بسمتي بقلم حليمة حدادي

أنام ..بسمه دخلت أوضتها 
جميلة ماهتمتش ودخلت أوضتها 
بسمة فردت جسمها على السرير لكن ماجلهاش نوم كل ماتغمض عينيها تشوف صورته قدامها 
_____________________________________________
بسمة فاقت على أذان الفجر كلمت صاحبتها هما متفقين اللي تصحى الأول تكلم الثانية علشان يصلوا سوى 
جوري بنعاس مين الغبي اللي بيتصل دلوقتي ..
بسمة اصحي ياكسولة علشان تصلي ..
جوري بسمة أنا آسفة نسيت ..
بسمة المهم جوري أنا عايزاك بكرة بالليل تيجي لعندي ..
جوري تمام هحاول إني أجي إنتي عارفه بابا من يوم موضوع عمتي وهو متعصب ..

بسمة ماشي حاولي ..
بسمة قفلت مع جوري ودخلت الحمام اتوضت وأدت فرضها وقرأت وردها اليومي وخرجت علشان تجهز الفطار لقت أمها واقفه في المطبخ 
بسمة أنا كنت جايه أجهز الفطار ..
جميلة مش مشكلة تعالي افطري علشان تنزلي شغلك وأنا هاخذ الفطار للشاب وأخوه واطمن على على حالة الراجل التعبان ..
بسمة مش عارفه ليه فرحت 
بسمة بجد ياماما هتاخذيلهم الفطار أنا جايه معاكي ..
جميلة وشغلك يابنتي كدا هتتأخري ..
بسمة مش هتأخر لسه بدري ..
كريم فاق بص على علي لاقاه فايق 
كريم بقلق علي إنت كويس حاسس بإيه دلوقتي ..
حط إيده على رأسه يتأكد من حرارته كانت حرارته نزلت ..
علي ماتقلقش أنا بقيت كويس ..
سمعوا خبط على الباب 
علي بإستغراب مين اللي هجيلنا بدري كدا ..
كريم يمكن دي طنط جميلة قالت إنها هتيجي علشان تطمن عليك ..
قام كريم علشان يفتح الباب كانت جميلة 
كريم بإبتسامة أهلا وسهلا إتفضلوا ..
جميلة أخوك عامل إيه دلوقتي جبتلكم فطار أتمنى تقبلوه مني ..
كريم بتقولي إيه ياطنط أنا مش هنسى اللي عملتوه معانا إمبارح إتفضلوا ..
جميلة بإبتسامة حمدالله على سلامتك يابني عامل إيه دلوقتي ..

علي الله يسلمك أنا بقيت كويس الحمدلله ..
جميلة خذ الفطار كله إنت وأخوك ولو احتجتوا حاجة انده عليا ..
أما بسمة مش عارفه جرالها إيه كلما تشوف علي ماتقدرش تبعد عينيها عنه 
كريم طب اقعدوا إفطروا معانا ياطنط جميلة ..
جميلة لا يابني إحنا مستعجلين بالف هنا ..
كريم تسلمي تعبناكي معانا ..
علي أنا متشكر وآسف تعبناكم معانا ..
بسمة ردت بسرعة مافيش تعب ولاحاجة ..
بسمة اتكسفت بسبب تسرعها في الرد
جميلة عن أذنكم لازم نمشي يلابينا يابسمة هتتأخري على شغلك ..
خرجت جميلة وبسمة 
بسمة مع السلامه ياماما أنا همشي دلوقتي ..
جميلة خلي بالك من نفسك ..
دخلت جميلة للبيت وبسمة راحت لشغلها مشي لأنها مش بتحب المواصلات ..
بسمه بتشتغل في محل ملابس وطول الطريق لشغلها علي ماراحش من بالها مش عارفه هي بتفكر فيه ليه

بسمة بإبتسامة صباح الخير ياعم أحمد ..
أحمد صباح النور تعالي يابنتي عايز اتكلم معاكي ..
بسمة خير ياعم أحمد ..
أحمد النهاردة آخر يوم ليا في السوق هروح لبنتي علشان أعيش معاها تقدري تمشي دلوقتي علشان تدوري على شغل ..
بسمة تمام أقدر أمشي ..

أحمد أيوه يابنتي ..أعطاها باقي مرتبها
بسمة مشيت من المكان وهي حزينة هتلاقي شغل إزاي أمها مريضة وإيجار البيت والمصاريف
طول الطريق كانت بتفكر إزاي هتلاقي شغل فاقت من شرودها لما وصلت قدام بيتهم
بسمة اټصدمت لما شافت علي واقع علي الأرض وبيحاول إنه يقوم راحت له بسرعة ساعدته إنه يقعد على الكرسي ونظفت هدومه من التراب 
بسمة خرجت وحدك ليه لومكنتش جيت في الوقت المناسب كان ممكن يحصلك حاجة..
علي بعصبية وإنتي دخلك إيه أنا ماطلبتش منك المساعدة أمشي من هنا أنا مش محتاج لحد ..
بسمة مشيت وهي حزينة ليه بيعاملها بالشكل دا
كريم خرج كريم على صوت علي العالي 
كريم علي في إيه إنت متعصب كدا ليه أنا قلتلك ماتخرجش لوحدك في حد ضايقك ..
علي كنت عايز اتحرك ووقعت والانسه ساعدتني ..
حكاله علي كل اللي حصل
كريم إنت غلطان ياعلي البنت ساعدتك وإنت احرجتها ..
علي بزعل أنا عارف إني غلطان لكن لما وقعت حسيت بالعجز وهي جت في وقت أنا كنت متعصب فيه أعمل إيه دلوقتي ..

كريم بسيطة اعتذرلها ..
علي إيه ..
كريم من إمبارح وهي بتقدملك المساعد وإنت غلطت في حقها لازم تعتذر ..
علي تمام بالليل خذني لبيتهم علشان أعتذر لها ..
____________________________________________
بسمة دخلت بسمة البيت وهي حزينة 
جميلة بقلق مالك يابنتي رجعتي بدري ليه ..
بسمة صاحب الشغل قفل المكان مش هيشتغل تاني ..
جميلة معلش ياحبيبتي هتلاقي غيروا بإذن الله إرتاحي شوية على بال ما أحضر الغدا ..
قعدت بسمة تفكر ليه حست إن قلبها خرج من مكانه لما شافت علي واقع على الأرض هو دا اللي إسمه حب 
بسمة حب حب إيه لا دا مش حب أنا أكيد اټجننت أنا مش عارفه مالي أنا لسه شيفاه من مدة قصيرة .. ____________________________________________
علي كان قاعد وكريم بيحضر الأكل 
علي أنا شايف إن الناس دول طيبين أوي ساعدونا من غير ما يعرفوا عنا حاجة ..
كريم فعلا طنط جميلة ست طيبة هي وبنتها ..
علي الأكل جهز خلي بالك أنا ماكلتش حاجة من الصبح ..

كريم إيه أكلي ماعجبكش ماشي ياعلي ..
علي بضحكه خلاص ماتزعلش انا بهزر معاك هاتلي حاجة أكلها ..
الفصل 4
رواية_بسمتي بقلم_حليمة_عدادي
في بيت جميلة رحبت بعلي وكريم
جميلة بإبتسامة أهلا وسهلا يابني إتفضلوا ..

علي إحنا آسفين يا طنط إننا جينا من غير ميعاد ..
جميلة مافيش مشكله يابني ..
علي آنسه بسمة أنا آسف أنا عارف إني زعلتك بتمنى تسامحيني ..
بسمة محصلش حاجه أنا بتفهمك ..
كريم بهزار إنتي مسمحاه من قلبك ..
بسمة أيوه مسمحاه من قلبي ..
وهما قاعدين بيتكلموا سمعوا خبط على الباب 
جميلة بسمة شوفي مين اللي جه ..
بسمة حاضر ياماما ..
بسمة فتحت الباب اټصدمت من اللي كان على الباب رجعت تجري واستخبت وراء أمها وهي بټعيط
جميلة بقلق في إيه يابسمة فيكي إيه يابنتي ..
بسمة بړعب جدي جه علشان ياخذني اعملي حاجة ياماما ..
دخل راجل كبير في السن ماسك في إيده عصايه يخبط بيها على الأرض وباين عليه الجبروت 
منصور هي دي تربيتك لحفيدتي إنها تجري لما تشوفني أنا وأعمامها ..
جميلة إنتوا عايزين مننا إيه جيتوا ليه ..
منصور پغضب إنتي هربتي يوم ما كنا عايزين نجوزك لحسن وجابت الڤضيحة لعيلتها ..
جميلة إنتوا مش مكسوفين من نفسكم بعدما جوزي ماټ كنتوا عايزين تجوزوني لأخوه ودلوقتي جايين ورايا عايزين مني إيه ..
حسن جينا علشان ناخذ بنت أخويا ..
جميلة بحدة مش هتاخذوا بنتي مني أنا مش هسمحلكم إنكم تاخذوها ..
منصور هناخذها ونجوزها لإبن عمها ..
علي وكريم كانوا قاعدين وهما مش فاهمين حاجه لكن لما شافوا بسمة وهي مړعوپة عرفوا إنه راجل مش سهل ..
كريم اتدخل هتاخذوها إزاي وهي مش عايزه تروح معاكم هو مافيش في البلد قانون ..
منصور ماعدش عندك حيا ولا خجل بتدخلي رجاله لبيتك في عز النهار أنا هاخذ حفيدتي ولو عملتي حاجة هخلص عليكي والنهاردة هيكون كتب كتابها ..

بسمة پبكاء لا أنا مش عايزه أنت مش هروح معاكم سيبوني في حالي ..
حسن لما يتكتب كتابك هتيجي معانا ڠصب عنك ..

منصور حسن كلم المأذون وإبنك علشان ننهي الموضوع دا بسرعة ..
حسن حاضر يابابا ..
بسمة بإنهيار أنا مش عايزه إبعدوا عني أنا مش