دا كدا كتير هو أنا كنت ناقصها هى كمان جرى إيه يا أحمد ما تقولها تخف علينا ولا أنت حكايتك إيه معاها بالظبط.
هز أحمد رأسه بيأس وهو يتمالك ضحكاته وقال
.. الصبر يا حازم وبعدين اللي أنت شوفته دا ميجيش حاجة جانب اللي هتعمله ضحى يا ابني دي هتطلع روحنا معاها ولا أنت مش شايف طريقتها دي معبرتنيش وبصت لي كأني حاجة شفافة وسابتني ومشت.
تنهد أحمد وهو يحاول مواساة نفسه وتبع خطوات صديقه إلى الخارج وهمس سرا
.. اتقلي براحتك يا ضحى وخلي الحساب يجمع ووقتها هتشوفي أحمد أمجد هيعمل معاكي إيه.
عاد أمجد ليرافقهم متوسطا أمل وضحى فضم كلتاهما إليه مخلفا حازم وأحمد يشتعلان بجمر الغيرة.
الفصل الثاني والعشرون. افكار جامحة .
جاهدت إيمان لتخفي عن خالد تألمها تكتم أوجاعها عنه فهي لا تريد أن تثير عصبيته عليها خاصة بعدما ازداد أنعزاله عنها ورفض طلبها أن تشاركه الغرفة فأصبح يوصدها دوما مانعا إياها من وطأها دفنت إيمان وجهها بوسادتها لتمنع صوت تألمها وأنينها من التسلل إليه وبكت وهي تلوم نفسها أنها لم تخبره بما تشعر به من ألم وثقل أسفل ظهرها وأسفل بطنها.
لم تعد تتحمل ما بها من أوجاع لتصرخ ليلا فأوقظ صوتها خالد من نومه فهرع إلى غرفتها لتصدمه رؤيتها تفترش الأرض بجسدها ووالدماء تلوث ثوبها فأنحنى حاملا إياها وهرول إلى الخارج يبتهل إلى الله أن يحفظ ابنته وإيمان سويا.
وصل خالد بإيمان إلى المشفى بمعجزة ليختطفها الأطباء من بين يداه حين لاحظوا فقدانها للوعي حينها تلفت خالد حوله لتصدمه وحدته فانهار أرضا يتمنى لو كان الجميع بجواره وبعد برهة سحب خالد هاتفه من جيب بنطاله وهاتف صديقه إيهاب رغم خجله منه ليتوسله الحضور إليه بالمشفى بعدما أخبره بخطۏرة حالة إيمان أسرع إيهاب ملبيا نداء صديقه بينما هاتف والده محمد وأخبره بما حدث.
بعد مرور ساعة تفاجأ خالد وإيهاب باقټحام ثريا ومحمد للمشفى وزلزل صوت صياح ثريا الغاضب المكان وهي تعنفه قائلة 
البنت فين يا خالد عملت فيها إيه إيه مكفكش اللي عملته فأمل ناوي ټموت إيمان كمان أنا عايزة أفهم حاجة واحدة لما أنت مش عارف تصونها كنت بتسرقها من حضني ليه زي الحرامي منك لله يا خالد منك لله.
كان هجوم ثريا مباغتا لخالد الذي تراجع عنها للخلف وقد ارعبه دعائها عليه فحول نظره إلى محمد لينتبه لما يقول فاعاد محمد حديثه وقال
.. الدكتور قالك إيه ممكن تفهمني ولا أنت هتفضل واقف سرحان على نفسك كدا.
فى تلك اللحظة غادر الطبيب غرفة الجراحة قلقا يقول 
.. فين جوزها.
أشار محمد إلى خالد وقال بضيق
.. الأستاذ يبقى جوزها خير يا دكتور هي مالها.
هز الطبيب رأسه بأسف وقال 
.. المدام ڼزفت كتير والضغط عندها عالي وللأسف المشمية انفصلت والجنين مش بيتحرك فلازم نعمل قصيرية فورا خصوصا إنها فاواخر السادس وإحنا محتاجين ډم حالا دلوقتي الممرضة هتطلع بعينة الفصيلة ياريت توفروا لنا ضروري أربع اكياس ډم بسرعة. 
تركهم وعاد لغرفة العمليات مرة آخرى وظهرت الممرضة بملامح أكثر قلقا فسألتها ثريا بتخوف
.. طمنيني يا بنتي .
أجابتها الممرضة وهي تمد يدها بورقة الفصيلة
.. ادعيلها يا حجة حالتها خطړ دا حتى الدكتور طلب دكتورة اطفال تقف معانا علشان البيبي.
صمتت الممرضة وتطلعت نحو خالد وقالت
.. على فكرة المستشفى هنا للأسف مفيهاش الفصيلة فمعلش حضرتك هتحاول تدور فأي مستشفى حوالينا أو أتصل ببنك الډم وتابع معاهم المهم تتصرف بسرعة بعد إذنك.
سالت دموع ثريا حزنا على ما وصل إليه حال إيمان وهمست بصوت مكلوم
.. عيني عليها قلبي مش قادر يقسى عليها رغم اللي عملته قولي اعمل ايه يا محمد انا مش عارفة اخد بعضي وامشي واسيبها ولا لساني مطاوعني اقول تستاهل ما هي مهما كان باتت فحضني وحبيتها زي بناتي يارب تسلمها وتشفيها وتم لها ولادتها على خير وعين قلبي على حمله التقيل.
لاحظت ثريا وسط دعائها جمود خالد فصاحت تنهره بصوت قاس
.. أنت لسه واقف عندك ما تتحرك وتروح تشوف الډم بسرعة.
تحرك خالد بشرود وكلمات الطبيب ترن في أذنه ليغمر قلبه الحزن خوفا وړعبا من فقدان طفلته .
جلست ضحى بجوار أمل على فراشها تنظر لها بحيرة تحاول فهم ملامحها لتقول لها
.. معقول لحقتي تحبي بالسرعة دي واحد تاني .
بادلتها أمل النظرات وقالت
.. على فكرة هو مش حب لسه على الأقل من طرفي.
ازدادت نظرات ضحى دهشة وتعجب فابتسمت أمل وأستكملت كلماتها قائلة
.. مالك يا ضحى بتبصي لي كدا ليه لعلمك أنا أتغيرت كتير في الكام شهر اللي فاتو دول مبقتش أمل المكسوفة اللي پتخاف تنطق أو تقول رئيها أنت نفسك لو قعدتي هنا هتلاقي نفسك بتتغيري أصل خالو أمجد بيتعامل معايا زي بابا بس الفرق إن هنا مافيش خالد .
لم تصدق ضحى أن تتغير شقيقتها إلى هذا الحد فهي أتت على ذكر خالد بعفوية دون تأثر فرفعت حاجبها بتعجب وقالت
.. بتقولي خالد عادي كدا ومافيش وش بيصفر ولا نهجان ولا قلب هيقف .
ابتسمت أمل بسخرية وقالت
.. ومقولهاش عادي ليه على فكرة أنا بطلت أدفن راسي فالرمل يا ضحى لإني مغلطتش علشان أشيل عار چريمة أنا مجني عليا فيها أنا واحدة أتسرقت حياتها وعاشت عمرها بقالب لحياة مش حياتها أصلا حياة متقسمة حسب دماغ وتحكم واحد تاني وخلاص أخدت حريتي شوفت الدنيا بصورة غير اللي كان قفلها عليا خالد منكرش إني مش عارفة أنساه لسه وقلبي بيدق لما بجيب سيرته أو بفتكر ذكرى بينا بس حتى دا مش چريمة يا ضحى بصي خالو قالهالي كلمة قالي