فيروز بقلم ريم أحمد الجزء الاخير

عرفت منين
يوسف _ هى قالتلى ... بس اكيد مش هتقوله عشان خاطر فريده
ريناد بتكشيره _ يادى فريده اللى مزهقانا فى عشتنا
فى الوقت ده اشتغلت جانبك على طول خلينى ..يوسف بص لريناد _ ممكن بقى تنسى عمار وفيروز وفريده وتخليكى معايا انا وبس
وبعدين قام ومديلها ايده _ تسمحيلى بالرقصه دى
عمار قرب من فيروزاللى كانت قاعده جانب مها وبابتسامه _ تسمحيلى بالرقصه دى
فيروز بصتله بكسوف _ انا
مها _ ياله قومى يا فيروز ارقصى معاه
فيروز باحراج _ حاضر ياماما
قامت فيروز وهى محرجه وحسه ان كل الناس بتبص عليها قرب عليها عمار وحط ايده حوالين وسطها وهى حسه ان قلبها هيطلع من مكانه بصت فى عينه ونست كل الدنيا اللى حواليها وفضلو بصين فى عيون بعض
فريدة بعد اسبوع عمار محاولش حتى يكلمها ولا يسال عليها فلاخر وبعد طول تفكير قرارت تلبس وتتشيك وتروح حفلة الخطوبه بعد معرفة انها فى جنينه الفيلا فريده ډخله الفيلا وهى اخر شياكه والابتسامه على وشها وفجاءه اتجمدت فى مكانها وهى شايفه فيروز فى حضڼ عمار وبيرقصو مع بعض والكل حواليهم فريده قربت بكل هدوء وستنت لحد مالاغنيه خلصت فيروز وعمار كانو سرحانين فى عيون بعض ومش حاسين باى حد حواليهم وفجاءه يفوقو على تصقيف فريده وهي واقفة فنص الناس عمار بصلها باستغراب وفيروز بعدت خطوه عن عمار
عمار _ انتى ايه اللى جابك هنا
فريده _ سؤال غريب يعنى خطيبتك جايه تحضر خطوبة اختك ... غريبه دى
فريده وهى بتبتص لفيروز من تحت لفوق _ ايه شكلى كده جيت فى وقت مش مناسب وجودى ضايقكم ولا حاجه ... عموما خاليك برحتك وانا هقف هنا اتفرج وانت فى حضڼ الست هانم
عمار بعصبيه _ فريده احترمى نفسك
فريده _ ليه هو انا لسه قولت حاجه لسه مقولتش انك مهتم بالست هانم اكتر منى مقولتش انك بقالك اسبوع معبرتنيش ولا حتى بمكالمه مقولتش انك مقولتليش على خطوبة اختك ولا كانى فى حياتك ولا حتى اهمك
عمار قرب من فريده ومسكها من دراعها _ ياله يا فريده نمشى من هنا
فريده بعصبيه_ لا مش همشى ياعمار....هسالك سؤال وترد عليه الاول
فريده بصتله بدمعه _ انت ... انت بتحبها
عمار بصلها وبعدين بص لفيروز وفضل ساكت فريده بعصبيه اكبر _ بقولك رد عليه ... بتحبها
عمار _ اه بحبها .... ارتحتى
فريده مع انها كانت متوقعه رده بس التوقع غير انها تسمع الحقيقه بودانها عمار مسك فريده من ايدها _ تعالى معايا
مشت معاه وهى مش مستوعبه والكل فضل واقف مصدم واولهم فيروز
ريناد قربت عليها _ فيروز انتى كويسه
فيروز _ ها ... انا طلعه اوضتى ... بعد اذنكم
فريده مع عمار فى العربيه دموعها نزله وهى ساكته عمار وقف على جانب وبصلها _ فريده انتى كويسه
فريده بدموع _ انت رجعتلى ليه ياعمار
عمار _ عشان كنت بحبك
فريده بصتله بدموع _ ولا عشان ټنتقم منى
عمار _ صدقينى عمرى مفكرت فى كده.. انا كنت فاكر انى بحبك... بس لما رجعنا ...لقتنى مش حاسس بيكى مبقتشى محتاجلك جانبى زى الاول
فريده _ وهى ...حاسس انك محتجلها
عمار _ لاء عشان انا بحبها بجد فريده رجعى نفسك اللى بنا مكنشى حب كان مجرد احتياج ... مع فيروز عرفت الفرق بين الحب الحقيقى والاحتياج
فريده بۏجع _ اشمعنا هى
عمار _ انا مختارتش ... قلبى هو اللى اختار
فريده _ بس انا بحبك
عمار _ لا يا فريده انتى محبتنيش ... لو حبتينى بجد مكنتيش جرحتينى ولا كنتى قدرتى تبعدى عنى 8 سنين
فريده بغيظ _ انت عارف فيروز دى تبقى مين
عمار بضيق _ عارف
فريده _ ولسه برده بتحبها .... بتحبها رغم عليتها وابوها المچرم ... ورغم انك عارف انها مخطوبه
عمار _ قولتلك مش بايدى
فريده _ كلها يومين وهنزل التحقيق فالجرنال وكل الناس هتعرف حقيقتها
عمار _ لاء يا فريده .... عشان خاطرى بلاش التحقيق ده
فريده بقهره _ للدرجه دى خاېف عليها
عمار _ بلاش الموضوع ده ... بلاش تنتقمى منى عن طريقها ... انا قدامك اعملى اللى انتى عاوزاه فيه
فريده وهى بتمسح دموعها _ده مش اڼتقام ده شغلى ولازم اعمله مهما كانت الظروف
عمار _ فريده انا حذرتك
فريده _ انت بتهديدنى ... ان هخلص شغلى وهسلمه لرئيس التحرير كمان يومين انا مبتهديدشى
ونزلت من العربيه ورزعت الباب
فيروز كانت قاعده فى اوضتها مش مصدقه نفسها ولا اللى سمعته والكلمه لسه بتردد على ودانها ..اه بحبها اه بحبها اه بحبها 
فيروز قرصت نفسها جامد _ ااااااااه ... يعنى مش بحلم صح
فيروز _ يعنى هو بجد بيحبنى ...يعنى بيحبنى زى مبحبه ... مش مصدقه نفسى
وفضلت تنط على السرير بفرحه
مها قاعده مع يوسف وريناد بعد مكل المعازيم روحو
ريناد _ انتم مصدقين اللى حصل ده ...انا لسه مش مصدقه ان عمار قالها
مها _ احسن فيروز احسن من فريده دى مېت مره وكلنا بنحبها
يوسف _ بس مفتكرشى فريده هتعدى الموضوع ده بالساهل
ريناد _ تعمل اللى تعمله ...المهم ان عمار خلص منها
يوسف _ عندك حق ...انهارده فرحتنا فرحتين ...اننا خلصنا من فريده واننا اتخطبنا يا روحى
مها _ احم احم ... نحن هنا
يوسف بابتسامه _ منوره والله ياخالتو ... انا قصدى انتى طبعا اللى روحى
وقام باسها
مها بفرحه _ ماشى يا بكاش انت
فيروز نامت وهى فرحانه وحلمت نفس الحلم كانت بتجرى فى كل مكان بتهرب منه والابواب كلها مقفوله بيقرب عليها وبيخدها فى حضنه بالعافيه وهى بتحاول تهرب بس مش عارفه فجاءه يدخل شاب ويشدها منه ويخبيها وراه ويمسك الراجل العجوز يضربه جامد وبعدين يقرب منها ويخدها فى حضنه ويحسسها بالامان والدفئ فيروز بفرحه _ عمار ...انت هنا
عمار وهو بيطبطب عليها _ مټخافيش انا معاكى
فيروز تصحى اول مره من غير متكون مخضوضه من حلمها ولا حسه بالخۏف بالعكس كانت حسه بالراحه والامان مجرد وجود عمار فى حلمها كانت حاجه مريحه بالنسبالها قامت بكل نشاط فتحت شباكها وغيرت هدومها ودخلت لمها والابتسامه ماليه وشها
فيروز _ صباح الخير
مها _ صباح الفل على الوش المنور
فيروز _ اخبارك ايه ياماما
مها _ كويس طول مانا شايفه الفرحه كده فى عنيكى
فيروز بكسوف _ هنزل بقى احضرلك الفطار
مها _ ماشى ياحبيبتى
فيروز وهى خارجه قابلت عمار خارج من اوضته كانت مكسوفه اوى منه وفضلت وقفه متنحه
عمار _ مالك وقفه كده ليه
فيروز _ ها ... ولا حاجه
ونزلت جرى على المطبخ
عمار دخل على اوضة مها _ صباح الخير ياماما
مها _ صباح النور ياحبيبى ... تعال قولى عملت ايه امبارح
عمار ببرود _ ولا حاجه
مها باستغراب _ بعد كل اللى حصل واللى قولته ... تقولى ولا حاجه
عمار _ ماما بلاش نتكلم فى حاجه دلوقتى ... فى موضوع شغلنى ولما احله كل حاجه هتبان ... ماشى
مها _ فى ايه مش مستريحالك
عمار _ متقلقيش .... انا نازل سلام
يوسف قاعد فى مكتبه لقى موبيله بيرن رد بابتسامه _ صباح الخير على استاذى الكبير ...ايه اللى انت عملته امبارح ده
عمار _ بقولك ايه مش طلبه غلاسه ....