نفوس حائرة  بقلم منى أحمد حافظ الجزء الاخير

عيناه لوالدته وقال_.. ايه يا ماما مش هتسلمى عليا ولا حضرتك زعلانة منى و.
جلست سهر بهدوء غريب بجانب ابنها ومدت يدها ولمست وجهه وقالت .. لما اطمن انك بخير بعد ما تعمل العملية هتشوف أيام اسود من شعرك يا عمران على كل اللي أنا حاسه بيه بسبب عملتك دى.
جذبها عمران بين ذراعيه وقبل وجنتها وقال وهو يبكى_.. اعملى فيا اللي انتى عوزاه بس تسامحينى انى خبيت عليكم أنا بحبك اوى يا ماما ولولا رضاكى عليا ودعاكى ليا مكنتش هبقى بينكم فكملى جميلك معايا وسامحينى بقى.
ضحك رشدى وقال_.. ايوة كلمها خليها تسامحنا احسن دى قالبة الوش علينا من ساعة ما عرفت والواحد حاسس أن الدنيا ضلمت من وقت ما القمر زعل مننا.
زمجر آدم بغيرة فنظرت له سهر ورفعت حاجبها بتحدى له فجذبت رشدى اليها واحتضنته بقوة وقبلت وجنته وقالت_.. ربنا ما يحرمنى منكم أبدا يا ولادى المهم دلوقتى نشوف الجراحة اللي الدكتور قال عليها وانا اللي هتبرع لعمران و.
قاطعها آدم وقال_.. انسى يا سهر أنا اللي هتبرع لابنى أنا ابوه و.
وقف رشدى بينهما وقال_.. بس بس اهدوا هي مش خناقة مين اللي يتبرع اسمحوا لي اعفيكم أنتم الاتنين لان أنا توأم اخويا فانا متوافق معاه مية فالمية وانا اللي هتبرع له و.
.. أنا كمان توأمه وهتبرع معاك يا رشدى.
صدح صوت جنة وهي تقف عند باب الغرفة فالټفت لها الجميع فابتسمت سهر لها ونظرت إلى آدم وقالت_.. شوفت ولادك يا آدم هو دا الحب اللي بجد والكنز والورث اللي لازم يتورث المحبة والخۏف على بعض مش الفلوس أبدا.
دلفت جنة إلى الغرفة وبصحبتها مريام التي هربت من امام والديها وجلست بجوار عمران فمد عمران يده وقبض على يدها ونظر إلى مازن وقال_.. عمى مازن أنا بطلب منك ايد مريام وعاوز اتجوزها.
حدقت هايدى بهما وقالت بسخرية_.. هتتجوزها مرتين يا عمران ما خلاص اتفضحنا بسبب عملتكم سوا.
نهرها مازن وقال_.. هايدى مسمعش صوتك انتى فاهمة محدش له عندنا أي حاجة.
حول مازن نظره عنها وحدق بوجه عمران وقال_.. لما تقوم بالسلامة نتكلم فالموضوع دا يا عمران دلوقتى مش وقته.
هم عمران أن يتحدث فأشار لها آدم بالصمت وقال_.. أنا اللي بطلب ايد بنتك لابنى يا مازن واتمنى انك مترفضش طلبى رغم انى كنت عاوز اجي البيت واطلبها أدام الكل بس ميمنعش انى اطلبها مرة واتنين وعشرة لابنى.
تنهد مازن وهو يرى وجه ابنته المتعلق بعيون عمران وقال_.. موافق طبعا أنا مش هلاقى زى عمران لمريام.
اتسعت ابتسامة مريام وضغطت على يد عمران وقالت بهمس_.. هنروح المشيخة الأول ولا.
أجابها عمران ليفاجئها بقوله_.. ونروح المشيخة ليه من الاساس أنا بحبك زى ما انتى كدا وشرف ليا انى تبقى مراتى يا مريم أنا عمرى ما هجبرك تغيرى دينك علشانى واليوم اللي انتى تحبى تغيرى لازم يكون نابع من جواكى مش بأمر من أي حد.
تنهدت هايدى وهي تستمع لكلمات عمران وابتسمت بهدوء وقالت_.. خلاص طالما كلنا هنا نبعت نجيب حد من المحكمة ونسجل جوازكم رسمى و.
أطلق مازن سباب فانطلقت ضحكة آدم ليتجه اليها مازن وهو يقول_.. يا هايدى افهمى أنا الراجل أنا اللي اقرر أنا مش عارف ايه اللي جرالك كل حاجة انتى اللي بتتفقى طيب ايه رأيك مافيش جواز دلوقتى... لاء مينفعش.
صاح بها عمران ومريام معا فضحك الجميع فقالت سهر بسعادة_.. خلاص بقى يا مازن المرة دى اسمع كلام هايدى وخلينا نفرح ولا ايه يا آدم.
احتضن آدم مازن وقال_.. ما فيش احلا من لمة العيلة ربنا ما يحرمنى منكم أبدا.
ابتعد مازن ونظر حوله يبحث عن ابنه آدم وقال موجها حديثه ل جنة_.. اومال آدم مجاش معاكم ولا ايه.
ابتلعت جنة ريقها وقالت بارتباك_.. لا يا عمى احنا صاحينا وهو مكنش موجود فاتصالنا برشدى وجيت أنا ومارى لوحدنا.
هم مازن أن يتصل به فاسرع رشدى وقال_.. متتصلش بيه يا عمى موبايله مقفول أنا حاولت اكلمه كذا مرة ومعرفتش.
عاد الجميع إلى القاهرة بعدما تحسنت صحة عمران قليلا واتفقوا على إقامة حفل زفافه مزدوج لعمران ورشدى وكانت الجميع منشغل في التجهيزات ليتم الزفاف على اكمل وجه حتى يتسنى لعمران إجراء جراحته في أقرب وقت وفاجىء آدم ابنته بان جعلها تتصل بزهرة لتحضر الحفل وتتواجد معهم في أثناء التجهيزات واسعد انضمام زهرة سهر كثيرا فهى تكن لها محبة عميقة وبدأ الوقت يقترب بهم رويدا لتتفاجىء جنة بوجود ياسين امامها وهي تنسق مع زهرة الزهور بحديقة فيلتهم تركتهم زهرة وحدهم فوقفت جنة تحدق بوجه بذهول وهمست بصوت مرتجف_.. ياسين.
اقترب منها ياسين ومد يديه واحتضن كفيها وقال بحب_.. مقدرتش اتحمل بعدك كل الوقت دا قررت ارجع لك تانى يا جنتى.
لمحت جنة آدم من خلف ياسين فسحبت يدها بارتباك شديد وقالت_.. لسه فاكر دلوقتى تحس انك مش قادر على بعدى يا ياسين وكنت