ضحېة الحب..الجزء الثاني..بقلم اسراء هاني
بصلي واتفزع من مكانه كأن صدمة كهربائية نفضت جسمه وقال بړعب..انتي هنا فعلا
اسراء بدموع .. ايوة
سامر .. ما فيش حد هنا ازاي تيجي مينفعش امشي يا اما همشي انا
اسراء.. سامر انا مش قادرة ارحمني حرام عليك ده وعدك ليا اني ليك عمري كله
سامر .. مكنتش اعرف انه الدنيا هتضيق كدة وهتبقى مرات اخويا يا كل عمري
اسراء .. طيب اكيد في حل ابوس ايدك الوقت بيعدي وفاضل كام يوم وابقى مراته مش هقدر اكمل
عمر .. ايه لابس ورايح فيه احنا مش هنتغدى سوا
سامر..اصلي خطيبتك جت وماما وندى مش هنا وما فيش غيري فكنت هخرج على ما تيجي
دخل عمر البيت وانا حاولت ابان طبيعية وكان ماسك سامر من ايده وساب سامر وجه جنبي حط ايده على كتفي وضمني وباسني من جبيني .. سروءتي وحشتيني
عمر .. وانت هتخرج عشان اسراء هنا انا واثق فيك ده انت قلبي وهتصوني وتخاف عليا اكتر من اي حد بعدين دي زي اختك
بصلي سامر بعدها بص في الأرض وكان بيفرك ايدي رجع بص في عيوني وردد .. اه اختي دي هتبقى مرات اخويا وحبيبي ده انت ما فيش منك وهتحافظ عليها وتشيلها بعيونك انت قلبك ده من دهب وانا متأكد انها مش هتقدر تستغنى عنك بعد كدة
مشي عمر ناحيته وحضنه جامد..يا حبيبي ده انت حتة من قلبي ليه حاسك كدة مش مبسوط وخاسس ومش بتاكل
بصلي ونزل عيونوا وقاله..اصلي قلبي وجعني يا اخويا كنت بستنى اخلص واتقدملها لقيتها اتجوزت وسافرت دي كانت حلم عمري
كلامه نول على قلبي زي السکين ودموعه كانت بتقتلني عمر حضنه جامد ودموعه نزلت
يتجوز الكلمة دي وقفت قلبي من الخۏف هو ممكن يتجوز وحدة غيري انا ممكن اڼتحر
سامر .. اتجوز وانسى مستحيل يا عمر مستحيل دي اتغرست جوة قلبي ويحرم عليا بنات الدنيا كلها بعدها
عمر .. انت بتقول ايه يعني هتفضل كدة
سامر .. اه الجواز مش زي ما كل الناس فاكرة اني الاقي اللي اعيش معه عمري كله بالروتين والملل لا الجواز دي حلم بتبني انت واللي قلبك عايزه بتتجوزوا بحلمك قبل الحقيقة بتستنى اليوم اللي تكون معه وانا حلمي اتهد وخلاص مش هرجع ابني حلم تاني
سامر.. يا حبيبي مصير الچرح يخف بس هيفضل معلم المهم انت تكون مبسوط انت عريس دلوقتي متشغلش بالك بيا قولي بقى بدلتي فين ولا هتاكلها عليا
عمر بضحك .. لا طبعا دي هتوصلك مخصوص من برة انا وانت نفس البدلة
عمر .. يا جدع
بصيت لسامر بعيني بترجاه انه يستنى لغاية ما تيجي ندى ومامته هخاف اني افضل مع عمر هز سامر براسه انه فهم
سامر..اه افتكرت في شوية حاجات ضرورية في الشغل هبعتها واطلب الاكل بالتليفون انا داخل اوضتي يا عمورة اذا عوزت حاجة
اسراء.. انا عايزة اقعد
عمر .. اه اكيد بس تعالي نقعد في غرفتي
اسراء.. لا اصلي ما فيش حد هنا
عمر .. ايه خاېفة مني انا ممكن أصلح غلطي بعد كام يوم يعني دي بعد كام يوم فرحنا
اسراء .. احم وافرض خلعت بعدها
عمر بكل حب .. انا مخطبتكيش عشان كدة انا فعلا عايزك شريكة عمري وأم أولادي
اسراء .. طيب ليه انا بالذات
عمر .. تعالي وانا حقولك ليه انتي بالذات
سحب ايدي وروحنا على غرفته كان شاري سنسال يجنن باسمي لبسني اياه
عمر .. مبروك عليا انتي يا قلبي
اسراء .. الله يبارك فيك
عمر .. معرفش ليه انتي بالذات بس انا مرتاح جدا معك وده الاحساس محستوش
