بسمتي بقلم حليمة حدادي

عايزاكم ..
ووقعت مغمى عليها جميلة جريت ناحيتها
جميلة پخوف ودموع بنتي فوقي ياحبيبتي أنا مش هسيبهم يأخذوكي ..
علي إنتوا إزاي عايزين تجوزوا بنت متجوزه ..
كلهم بصوا لعلي بإستغراب 
منصور ياترى مين هو جوزها ..
علي بثقة أنا جوزها على سنة الله ورسوله ..
حسن ضحك بصوت عالي 
حسن هههه جوزها إزاي وإنت بالحاله دي ..

جميلة ومالها حالته علي جوز بنتي وهي بتحبه وعايزه تكمل حياتها معاه ولو كنت بتقصد اعاقته فالإعاقة مش إعاقة الرجلين الإعاقة إعاقة القلب والعقل ودي عندكم ..
منصور پغضب اسكتي يامرة فين عقد الجواز اللي يثبت كلامه ..
علي إحنا لسه متجوزين جديد وعقد الجواز لسه مطلعش اعطينا مهلة ..
منصور بغيظ أنا همشي دلوقتي وهرجع بكرة ولو اكتشفت إنكم بتكذبوا عليا ساعتها تصرفي مش هيعجبك لا إنتي ولا بنتك
أنا هسيب رجالتي هنا ولو حاولتي تهربي هيقتلوكي يلابينا ياحسن ..
غادروا المكان جميلة قعدت وهي حزينة هي عارفه جبروتهم وقسوتهم 
كريم هتعملي إيه دلوقتي ..
جميلة بنتي في خطړ مش هيسبوها في حالها ..
علي هما ليه مصرين ياخذوا بنتك ..
جميلة أبوها سابلها أرض بإسمها وهما عايزين ياخذوها منها وكمان بيت في المدينة عايزين ياخذه ..
كريم روحي للبوليس واشتكي عليهم وهما هيحموكي ..
جميلة هما مراقبني ولو اتصرفت أي تصرف هيقتلوا بنتي هما مافيش في قلبهم رحمة ..
علي كريم اسمع اللي هقولوا كويس إنت هتروح وتجيب مأذون وتيجي وهيعملنا عقد جواز بتاريخ قديم وبكدا جدها هيبعد عنها لما يشوف ..
كريم مين اللي هيتجوزها هنلاقي حد يوافق على الجواز ..
علي أنا اللي هتجوزها وهتبقى في حمايتي لحد ماجدها يبعد عنها وبعد كدا هطلقها إيه رأيك ياست جميلة ..
جميلة اللي تشوفه يابني ..
كريم خرج وعلي قعد يفكر اللي بيعملوا دا صح ولالا
عند بسمة لما فتحت عينيها افتكرت كل اللي حصل شافت جوري قاعدة جنبها 
بسمة پبكاء ماما علشان خاطري ابعديهم عني ..
جوري اهدي ياحبيبتي خلاص مشيوا ..
بسمة إنتي بتتكلمي جد ..
جوري بفرحة أيوه مشيوا يلا قومي جهزي نفسك ياعروستنا ..
بسمة بإستغراب إيه ..
الفصل 5
رواية_بسمتي بقلم_حليمة_عدادي
بسمة بإستغراب إنتي بتقولي إيه ياجوري مين دي اللي عروسة ..
جوري حكتلها كل اللي حصل 
بسمة إنتي بتتكلمي جد ولا بتهزري ..
جوري لازم تنبسطي ياحبيبتي إنتي هتتجوزي حبيب القلب ..
بسمة بس ياجوري إنتي فاكره إنه بيحبني هو عمل كدا علشان يساعدني ..
جوري أنا همشي دلوقتي أتأخرت وبابا هيتعصب عليا ..
هبقى أكلمك علشان أعرف عملتوا إيه
خرجوا من الأوضة بسمة ودعت جوري
بسمة أنا آسفة مكنش في داعي إنك تدخل نفسك في المشاكل ..
علي ماتقوليش كدا كان لازم أساعدكم ..
كريم قاطع كلامهم لما دخل وهو والمأذون
كريم علي إنت واثق من قرارك ..
علي أيوه ياكريم هي محتاجه مساعدتنا ..
تم كتب كتاب علي وبسمة
بسمة كانت مبسوطه لأنها اتجوزت من الإنسان اللي بتحبه ولكن فرحتها مكنتش كامله لأنها عارفه إنه هيتجوزها علشان يساعدها وبس
علي طنط جميلة بسمة هتعيش معايا في بيتي رجالة جدها حوالين البيت آنسة بسمة جهزي نفسك لازم نمشي ..
كريم أنا همشي وإنت مراتك هتجيبك سلام ..
كريم خرج يجري لبرا من غير مايستنى رد علي
جميلة يلا يابسمة خذي جوزك وروحوا على بيتكم ..
وقفت بسمة مش عارفه تعمل إيه بين ليلة وضحها اتقلبت حياتها 
علي ست جميلة إنتي هتيجي معانا ..
جميلة لا يابني روحوا إنتوا أنا هجيلكم الصبح ..
_____________________
بسمة وعلي وصلوا قدام البيت ساعدته بسمة إنه يدخل استقبلهم كريم 
كريم أهلا بيكي في بيتك يامرات أخويا هحضر لكم العشى ..
بسمة لا ماتتعبش نفسك أنا هعمله ..

كريم النهاردة إنتي ضيفتنا ومن بكره تقدري تدخلي المطبخ جوزك تعبني وأنا بحضرله الأكل كل يوم 
أخيرا هرتاح منه ساعديه علشان يغير هدومه وتعالوا علشان تتعشوا ..
ساعدته يدخل أوضته ويغير هدومه لآخرى مريحة 
علي البيت مافيهوش غير أوضتين هنام في أوضة واحدة أنا هنام على الأرض وإنتي نامي على السرير علشان تكوني على راحتك ..
بسمة برفض لا إنت نام على سريرك وأنا هنام على الأرض مافيش مشكله ..

علي أنا شايف إننا مش هنتفق ..
بسمة أنا شايفه إن السرير كبير هنعمل حاجز في النص وكل واحد ينام في ناحية ..
علي فكرة كويسه ..
بسمة متشكرة أتمنى إن وجودي هنا الفترة دي مايسببلكش إزعاج ..
علي مافيش إزعاج ولاحاجة أهلا بيكي إعتبري البيت بيتك ..
سمعوا صوت كريم بيناديهم
كريم ماتناموش العشى جاهز ..
قعدوا على السفرة بسمة كانت مكسوفه وهي قاعده معاهم مش قادره تاكل 
كريم مرات أخويا أنا شايفك مش بتاكلي الأكل مش عاجبك ..
بسمة بنفي لا بالعكس الأكل حلو أوي تسلم ايديك ..
كريم متتكسفيش مني اعتبريني أخوكي ..
بسمة أنا مش عارفه اشكركم إزاي أنا مش هنسى معروفكم دا أبدا ..
كريم ساعدي جوزك علشان ينام وماتنسيش الدوا بتاعه ..
بسمة هنظف الأطباق الأول روح إنت ..

كريم إحنا قولنا إيه بكرة المطبخ هيكون ليكي ..
بسمه زقت الكرسي لجنب السرير ساعدته يقعد على السرير وشربته الدوا
علي أنا متشكر تعبتك معايا كريم كان دائما بيساعدني مش عارف ماله النهاردة هيتعود على كدا ..
بسمة بإبتسامة مافيش شكر بيننا ..
طفت النور ونامت جنبه 
بسمة بتكلم نفسها اه لو تعرف أنا مستعدة إني اخدمك طول حياتي حبك كان حب من أول نظره
الفصل 6
رواية_بسمتيبقلم_حليمة_عدادي
عدت الايام وبسمة عايشه مع علي بسمة حبها لعلي كل يوم بيزيد أما علي فبدأ يتعلق بيها وبقى متعود على وجودها معاه
أما كريم بيحاول بكل جهده علشان يخلي علاقة بسمة وعلي تتطور لأنه شايف قد إيه هي بنت طيبه وعلي مش هيلاقي واحدة أحسن منها
علي بسمه أومال فين كريم أنا ماشفتوش من الصبح ..
بسمة خرج قال إن عندوا شغل مهم ..
حل الصمت بالمكان لحد مابسمه قررت إنها تسأله
بسمة علي إنت ماكلمتنيش عن نفسك خالص ..
علي عايزه تعرفي إيه عني ..
بسمة فين عيلتك إنت مش معاهم ليه و.... سكتت بسمة ..
علي كملي أنا بالحاله دي من إمتا ..
بسمة بحرج أنا آسفة مقصدش إني أقلب عليك المواجع هو بس سؤال ..
علي محصلش حاجه أنا عندي عيلة لكن أنا بروح مع اخويا لأي مكان بيروحوله علشان محسش إني ثقيل على حد ..
كريم بيحبني وعمروا ماحسسني إني عبئ عليه وبخصوص اعاقتي فأنا بالحاله دي من وأنا صغير ..
بسمة أنا بعتذر آسفة لو سؤالي ضايقك ..
علي أنا ما اضايقتش أنا اتعودت واحد معاق ومريض زيي فطبيعي إن الكل يسأله ..
بسمة مرة ثانية ماتقولش إنك عبئ أنا هنا مش هخليك تحس إنك عبئ على حد مهما حصل ..
علي وإنتي ذنبك إيه علشان تستحملي واحد بحالتي دي ..
بسمة أنا معاك ومش عايزه أسمع منك كلمة حالتي مالها حالتك خليك واثق من نفسك ومتخليش كلام الناس يأثر عليك ..
علي بسمة ماتزعليش مني إنتي عارفه إني لما بكون مضايق مش باخذ بالي من كلامي ..
بسمة ماشي فاضل آخر سؤال ولومش عايز تجاوب إنت حر ..
علي اسألي ..
بسمة إنت حبيت قبل كدا في واحدة في حياتك 
علي لا أنا ماحبتش قبل كدا قضيت عمري حابس نفسي في البيت بين أربع حيطان مافكرتش