صغيرتي بقلم خلود ناجي
سؤالك حقيقي بس ليه أبين رقبتي وبرضوا ديني نهاني عن كده انا أساسا المفروض اغطي رقبتي كلها لحد منطقة الصدر ويكون الحجاب مش شفاف هو انا مش فاهمة انتوا مسلمين بجد
ابتسمت.. صدقيني انا مبسوطة انك عارفة دينك في حين أن دلوقتي الكل بيجادل في اللبس الصح والدين فريال احنا جبناكي هنا عشان سلطان هياخدك قريب لاني بعد ١٥ يوم بالظبط هتكوني مراته
.. صدقيني انا بقولك الحقيقة
.. وماله اصدقك وهتحميني ازاي بقي وبعدين سلطان بنفسه ميجيش ياخدني ليه
.. عشان العرافة مانعة أنه يشوفك قيل ما تكملي ال ٢١ سنة
.. وهتحميني ازاي بقي
.. بس اهلي
.. اهلك هيقدموكي هدية لسلطان
.. طيب والحرامي اللي كان في بيتي فينه
.. وديناه مستشفي يتعالج
.. طبعا ياحبيبتي
راسي كانت ھتنفجر من التفكير انا واحدة كانت حياتها هادية ومرة واحدة اتشقلبت مكنتش عارفة اصدق مين ولا اكدب مين بس العمة خديجة كويسة جدا وبتعاملني كويس وابنها بيحميني نمت وصحيت علي كابوس مرعب حسيت حد بېخنقني وانا مش قادرة اصړخ قومت علي اذان الفجر صليت الفجر وقريت الاذكار قلبي كان مقبوض جه في بالي الحرامي مش عارفة ليه فكرت فيهخوفت يكون جراله حاجة نزلت البيت تحت اتمشيت في الحديقة شوية وقريت اذكار الصباح وورد القران بس الغريبة مكنش في مصاحف واضطريت اقراه علي الموبيل حتي الاذان عرفته من الموبيل كل حاجة كانت غريبة وفي حرس كتير هنالاحظت العلامة اللي في رقبتي هي فعلا بتدي رقبتي جمال غريب بس طول عمري كنت بكرهها واخفيها والنهاردة عرفت انها سبب تميزي
اټخضيت.. ناصر فزعتني
ضحك.. مكنش قصدي انتي صاحية ليه بدري
.. مفيش مليت من النوم فصحيت.
.. تيجي افسحك في البلد
.. اه طبعا بس بشرط
.. شرط
.. تلبسي النقاب عشان محدش ينقل الخبر للكبير
ابتسمت.. مفيش مشكلة
المكان هنا حلو جدا الزرع الاخضر الناس الكتيرة اللي ماشية في الشوارع كمان الشوارع صغيرة جدا مش كبيرة مفيش موصلات غير قليلة الهوا حلو جدا جدا كمان الناس كمان حلوة تلقائي كنت ببتسم لوحدي ومبسوطة من قلبي ناصر جابلي شكولاتة كتير وشيبسي كنت بضحك من نفسي وعلي جناني معقولة اكون مبسوطة عشان مجرد خروجة
.. اه معاك حق انا بجد محستش بالوقت
اتنهد.. وانا كمان
رجعت البيت العمة خديجة كان واضح انها متضايقة طلعت فوق ولاحظت أنه اتعصبت علي ناصر وهو طلع لبره كنت هنام بس .
.. عرفت انك بتحبي اللبس فتعالي اوريكي حاجة ايه رايك في الفستان دا
.. بجد حلو جدا.
.. انا اللي عملته تعالي اخد مقاساتك واعملك واحد
فرحت.. بجد
.. اه تحبي اعلمك الخياطة
.. هو ينفع
.. طبعا دي سهلة جدا
معرفش ازاي فاتتني كل الصلوات الموبيل كان بعيد وفاتني كل الفروض نمت من تعبي بس الحمد لله لحقت الفجر الآيام بدأت تتكرر بس الفروض بدأت افوتها وواحدة واحدة كنت بحس ببعد عن الصلاة غريب اني مش قادرة اصلي وبحس بتعب وتقل علي قلبي والفجر كسلت عنه بسبب اني كنت باكل كتير جدا جدا قبل ماانام وانام متأخر جدا الكوابيس ملازمني وكل يوم اقوم علي صړاخي
.. كويسة
.. ناصر
بصلي بحزن.. ملاحظ انك على طول بتقومي ټصرخي انتي مش محافظة علي الاذكار والصلاة والقرانمش بتقري اذكار النوم
عيطت.. مش قادرة اصلي ولا اقرا قران ولا اعمل حاجة صدقني مش قادرة
.. بصي انا سمعت مرة من شيخ بيقول أن الفتور دا شي طبيعي يعني الشخص بيمل من المذاكرة فدا مؤشر حلو لأن معناه أنه بيذاكر فالفتور دا شي طبيعي بس برضوا قال في خطوط حمرا مش حصل لازم تعمليها والخطوط الحمرا دي أهمها الصلاة والاذكار والقرآن هما اللي هيحموكي ويحفظوكي كمان متعرفيش كم الاذي اللي حواليكي الكلام دا كله سمعته من شيخ بيقول في جامع وعن دورة اسمها التزمت ثم ماذا بالله ارجعي واحمي نفسك والا هتتضيعي وطريق الرجوع صعب جدا
سابني ومشي وانا عيطت كتير قومت اتوضيت وصليت ركعتين لله قريت قران ونزلت لعمتي
