ضحېة الحب..الجزء الثاني..بقلم اسراء هاني

تعباه بيفضل في شقته لوحده بيجي هنا بالعافية
أم عمر .. انا خاېفة عليه اوي و خاېفة يسافر وهو كدة
عمر.. بس خلي بكرة يعدي على خير وأنا حقعد معه هعمله اي مشروع هو عايزه بس يفضل هنا
أم عمر.. ياريت يا ابني ربنا يسعد قلبك يلا ادخل نام عشان عشان بكرة عندك يوم طويل
وجى اليوم يوم فرحي روحت الكوافيرة ولبست بدلة بيضا وحطيت ميك اب خفيف ولبست شالة بيضة وكان عمر بيستناني برة نزلت من على السلم اول ما شافني سحبني لحضنه ولف فيا كان طاير فيا من الفرحة وقال .. كل القمر ده ليا أنا
اسراء.. متشكرة
عمر .. يلا سامر مستني برة
اسراء پصدمة .. سامر
عمر .. اه ده وعدني من زمان انه هو اللي هيزفني
كنت خاېفة عليه جدا يشوفني في البدلة اللي كان المفروض البسها ليه خرجت برة وكان كاست العربية شغال عمر كان ببرقص قدامي وانا ماشية شافني سامر بصلي بصة كلها حسرة و غمض عيونه ولف وجهه سحبه عمر من ايده يرقص معه حاول يبان طبيعي
ياريت يا عمر تعرف انك بتقتل اخوك و انت مش حاسس عمر سحب سامر لحضنه و صاروا الاتنين يبكوا كنت خاېفة على سامر اكتر ما كنت خاېفة على نفسي طلعت بالعربية وعمر جمبي وسامر كان هو اللي بالسوق كان وشي كامل في المرايا قباله كان بيسوق ويبص عليا كنت أحاول ما ابصله بس مقدرتش عمر كان يسحبني لحضنه و ايده على كتفي كان حاضني بقوة
سامر بصوت مبحوح .. هتروحوا على القاعة على طول
عمر .. لو ينفع نروح البيت وبلاها فرح ارقصوا انتوا
ابتسم سامر وفي داخله ڼار قايدة لمجرد التفكير انه كلها كام ساعة وتبقى في حضنه
كان بيبص عليا ويغمض عيونه عشان دموعوا متنزلش اكيد قادرين تتخيلوا حجم الۏجع اللي احنا فيه وصلنا ونزلنا من العربية حط سامر ايده على قلبه وغمض عيونه
عمر پخوف .. سامر في ايه مالك
سامر .. ما فيش يا قلبي شوية إرهاق و قلة نوم
عمر .. تحب نروح عالمستتشفى
سامر.. مستشفي ايه دلوقتي يا عريس انا كويس الليلة ليلتك يا الله نتبسط
روحنا القاعة كانت كبيرة وجميلة ومليانة ناس عيلتهم كبيرة مسك عمر ايدي ودخلنا وهو بيرقص ومبسوط وسامر قعد في آخر القاعة رقصنا انا وعمر وبعدها قعدت وسبته يرقص قالوا رقصة خاصة لعمر واخوه قام سامر يرقص كان واضح انه تعبان عيون البنات كلها عليه قام منهم كتير يرقصوا قصاده كنت هاخده ونهرب سحبتني ندى عشان ارقص معاهم وقفت وعمر مسك ايديا ورقص بعدها مسك ايد اخوه حاولت اخلي عيوني متروحش عليه مقدرتش كتفي خبط في كتفه مسك ايدي ولفني
سامر .. زي القمر زي ما تخيلتك طول عمري ربنا يسعدك يا احلى حاجة في حياتي عمري ما هنساكي
بعدها راح ناحية اخوه ورقص معه وانتهى الفرح وروحنا البيت وكان سامر طالب عشا للكل هناك كان عايز يرجع شقته امه رفضت لأنه كان تعبان اكلنا وعمر كان طول الوقت يأكلني ويشدني لحضنه
عمر .. يالا تصبحوا على خير انا فوق اعتبروني مسافر شهر سنة يعني
حط ايد ورا رقبتي وايد تحت ركبي وشالني قصادهم
عمر.. تصبحوا على خير
كان سامر طول الوقت عيونه على الأرض طلعت الشقة نزلني وفكلي الطرحة قرب عليا وكان بياخد نفس
عمر.. واخيرا
عمر.. ظروف ايه
اسراء .. ظروف يا عمر
عمر .. ايه الحظ ده كان أجلنا او قربنا
اسراء بخجل.. الايام جاية كتير
عمر بحب .. انتي عندي اهم من كل حاجة غيري هدومك نقعد سوا
لبست بجامة مقفولة ومكنش عندي ظروف دي حجة على ما اشوف هعمل ايه قعدت على كنبة لوحدي سحبني وقعدني جمبه وفضل يبوسني من وشي بعدت شويه وقالت بمحاولة لتشتيته..انا معرفش حاجة عنك اوي احكيلي عنك
بدأ عمر يحكي عن نفسه وقالها على الخلاف اللي حصل على الورث وبعدها عن حبيبته اللي اتجوزت ثم اضاف..انا قلقان عليه حسيته مش مظبوط ده غير سفره اللي مصر عليه
كان سامر في غرفته نايم على سريره وحاطط ايده على قلبه من الۏجع وبيفكر قد ايه هو حبها وحاول أن ينسى وبيطمن نفسه ان اخوه هيعرف بحافظ عليها بس متحملش مجرد تخيلها بحضنه كان كافي يقضي عليه حاول يتماسك لكن وجعه كان شديد حط يده على قلبه واستسلم لآلامه حست والدته بيه قامت تشوف ماله دخلت الغرفة لقته مكوم نفسه على السرير وعرقان بشكل كبير
أم عمر پخوف شديد .. في ايه يا حبيبي ايه بيوجعك
سامر .. مش قادر يا امي
أم عمر .. يا قلب امك قوم غسل وشك او خد دوش وصحصح حاولت تقومه
كنت لابسة بجامة وقاعدة جمب عمر وبيلعب بشعري وبيتغزل فيا وانا زي التلج مغمضة عيوني ونفسي اموته واموت نفسي لغاية ما الباب خبط بشكل يخوف كان القيامة قامت انا كنت متأكدة انه سامر مش هيتحمل وعمر جرى