نظرية البيست فريند بقلم شهد محمد
وطلعت الفلوس وقبل ما امشي خدت من الشكولاته اللي قدام الكشير حطيت منها في شنطتي وحاسبت وطلعت البيت مع سلمى وكنت قاعده في مكتبي مندمجه في شغلي لحد ما قطعني دخوله وهو بيقولي
_مستعده اوريكي حاجه مهمه
بصيت ليه وانا مبتسمه وقلعت نضارة القراه وانا بقوله
_المرادي احتليت ايه من اجلي
_لاء المرادي انتي اللي احتليتي
_هتعرفي لما نروح هناك
_بس انا لسه مخلصتش شغل
_مش مهم الشغل يلا دلوقتي ونكمل بعدين
_خلاص اللي انت شايفه
قولتها وابتسمت ليه وقومت خدت شنطتي ونزلنا سوا وانا إيدي في إيديه .. الشركه كلها بقت عارفه ان فيه حاجه بيني وبينه كلهم بلا استثناء عارفين اننا مرتبطين بس السؤال اللي دايما بيهاجمني احنا ايه
وقف عربيته قدام محل وبص ليا وهو بيقول
_ممكن اطلب منك طلب!
_اكيد طبعآ ايه هو وانا موافقه عليه من قبل ما اعرفه
_عايزك تنزلي المحل ده تشتري طرحه وتلبسيها يا روز
بصيت ليه في صمت مش عارفه احدد معنى كلامه
..هو ليه عايز كدا ليه بيطلب كدا
_عارف ان طلبي غريب بس معلش هتعرفي ليه طلبت كدا لما نروح هناك
بصيت ليه وابتسمت وهزيت راسي بمعنى موافقه ونزلت ودخلت المحل واشترينا طرحه بيضه كنت لابسه دريس ازرق طويل على هيلز ابيض لقيت الطرحه البيضه هتكون لايقه عليه لبستها وخبيت كل خصل شعري بص ليا وقال
_طب تعرفي ان كدا احلى
بصيت في المرايا واتأكدت من كلامه فعلآ كان شكلي جميل
_ادخلي يلا
شد إيدي ودخلنا سوا كان بيت لذيذ زاي بيوت زمان البيوت اللي بنرتاح فيها دي ولما دخلنا كان فيه ست في حدود السبعينات قاعده وهي لابسه نضارة النظر وفي إيديها الكورشيه وتحت رجليها كلب صغنن بيلعب في كور الكورشيه راح ناحيتها وقال
بصت ليه وابتسمت ابتسامه جميله ورحبت بيا وخدتني من إيدي قعدتني جنبها بصت ليه وقالت
_دي زاي القمر يا يوسف واحلى من القمر كمان
ابتسمت وانا بقولها
_ربنا يخليكي يا تيته
بصت ليه وقالت
_انت هتفضل قاعد معانا ولا ايه روح يلا اعملنا كوبايتين شاي ولا لاء لاء انا مبحبش الشاي اعمل اتنين كاكاو بتشربي الكاكاو يا حبيبتي
_مالوش لزوم يا تيته
_لاء ليه لزوم يلا يا يوسف اتنين كاكاو وقطع من كيكة التفاح اللي انا عملتها
_حاضر
قالها وسابنا ومشي مين كان يصدق إن مدير ليه منصب مهم وشركات بيدخل المطبخ بنفسه وهو كمان اللي هيعمل الكاكاو!
مسكت إيدي وهي بتقول
_انتي بقا اللي احتليتي قلب ابن ابني
عضيت على شفايفي وبصيت لتحت وانا مكسوفه وقولت
_انا
_اه انتي يا حلوه يا بريئه يا رقيقه يالي احتليتي قلبي انا كمان
_ربنا يخليكي يا تيته والله حضرتك اللي جميله وډخلتي قلبي
_خلاص يبقا تعيشي معايا الباقي من عمري
_ربنا يديكي طولت العمر
_هيديني بس انتي توافقي انك تتجوزي ابن ابني انتي بتحبيه وهو بيحبك يبقا هنستنا ليه
_بس يعني احم هو مجبش سيره عن الكلام ده
_مظبوط بصي يا روز يوسف مالوش غيري وماليش غيره كان بيحكيلي عليكي لحد ما لقيتني بطلب منه اني اشوفك حبيتك من كلامه عليكي وهو قالي انه بيحبك وانه هيطلبك للجواز
