وصية أمي بقلم كوكي سامح الجزء الثاني والاخير.
وانا عارفه ان عز مع حماتى فى شقتها ومكانش فى حل غير انى اكلم حسن وفعلا كلمته وطلبت منه يطلع الشقه ويقولى على اسم الراجل ورقمه ولما سألنى ده مين! وعاوزه منه أي قولتلو انه نقل البنات وانقذهم وحاسب المستشفى ولازم ياخد فلوسه وفعلا طلع الشقه زى ما طلبت منه ولقى الكارت مكانه وخصوصا ان وليد مروحش البيت من امبارح وقت الحاډثه كان معايا فى المستشفى طول الوقت ومشفش الكارت ولا يعرف حاجه عنه
كنت پصرخ وبصوت فين خديجه
رديت عليه وانا بعيط واصړخ خديجه ماټت
حسيت من صوته انه اتبسط رغم ان واضح من اسلوبه وطريقته انه حزين
انا سمعت كده وقلبى جمد وبقيت امثل اكتر انى بعيط على خديجه واعتذر انه مش هيكون موجود معايا بس انا قولت له وطمنتوا ان بابا خديجه هو اللى هيدفنها وطبعا هو عارف انى مش بطيقه من معاملته ليها واستغليت الموقف وعرفته انى هاخد شيماء تتعالج فى البيت لأنى اتشأمت من المستشفى ومۏت خديجه واستقريت على انى هجيب لها ممرضه تتابع حالتها فى البيت وقفلت معاه وهو مقتنع بمۏتها
مكنش في قدامى غير انى اخد حقى بإيدى بس بعد ما اعرف اي وراه واي اللى بينه وبين السكرتيرة كان عندى نسخه من مفاتيح المكتب وطبعا قبل ما اروح كنت بكلم وليد فون واطمن عليه علشان اعرف خط سيره وروحت المكتب بالليل ولما فتحت ودخلت دورت فى مكتب السكرتيرة ملقتش اى حاجة مهمه غير قلم روچ وطبعا ده طبيعى بنت وكده بس دخلت اوضه وليد وقلبتها مكنش فى حاجه الغريبه انى ملقتش اى حاجه! بعد ما دورت كويس وفقدت الامل وقولت خلاص ولسه هخرج من باب المكتب لمحت الاوضه المقفوله رجعت تانى اصل الاوضه دى وليد كان بيكلمنى عنها كتير وتملى يقولى انه عاوز يوضبها ويشغل كذا محامى عنده تحت التمرين بس مأخر الموضوع ده لوقت معين دخلت الاوضه وكانت ضلمه كنت خاېفه مش عارفه ليه وحطيت ايدى على كبس الكهرباء ويدوب بفتح ظهر قدامى اللى مكنتش اتوقعه اوضه نوم كامله والسرير مفروش دخلت وانا مش متخيله ان فى كده ريحتها برفيوم ولانچرى على السرير وحاجات تدل ان فى علاقه بينه وما بينها قعدت وانا مصدومه ومش متخيله المنظر نفسه كل ده وانا مش متأكده ان العلاقه بينه وما بين السكرتيرة اصلا انا معرفش عنها غير ان اسمها الانسه نهى وبس
ولما لقيت بوكس هدايا مرمى على الأرض قربت منه ولسه بمسكه بإيدى لقيته واقع منه تيست حمل وكارت والحلوه كاتبه فيه..حبيبى انا حامل عاوزة اسمع منك كلمه مبروك بأنك تعقد عليه رسمى حبيتك المخلصة نهى
وهنا عرفت ايه سبب المشكله ان وليد لما عرف انها حامل اضايق ومن كركبه الاوضه عرفت انه اټخانق معاها واتأكدت من خېانه وليد ليا ودى كانت أكبر دليل ان وليد لا يؤتمن وصممت انى اخد حق اختى وحقى من عينه سبت كل حاجه مكانها وروحت البيت
