چرح غائر..بقلم نيرة محمد..الجزء الثاني والأخير.

حاجه اسمها حلوه ووحشه في ربنا عايز ايه  وقدرك ونصيبك هيكون مع مين وبالنسبه لدكتور كريم فانا حاسه انه هيكون العوض للي شوفتيه من اخوكي ومرات اخوكي فهمتيني 
ندي هزت دماغها بالموافقه علي كلامها وعلي وشها احلي ابتسامه امل للمستقبل 
في بيت نور كانت طالعه علي السلم لقت اللي بيشدها من ايديها وبيخدها في حضنه بصت عليه وهي بتترعش ومړعوبه بس اتنهدت براحه وحست بامان لما لقته عاصم حاولت تبعد نفسها عن حضنه بصعوبه واتكلمت بعصبيه لما شافت ابتسامته..ممكن اعرف انت بتضحك علي ايه وبعدين هو حضرتك صغير ولا مراهق عشان تشدني وتحضني كده افرض حد شافنا هيكون شكلنا ايه 
عاصم بنفس الابتسامه وببرود ..والله انا معملتش حاجه غلط واحد وبيحضن مراته ايه المشكله في كده وبعدين انتي اللي بتتهربي مني ومش مدياني فرصه اشوفك 
نور بضيق ..هتهرب منك ليه يعني وبعدين عن اذنك بقا  عايزه اطلع عشان ارتاح شويه 
عاصم بجديه مفأجاه..مش عايزه تسامحيني يانور 
نور اتنهدت بتعب واتكلمت بصدق ..عايزه اسامحك ياعاصم والله بس خاېفه 
عاصم بلهفه ..خاېفه من ايه ياحبيبتي 
نور بابتسامه حزينه..خاېفه منك خاېفه تجرحني تاني خاېفه توجعني وتكدب عليا تاني خاېفه متكونش فعلا بتحبني وساعتها چرحي منك هيكون بمۏتي لاني بجد تعبت من كل حاجه ومعتش عندي طاقه اني استحمل 
عاصم بصدق ..اديني فرصه واحده بس يا نور وانا هثبتلك بكل نفس فيا اني بحبك ثقي فيا مره واحده بس وانا هثبتلك اني اد الثقه دي صدقيني 
نور اتنهدت باستسلام ومسكت ايديه بحب واللي استقبلها وباسها بكل لهفه وفرحه انها سامحته واديتوا فرصه تانيه 
بعد شهرين كانت خطوبه ندي وكريم ندي كانت فرحانه بمعامله كريم اللينه ليها والحب والاحترام اللي باين في عنيه في كل تصرفاته معاها كانت حفله بسيطه في مكان بسيط ولكنه راقي بيضم عدد بسيط من الناس وهما الاقرب والاهم للعروسين ندي وكريم كانوا قاعدين بيستقبلوا التهاني والمباركه بخطوبتهم وفي مكان تاني بتبص عليهم بفرحه وحب نور اللي كانت قاعده جنب عاصم وماسكه ايديه بحب همست ليه بفرحه ..انا مبسوطه اوي يا عاصم  عشان ندي فرحانه وكريم شكله بيحبها 
وكملت بغيظ لما لمحت نظرات لبني الغيرانه ..بس شوف مرات اخوها بتبصلها ازاي بجد مقرفه 
عاصم ضحك عليها ورد بهدوء ..ندي تستاهل كل خير وكريم انسان محترم وملكيش دعوه انتي بمرات اخوها احسن تيجي تقتلنا واحنا قاعدين وهي شبه دركولا كده 
نور ضحكت علي كلامه وردت ..طب ممكن تقوم تسلم علي كريم وانا اقف جنب ندي شويه عشان متزعلش مني 
عاصم مسك ايدها بحب وقام سلم علي كريم وباركله ونور حضنت ندي وقعدوا يتكلموا بصوت هامس لبعض ويضحكوا جه عليهم امجد وملك اللي وجودهم صدمهم وامجد سلم علي كريم وحضنه جامد وملك سلمت علي ندي بابتسامه ورقه وباركتلها بس صدمتهم زادت لما كريم عرف امجد لعاصم ..دكتور عاصم ده دكتور امجد اخويا الكبير ودكتوره ملك مراته وده دكتور عاصم ومدام نورمراته صاحبه ندي
..ايوه طبعا دكتور عاصم زميلي وعارفه ياكريم اهلا دكتور عاصم 
ووجه كلامه لنور اللي بتبصله بابتسامه..اهلا يامدام 
عاصم صډمته زالت واتكلم بهدوء وترحيب ..اهلا بيك يا دكتور امجد والف مبروك لكريم وليك اتجوزت قريب اعتقد 
امجد بص لملك بحب ومسك ايديها وهي كانت في منهي الخجل من الموقف خاصه وهما كانوا في اجازه بيقضوها سوا ولسه راجعين ومتعرفين علي ندي دلوقتي بس نظرات  امجد ليها طمنتها وخلتها تقف بثقه..انا ودكتوره ملك متجوزين من شهور وفي بيبي جاي عقبالكم ان شاء الله 
عاصم بابتسامه وهدوء ..باذن الله الف مبروك ليكوا ربنا يقومها بالسلامه ان شاء الله عن اذنكوا يلا يا نور 
..ثواني يا عاصم هسلم علي ندي واحصلك 
بالفعل سلمت علي ندي اللي كانت مذهوله من الموقف هي كمان ونور استغلت انشغال امجد مع كريم في الكلام وقربت من ملك وسلمت عليها وهمستلها..مبروك يا ملك معرفش انك اتجوزتي غير دلوقتي فرحتلك اوي والله بس اتمني ميكونش في زعل بينا وتكوني مسمحاني من قلبك 
ملك ابتسمتلها واتكلمت بهدوء ..الله يبارك فيكي يا نور .واعتقد انك اخدتي بنصحتي واديتي لعاصم فرصه علي العموم يا نور انا مسمحاكي لانه في الاخر نصيب ولو مكنش ده حصل مكونتش قبلت احسن راجل في الدنيا واتجوزته ولا ايه 
نور ابتسمت ليها بفرحه انها سامحتها وهزت دماغها بموافقه علي كلامها ونزلت عشان تروح لعاصم اللي تقريبا خرج من القاعه لانها معدتش شيفاه 
في بيت عاصم ونور دخلوا وقفلوا الباب بهدوء عاصم قعد علي الكنبه بارهاق سمع سؤال نور المفاجئ ..كنت عارف ان ملك اتجوزت ياعاصم 
عاصم بهدوء ..اه عرفت من زمايلنا في المستشفي بس مكونتش اعرف ان جوزها يبقي اخو كريم فاستغربت من حضورهم الحفله 
نور اتنهدت بارتياح انه بيتكلم عادي ومش زعلان راحت  قعدت جنبه ومسكت ايديه باستها بحب ..انا بحبك  اوي يا عاصم 
عاصم بزعل ...بقالك شهرين معايا يا نور مسمعتش الكلمه دي ولا سامحه اني انام في اوضتك حتي لما انتي مش قادره تسامحيني من جواك رجعتيلي ليه 
نور بحزن حطت دماغها علي رجله واتكلمت پخنقه..مسمحاك ياعاصم من جوايا علي فكره بس مقدرتش اخليك تلمسني طول الفتره دي لاني مش قادره انسي ليله فرحي كانت ازاي وانت عملت فيا ايه انا اسفه 
عاصم رفع دماغها من علي رجله ومسك وشها بين ايديه واتكلم بحب ..انا اللي اسف يا نور بس كان ڠصب عني انا كنت تايه مش قادر احدد مشاعري من ناحيتك ايه بس دلوقتي مفيش في قلبي غيرك صدقيني وخلينا نبدا سوا وننسي اللي فات 
نور ابتسمت بحب وغمضت عنيها مستنياه يبدا هو فهم مشاعرها  وانها عايزاه يقرب وده اللي كان مستنيه قرب منها وباسها بحب وهدوء وحنان بعد شويه بعد عنها وهمس .وحشتيني 
نور فتحت عنيها واتكلمت بتقطع..وانت كمان 
عاصم باشتياق ..متأكده يانور انك عايزاني زي ما انا عايزك 
نور بخجل هزت دماغها بموافقه لقت نفسها مرفوعه في حضنه في ثواني ولف بيها وهو بيوعدها أنه هيثبت لها حبه وانها الكنز اللي ميقدرش يفرط فيه أبدا ووعدها بحياه كلها صدق وحب وسعاده وبس.. النهاية