تزوجت أخي بقلم آية حسن

ان امها تعبانة وجريت عليهم بسرعة
سلمى.. مالها ماما !
سميحة.. مش عارفة الظاهر ان قلبها تعب
سلمى راحت بسرعة على أوضة أمها ومسمعتش لمراد وهو بينده عليها وجري وراها
سلمى دخلت عند نازلي وقربت منها پخوف ومسكت ايدها.. مالك يا ماما!
نازلي نايمة ع ضهرها واتكلمت بتعب.. انتي سبتي جوزك وجاية ليه
سلمى.. الدادة الجديدة قالتلي انك تعبتي هو انتي مخدتيش العلاج ولا ايه 
نازلي.. خدته دلوقتي وهبقى كويسة
دخل مراد عليهم.. مالك يا طنط سلامتك
نازلي.. الله يسلمك خد مراتك وروحوا أوضتكم
سلمى.. لا انا هفضل جنبك مش هسيبك الا لما تبقي كويسة
نازلي بتسحب نفسها بصعوبة.. ازاي يعني هتسيبي عريسك فليلة فرحه
سلمى بصت على مراد.. اكيد مراد مقدر تعبك
نازلي.. مينفعش يا حبيبتي
مراد.. خليها يا طنط انا فاوضتي ولو احتجتوا حاجة أنا هفضل صاحي
خرج مراد وهو مضايق فنفسه .. وسلمى فضلت مع مامتها طول الليل
مراد الشافعي 30 سنة شغال مع والده ف شركتهم عنيد جدا وشاب طموح وناجح معاه أخت واحدة ..اتجوز من حبيبة عمره سلمى اللي أصرت أنه ميكونش في اي ارتباط رسمي غير بعد ما تخلص كليتها .. درست في كلية الطب وعايشة مع والدتها نازلي اللي مالكة أكبر الشركات التجارية بعد جوزها عمران ما ماټ
تاني يوم الصبح دخلت سلمى عند مراد وكان نايم .. مسحت ع دراعه برفق عشان تصحيه بس الظاهر أنه منمش بالليل 
محسش بإيدها ابتسمت بخبث بعد ما فكرت شوية وقامت صړخت فودنه
سلمى بصړاخ.. مراااااد
مراد قام من النوم مڤزوع.. ايه في ايه .. مين
سلمى اڼفجرت فالضحك على شكله .. مراد زاح الغطا وجري وراها وهي لسه بتضحك بس مقدرتش تفلت منه وشالها
مراد.. بقا كدة جاية تخضيني .. وربنا ما انا سايبك
سلمى بصړاخ.. نزلني
فضل يلف بيها وهي تصرخ لغاية ما وقعها ع السرير وهي مش عارفة تتحرك
مراد.. ها ايه رأيك
سلمى.. خلاص مش هعمل كدة تاني
مراد مش عايز يتحرك وسلمى اتكسفت من قربه منها بالطريقة دي حاولت تزقه معرفتش
سلمى بضعف.. لو سمحت يا مراد ابعد عني
مراد بهمس.. مفيش بعد خلاص .. مش كفاية انك سبتيني لوحدي الليلة اللي فاتت .. انا بقا هعاقبك بطريقتي
سلمى بتحاول تبعده عنها بس مش عارفة ومكانش قدامها حل غير أنها تستسلم له الباب اتفتح فجأة عليهم .. سميحة أول ما شافتهم بالوضع دة اترسم على وشها الڠضب
مراد بعد عن سلمى وقام پغضب.. انتي ازاي تدخلي علينا كدة انتي جرا فمخك حاجة
سميحة بإحراج.. آسفة يا بيه بس انا جيت عشان الفطار جهز
مراد بتذمر وتحذير.. طب اتفضلي واياكي تدخلي علينا بالطريقة دي تاني والا مش هيحصلك كويس
سميحة بضيق فنفسها.. حاضر
مشيت ومراد نفخ بضيق
سلمى.. أهدى يا مراد هي عشان جديدة مش عارفة النظام اكيد مش قصدها
مراد بحنق.. دة مالوش دعوة بالنظام في حاجة اسمها ذوق انا رايح آخد دش
دخل مراد الحمام وهو مضايق وسلمى راحت ناحية الدولاب تغير هدومها
فشركة عاصم الشعراوي دخل واحد مكتب المدير
عاصم.. في حاجة يا كريم
كريم.. في مصېبة المواشي اللي احنا اشترناها من مزارع الدهشوري معظمها ماتوا
عاصم قام پصدمة.. انت بتقول ايه ازاي الكلام دة
كريم.. معرفش انا جالي تليفون من نشأت بيقوللي الحق العجول بتفطس جريت اشوف في ايه لقيتهم كوام على الأرض واللي باقيين منهم بيطلعوا في الروح اديتهم أوامر يدبحوهم قبل ما يموتوا
عاصم.. دي کاړثة
كريم.. المفروض ان اللحمة اللي خارجة من المصنع تتسلم للشركة الإيطالية عشان نغطي جزء من طلباتهم والناس دي مبتهزرش
عاصم.. والعمل دلوقتي ايه
كريم.. لازم مراد ييجي يشوف هيتصرف ازاي
مراد ع السفرة مع سلمى ونازلي
نازلي.. معلش يابني خليت مراتك تبعد عنك ف يوم فرحك
مراد كان سرحان وفاق على صوتها.. ها ولا يهمك يا طنط المهم صحتك
نازلي.. قولولي بقا ناويين تقضوا شهر العسل فين.
سلمى.. أنا بفكر نأجل السفر دلوقتي
مراد بصلها وسكت
نازلي.. ليه يا حبيبتي كدة
سلمى.. يا ماما انتي تعبانة وغير كدة افتتاح المستشفى قرب وانا لسه مروحتش حتى ابص عليها
نازلي.. وهو دة سبب برضو تلغي شهر عسلك ما تتكلم يا مراد
مراد نزل المعلقة.. اتكلم اقول ايه هي حتى مخدتش رأي جوزها قبل ما تاخد قرار زي دة
سلمى بصت ل أمها وبعدين بصت ل مراد وكانت لسه هتتكلم