نفوس حائرة  بقلم منى أحمد حافظ الجزء الاخير

فين طول الوقت اللي فات وانت سايبنى وعايش حياتك.
شاهدهم آدم فابتسم لياسين واكمل سيره إلى داخل الفيلا فنظر ياسين إلى جنة وقال_.. سامحينى يا جنتى بس أنا فعلا كنت محتاج وقت اعيد فيه حساباتى تانى علشان اقدر اقرر حياتى هتمشى ازاى وصدقينى طول الوقت دا مكنتش عارف اعيش من غيرك انتى حياتى اصلا يا جنة وعشقى الوحيد.
وقفت جنة امام ياسين تستمع لكلماته وعيناها تلاحق آدم حتى اختفى داخل الفيلا واحست انها لا ترى ياسين امامها وكأن كلماته تلك يقولها لغيرها احست بأن قلبها لم يعد ينبض من اجله كالسابق كأن فترة غيابه عنها كانت هي ما تحتاج اليه لتعلم أن حبها له لم يكن حبا من الاساس انما إعجاب بشخصية أقرب ما يكون لاخيها رشدى فهزت رأسها بحدة وقالت وهي تشيح بعيناها عنه_.. الظاهر أن مش لوحدك اللي كنت محتاج البعد دا علشان تعيد حساباتك تانى يا ياسين بس الفرق انى لسه محتاجة وقت علشان اقدر احدد أنا عاوزة ايه.
ابتسم لها ياسين وقال_.. خدى الوقت اللي انتى محتجاله يا جنتى وانا هدخل دلوقتى اطلبك من عمى آدم واهو الفرحة بدل اتنين تبقى تلاتة.
تابعته جنة بعيناها وهو يدخل فتبعته وهي شاردة الفكر ودخلت خلفه فشاهدته يقف مع آدم مازن يتحدث فاقتربت منهم وسمعته يقول_.. أنا مش عارف اشكرك ازاى يا آدم انك اتصلت بيا وبلغتنى أن عمى غير رأيه ووافق على جوازى من جنة بجد جميلك دا هشيله فوق راسى أنا وجنة.
شهقة صدرت عن جنة فالټفت الاثنان لها وعلت ملامحهما الارتباك فوقفت تنظر اليهما وقالت بإنكسار_.. يعنى أنت مجتش لوحدك يا ياسين جيت لما الأستاذ آدم كلمك وقالك أن بابا وافق والله برافو ياه بجد أنا مش عارفة اقولكم ايه.
ونظرت جنة إلى آدم وقالت_.. بجد مش عارفة اشكرك ازاى يا آدم على معروفك دا مكنتش عارفة هعيش ازاى وياسين بعيد عنى بس للاسف أنا بقى مش هشيل جميلك دا فوق راسى زى يا ياسين لانك وضحت لي حقيقة جديدة النهاردة مع ياسين.
هم آدم أن يتحدث ولكنها ابتعدت وصعدت إلى أعلى ووقفت مرة أخرى وقالت_.. تقدر تتفق مع بابا يا ياسين على أي حاجة إلا انك ترتبط بيا لانك للمرة التانية بتثبت لي انك محاولتش علشانى باى طريقة إنما جيت لما عرفت بس أن بابا اتنازل ووافق.
وصمتت برهة وقالت_.. اه ولو تفتكر يا آدم أنا قلت ايه واحنا رايحين إسكندرية أن مش جنة اللي تشترى أبدا حد باعها عن اذنكم كلموا كلامكم سوا.
راقب آدم ابنته وهي تكمل صعودها وهو يتكأ على باب مكتبه وبادل نظره بين آدم وياسين وتحرك صوبهم وقال_.. اقدر افهم في ايه بيدور من ورايا ولا أنا بردوا هبقى اخر من يعلم.
أجابه ياسين وقال_.. أنا يا عمى مش فاهم جنة ليه رافضة ارتباطنا بعد ما حضرتك وافقت مش فاهم كلامها و.
ربت آدم على كتف ياسين وقال_.. لو أنت مش فاهم فانا فاهم بنتى كويس بص يا ياسين الجواز قسمة ونصيب وانت نصيبك مش مع بنتى أنا كمان اسف انى اقولك انى سحبت موافقتى ليك لانك ببساطة خذلت بنتى فكل مرة كانت محتاجة انك تثبت لها انك شاريها وعاوزها عموما البيت بيتك وانت هنا وسط اهلك احضر معانا الفرح وارجع مكان ما جيت لان جنة عمرها ما هتبقى ليك.
.. رفضتى ياسين ليه يا جنة.
رفعت جنة عيناها صوب باب غرفتها وطالعت وجه اخيها عمران وقالت وهي تتمالك دموعها_.. لانى اكتشفت انى مش بحبه يا عمران.
مجرد كلمات قالتها جنة لتوضح حقيقة ادركتها اخيرا فجلس عمران بجانبها وقال_.. والحړب اللي كانت دايرة علشانه بينك وبين بابا وبينى.
أجابته جنة بصدق وقالت_.. كانت حرب من طرفى أنا يا عمران انما هو كان مستسلم ومحاولش علشان يوصلنى ولو لمرة وبعدين مش اختك اللي تتجوز واحد هرب واستسهل لنفسه الحياة من غيرها ولما عرف بالصدفة أن الطريق مفتوح قصاده قال يرجع يلم الغنيمة.
احتضنها عمران وقال_.. صحيح انك بنت آدم وسهر يا جنة فعلا مش اختى أبدا اللي ترتبط بواحد ابوه محمود.
حدقت جنة بوجه عمران وقالت_.. اهو أنا عاوزة اعرف بقى حقيقة الموضوع اللي أنت مخبيها عنى.
أجابها آدم وقال وهو يدخل اليهما_.. الحقيقة دى أنا اللي هقولها لك يا جنة علشان تفهمى ليه أنا رفضت ياسين من الأول.
جلس آدم مع ابنته جنة جلسة مصارحة وضح لها كل شيء دون ذكر بعض الاحداث التي يجب عليه إخفائها.
استمعت جنة لابيها وبكت في صمت حتى انتهى ونظرت له وقالت_.. وكلامك دا يا بابا يخلينى ارفض ياسين مليون مرة أنا اكيد هلاقى الإنسان اللي يحبنى ويقدرنى أنا مش مستعجلة اساسا وبعدين هو مش حضرتك وعدتنى أنا وماما اننا هنسافر انقرة اهى الفرصة جت نسافر كلنا العرسان يقضوا شهر عسل واحنا نتفسح ايه رأيك.
احتضنها