چرح غائر..بقلم نيرة محمد..الجزء الثاني والأخير.

خلينا نحدد هنقدر نعيش من غير بعض ولا لا 
عاصم كان بيسمعها وحاسس پخنقه بسبب عدم ثقتها فيه قلبه وجعه ان الكلمه اللي اللي نطقها بصدق هي محستهاش ومصدقتهاش خرج من تفكيره واتنهد بضيق..ماشي يا نور اللي انتي عايزاه هعمله هديكي الوقت اللي تحبيه واحنا بعاد عن بعض زي ما انتي عايزه 
سكت شويه لما سمع تنهيدها براحه وكمل بحسم ..ومستني قرارك  الاخير هتكملي معايا ولا لا 
بعد مرور 5 شهور في بيت باين عليه الفخامه والزوق الراقي في اوضه من اوض البيت  صوت الفرحه والحب واللهفه اللي بيتكلم بيهم امجد لملك  كانوا مالين المكان امجد كانت دموع الفرح في عنيه حاطط ايديه علي بطنها بيلمسها بحنان ورقه..انتي بجد اللي بتقوليه مش قادر اصدق ياملك اني هكون اب من ابن منك انتي 
ملك رفعت ايديه وباستها بحب واتكلمت بابتسامه..لا صدق يا دكتور بعد 8 شهور بالضبط هيشرفنا  احلي ابن لاحلي اب وزوج في الدنيا كلها 
امجد قعد علي السرير وقعدها جنبه وبصلها بعشق ونطق بعدم تصديق ..مش قادر اصدق لغايه دلوقتي يا ملك اني حلمي اتحقق وبقيتي مراتي وكمان هيجيلي ابن منك حقيقي انا اسعد واحد في الدنيا بسبب وجودك في حياتي 
ملك بصتله بحب ونطقت بامتنان..انا اللي محظوظه بيك وبوجودك جنبي يا امجد انت احسن زوج بجد والعوض اللي ربنا بعتهولي عشان يفرحني وكمل فرحته بوجود حته مني ومنك جوايا 
امجد بابتسامه..بتحبيني ياملك 
ملك بصدق..قولتلك يوم ما هديك موافقتي علي جوازنا هتكون انت اللي في قلبي وبس انت  عيشتني فيه الكام شهر دول مشاعر وحب بسنين  كتير اوي يا امجد انا حقيقي بحبك 
وفي بيت اخو ندي 
..انتي ياهانم انتي مفكره نفسك ايه كل ما اجبلك عريس ترفضي شايفه نفسك علي ايه يعني 
ندي بدموع وعصبيه..انا مش شايفه نفسي ولا حاجه يا لبني بس مش من العدل ان ماما وبابا الله يرحمهم يتعبو عشان يعلموني واكون دكتوره واشرفهم وفي الاخر كل شويه تجبيلي عريس يا اما جاهل يا اما بلطجي حرام اوي كده يعني 
لبني باستفزاز..لا يا حبيبتي مش حرام ولا حاجه بس اديكي شايفه مش من كتر العرسان اللي بتجيلك يعني 
سكتت شويه لما شافت وش ندي بان عليه الۏجع من كلامها وكملت بسخريه..وبعدين الراجل بيجي للبنت الحلوه لكن انتي يعني زي ما انتي شايفه كده مفتقده الموضوع ده 
ندي كانت بتبصلها بزهول وصدمه من جبروت وقوه اللي واقفه قدامها وبتجرح انسانه زيها بكل ډم بارد مقدرتش غير تنطق پقهر وۏجع ..حسبي الله ونعمه الوكيل فيكي يا لبني
لبني عصبيه الدنيا اتملكت منها ساعتها قربت منها ومسكت ايديها بعصبيه واتكلمت بقرف..بقولك ايه انتي بت قليله الادب ولما يجي اخوكي ليا كلام معاه ما هو انا مش متجوزه اخوكي بيكي دي حاجه بقت تقرف والله 
ندي شدت ايديها منها وجرت علي اوضتها عشان تطلع كل اللي جواها براحتها من غير شماته اللي قدامها قفلت عليها الاوضه وجرت علي السرير وكتمت نفسها بالمخده واڼهارت من العياط كانت دموعها وقهرها دموع يتم وكسره واحتياج كانت بټعيط علي امها وابوها اللي كان وجودهم بس امان ودفا وسند كانت بتفكر لو كانوا موجودين مكنش مرات اخوها اتمتعت بكسرتها وعڈابها ومعايرتها في كل وقت بانها قاعده معاهم وانها مش حلوه وحاجات كتير تكسر وتوجع وتعدم الثقه في النفس قاطع اڼهيارها تلفونها اللي رن قامت بصت علي الرقم لقت نور اللي بترن عليها حاولت تهدي نفسها عشان صوتها يبان طبيعي لكن طلع فيه بحه ڠصب عنها ..الو 
نور بمشاكسه..ايه يابت انتي لسه نايمه ولا بتاكلي ولا بتذاكري يا دحيحه كالعاده 
ندي ابتسمت رغم ۏجعها واتكلمت بهدوء ..ايه يا هانم انتي هتحسديني ولا ايه من بعض ماعندكم يادكتور 
نور حست بيها رغم صوتها الهادي اتكلمت بجديه..مالك يا ندي حاسه ان في حاجه مضيقاك 
ندي اتخنقت بالدموع ..مفيش يا نور انا كويسه 
نور بتصميم..لا في حاجه وهتحكيلي بس انزلي نتقابل في الكليه ونتكلم 
ندي باستسلام ..ماشي يا نور هغير وانزل علي طول 
بعد ساعتين كانت ندي في الكليه وقاعده قدام نور وبتحكيلها كل اللي حصل نور كانت بتسمعها بحزن وخنقه ردت بضيق بعد ما ندي خلصت كلامها..هتفضلي لغايه امتي تسكتي ومتحكيش لاخوكي علي اللي مراته بتعمله فيكي يا ندي هي كده زودتها اوي معاكي ومش من حقها علي فكره 
ندي بدموع ..اقوله ايه يا نور واعمل مشاكل وانا مليش مكان غير بيتهم وبعدين هي معاها حق انا مش حلوه فعلا 
نور بعصبيه..ممكن تخرسي خالص انتي ازاي تقولي علي نفسك كده كل واحده فينا ليها جمالها ياندي كل البنات حلوين وانتي اولهم اخر مره اشوفك بالضعف ده فاهمه ولا لا 
ندي ابتسمت ليها بضعف ولسه هترد سمعت صوت الدكتور بتاعهم في الكليه صباح الخير يابنات..بعد اذنك يا انسه ندي حابب اتكلم معاكي كلمتين بس 
نور وندي بصوله پصدمه نور كانت هتقوم بس ندي بصت ليها برجاء انها تقعد ردت عليه پصدمه وتوتر ..صباح النور يادكتور بس نور اختي حضرتك ممكن تقول قدامها عايزني في ايه 
دكتور كريم وهو في 35 من عمره اتكلم برزانه وهدوء ..انسه ندي انا هكون صريح معاكي واتكلم علي طول انا معجب بيكي من اول السنه بس صبرت لغايه ما اشوف تصرفاتك واسال زمايلك عليكي والكل كان كلامه عليكي ان مفيش في اخلاقك واحترامك وانا مش عايز اكتر من كده عشان اسلمك اسمي وتكوني زوجتي لو حصل نصيب فحابب اعرف رقم والدك عشان احدد معاد معاه الا لو فيه مانع منك  علي شخصي 
ندي كانت بتبصله بزهول وعدم تصديق بصت لنور لقت الابتسامه والفرحه باينه في عنيها بوضوح وجهت نظراتها ليه تاني كان مبتسم ومستني ردها اخيرا لقت صوت تتكلم بيه نطقت بتوتر وخجل ..حضرتك قمه في الاحترام ومفيش مني اعتراض علي شخصك او حاجه بس انا اتفأجات شويه وبالنسبه لبابا الله يرحمه مټوفي انا عايشه مع اخويا بعد وفاه ماما وبابا 
كريم بحزن ..ربنا يرحمهم يارب خلاص رقم اخوكي وانا اتواصل معاه 
ندي ..اخويا وليد رقمه .......
كريم ابتسم بهدوء بعد ما اخد الرقم واستاذن منهم ومشي بعدها ندي بصت لاثره بتوهان كلمت نور ..هو اللي حصل ده حقيقي 
نور بضحك عليها..اه طبعا يا قمر طلع عندك معجبين ومحبين اهو ياخبيثه انتي وبعدين هو يطول اصلا انتي مفيش منك يا ندود 
ندي بحب ..انا بحبك اوي يا نور انتي احسن صاحبه في الدنيا علي طول تديني ثقه في نفسي وامل في الدنيا وبعدين انا بس مستغربه ان مرات اخويا وكلامها ليا انهارده وواحد زي دكتور كريم في ادبه واخلاقه ووسامته يجيلي في نفس اليوم ويقولي انو عايز يتجوزني كان فيه حكمه من الموضوع بس مش فهماها 
نور بهدوء وتعقل ..الحكمه واضحه يا ندي وهي ان مفيش