كالجمر بين ضلوعه بقلم مي علاء.الجزء الأول.

لحظات إلى ان اجابته بخفوت
.. ايوة
نظر لها واراد ان يطمأنها بكلماته
.. عارف ان الرسالة مش منك وقولتلك اني هعتبر نفسي مشوفتهاش فملهوش لازمة انك تحسي بالإحراج مني
ثم اردف بسخرية وهو يضحك
.. وغير كدة عارف انك مستحيل تحبيني او يبقى جواكي مشاعر ليا لأ...
قاطعته بسؤالها المعترض وهي تنظر له بإنزعاج
.. وليه مستحيل
تلعثم في البداية ثم ضحك وهو يقول
.. مش عارف بس ممكن عشان كبرنا مع بعض ونعتبر اخوات
.. انا عمري ما اعتبرتك زي يامن ولا هتبقى زيه
وضحت له بحزم وهي تنظر في منتصف عينيه تنفست بقوة قبل ان تضيف بشجاعة جهلت مصدرها
.. وفعلا الرسالة مش مني بس الكلام الجواها صح.
عقد وائل حاجبيه وتراجع للخلف وهو يحدق بها بدهشة هل ما فهمه صحيح حرك رأسه ببطأ وهو يقول
.. انت سامعة انت بتقولي ايه
رأت سخريته في حدقتيه حينها فقط ادركت ما تفعله وما تفهوت به ندمت لأنها سمعت نصيحة لمى وتعاملت بها رغم انها شعرت في البداية ان صراحتها ستكون افضل بغض النظر عن صعوبة تقمصها مسحت وجهها بتوتر وهي تقول بإحراج شديد
.. مش عارفة مالي شكلي بلغبط ف متاخدش بكلامي.
اسرعت لتفر هاربة لغرفتها وهي تسب وټلعن نفسها لماذا فعلت ذلك اهي سعيدة الان بعد ان فطر قلبها بنظرته الساخرة والمستنكرة على ما قالته!
قابلت لمى خارج الصالون وعاتبها وهي تنظر لها من بين دموعها
.. انا غلطانة اني سمعت كلامك
لم تفهم شيء وما سبب كلمات حلا لها أتت ان تلحق بها لكنها توقفت لتتابع مغادرة وائل هل ما تفكر به صحيح هل واجهته كما نصحتها!
استدارت مرة اخرى ووجدت يامن من جانبها وهو يتحدث عبر الهاتف فعلمت ان ادم بمفرده في الصالون وجدتها فرصة لتتحدث معه وتعرف ما ينوي عليه دلفت وجلست بهدوء استقرت نظراتها عيله وهي تسأله بجفاء
.. بتعمل ايه هنا
رفع نظراته عن هاتفه ورفع زاوية فمه وهو يفاجأها بقوله الخبيث
.. هربتي امبارح ليه فكراني مشوفتكيش
كانت تتمنى عدم حدوث ذلك حتى انها أقنعت نفسها انه لم يراها لم تغير تعابير وجهها الباردة وهي ترد
.. وعشان كدة عزمت نفسك النهاردة عشان تشوفني
.. كنت عايز أتأكد بس فاجأتيني الصراحة ازاي وقعتيه!
اضاق عينيه وهو يتفحصها بنظراته علق بوقاحة أشعرتها بالغثيان
.. بس احلويتي.
ابتسمت بنزق وهي تحاول ان تتحكم بنفسها تريد ان تظل هادئة مهما حصل لا تريد ان تظهر له مدى تأثير وجوده وكلماته عليها كلن قد عاد يامن لذا صمتت وهي تشيح بنظراتها عنه ثم نهضت مغادرة لا تستطيع ان تتحمل تواجدها مع هذا الحقېر في مكان واحد كم تشعر بالإختناق.
مساء خرجت لمى من المرحاض واستقرت بجانبه على الفراش فتحت الحديث معه
.. منين تعرف ادم دة صاحبك
فتح يامن جفونه واجابها بصوته الناعس
.. لا مش صاحبي علاقتنا علاقة شغل في صفقة جديدة مابينا
.. وعزمته لية النهاردة!
لم يجيبها فقد سقط نائما لاوته ظهرها وفتحت الدرج لتأخذ وتبلع قرص منوم فهي ستعاني من الأرق بسبب كثرة التفكير لا تريد ان تمر بتلك الأفكار مجددا.
أشرفت شمس يوم جديد اتجهت لمى مع يامن لغرفة الطعام نظرت لذلك الباب اسفل السلم وتذكرت ان تسأله
.. صحيح يا يامن هو ايه الباب ده
توقف واستدار بحدة وهو يسألها بريبة
.. ليه بتسألي
.. عندي فضول سألت الخدامة بس قالتلي متعرفش
اجابته بهدوء وهي تحدق به بشك من رد فعله اخبرها بقسۏة قبل ان يدلف للغرفة
.. متحاوليش تعرفي عشان دي حاجة متخصكيش
رفعت حاجبيها بذهول ثم ابتسمت بتحدي وهي تحدث نفسها.
.. بقى عندي فضول اكتر بعد رد فعلك
اتبعته ودلفت لتجلس بمقعدها وتبدأ في تناول إفطارها كالجميع.
في المقهى
.. مالك بقى قولي في اية انت غريب من امبارح
قالتها ملك بإكتراث وهي تمسك كف وائل الشارد تنهد الاخير بنفاذ صبر ونقل نظراته لها على مضض وهو يبدي إنزعاجه
.. سألتيني مليون مرة وقولتلك مفيش
.. شايف طريقتك شايف فازاي مفيش
نهض وهو يتأفف من إصرارها قال وهو يبتعد عنها
.. هروح الشركة سلام.
وضع كفيه في جيوب بنطاله وهو يخفض رأسه بإستياء فعقله لا يستطيع ان يستوعب النقاش الذي دار بينه وبين حلا بل لا يقبله يشعر بالثقل لمعرفته انها تحبه.
اسدل الليل ستاره أسندت حلا جسدها على الحائط منتظرة انتهاء نصائح شادية لها زفرت حلا بضجر
.. نصيحة كمان يا ماما واطلع اوضتي وانام انا اصلا مش عايزة اجي معاك وانت عارفة
.. انا بساعدك ان يبقى عندك صحاب وتكوني اجتماعية
نظرت لها حلا بإستنكار ووضحت لوالدتها
.. انا اجتماعية بس مع الناس اللي يناسبوني
.. طبعا طبعا
نهضت شادية واتجهت للباب وتبعتها حلا
.. حلا استني.
اوقفتها لمى بندائها وهي تنزل درجات السلم بتعجل توقفت الأخرى واستدارت اخذتها لمى جانبا لتحدثها بصوت خاڤت
.. مش عارفة انت مضايقة مني ليه بس عايزة مساعدتك في حاجة
سألتها حلا بإقتضاب
.. عايزاني اساعدك في ايه
اشارت لمى للباب اسفل السلم وهي تقول
.. الاوضة دي عندك مفتاح ليها
.. هتلاقيه في مكتب يامن اكيد
اجابتها