نظرية البيست فريند بقلم شهد محمد
بس مش دلوقتي مستني الوقت المناسب بس انا بقا عايزكم تتجوزو انهارده قبل بكرا هو قالي مقولش لحد بس انتي مش حد فا عادي
ضحكت وانا بقولها
_خلاص يا تيته انا هكون معاكي وعندك كل يوم لحد ما يجي الوقت المناسب ونتجوز لكن مقدرش اخد اي خطوه مدام هو لسه متقدمليش
_يعني انتي كمان بتحبيه وموافقه عليه
قولتلها بكسوف
_ألحمد الله طمنتي قلبي كنت خاېفه يكون حب من طرف واحد المهم كلامنا ده يكون سر انتي متعرفيش حاجه وانا مقولتش حاجه اتفقنا
_اتفقنا يا تيته
قولتها وانا بضحك معاها كانت جميله ملامحها مريحه شويه وكان جيه وفي إيده الصنيه قعدنا كلنا سوا شربنا الكاكاو واكلنا من الكيك ولعبنا مع ريكو الكلب بتاعها
الوقت اتأخر كان لازم امشي سلمت عليها ومشينا سوا انا وهو وصلني وكنت سعيده سعيده للغايه بصيت ليه وقولت
_ليه كدبنا عليها وفهمنها اني محجبه
_هقولك بعدين
_امم طيب كان ايه قصدك لما قولت اني احتليت
_ماهي قالتلك انك احتليتي قلبها وقلبي
وصلنا لحد البيت وسلم عليا وباس إيدي وقال إن بكرا فيه مفاجأه حلوه
وكالعاده طلعت اغير هدومي واستنيت سلمى صاحبتي تيجي عشان احكيلها ومفيش نص ساعة وكانت جت
قعدنا سوا حكتلها عن كل حاجه حصلت انبسطت ليا كانت فرحانه اني اخيرآ لقيت حبي اللي كنت بدور عليه وسط ورق الروايات كنا قاعدين بناكل الاندومي واحنا بنتفرج على فيلم ابيض واسود وقطع اندماجي مع الفيلم صوتها وهي بتقول
اتوترت بصيت ليها وانا بقول
_خدتها ازاي يعني اكيد صدفه اشترينا زي بعض
_لاء يا روز انا شفتها عندك في أليوم اللي اختفت فيها من عندها طيب بلاش البلوزه ليه خدتي المج بتاع شيري زميلتنا
_انا مخدتش حاجه انتي بتقولي ايه
_روز انا شفت بعيني كل الحاجات دي طب اقولك بلاش كل دول ليه خدتي الروج بتاعي مع انك لو كنتي طلبتيه مني مكنتش هتأخر عليكي
_معرفش صدقيني معرفش انتي عارفه اني مش محتاجه كل دول بس بعمل كدا ڠصب عني والله مش بحس بنفسي والله
_طيب اهدي يا حبيبتي انا مش هأذيكي ولا فكرتي عنك هتتغير ممكن تهدي
_سلمى صدقيني كل مره بعمل فيها كدا بحس بتأنيب ضمير وببقا عايزه ارجع الحاجه اللي خدتها بس مش بعرف صدقيني يوم ما بعمل كدا بنزل الشارع اعمل اكتر من ٥٠ صدقه واساعد الناس المحتاجه وبجيب اكل للقطط والكلاب بحاول اكفر عن ذنبي يمكن ربنا يغفرلي صدقيني انا مش محتاجه
_معرفش معرفش
جت قربت مني وخدتني في حضنها هدتني وقالت انه ممكن يكون مرض معقوله انا مريضه مريضه وحراميه! قعدنا نعمل سيرش على كل المواقع لحد ما اكتشفنا انه مرض فعلآ مرض الهوس بالسرقه وليه علاج نفسي سلمى فضلت معايا طول اليوم اقنعتني اني مش حراميه دي حاجه مش بإيدي اقنعتني اني هتعالج وهخف من ألمرض وعدتني انه هيكون سر مابينا بس اللي انا اعرفه إن انا حراميه! اللي انا اعرفو ان مستحيل اي راجل يتجوز بنت حراميه حتى لو كان مرض .. مكنتش باخد بالي من اللي بعمله مكنتش بحس بنفسي
